كتاليس التونة الشهية من مطبخ أم المهند ،، قربوا حياكم الله ..

سلام من الله عليكم ورحمته وبركاته ،،


اليوم جا ببالي أطبخ أكلة طيبة وخفيفة وسهلة في العمل وبإذن الله ما راح تاخذ منكم وقت عشان نتفرغ للعبادة ، خصوصا وإن نحن في العشر الأواخر من رمضان ، وإن شاء الله خواتيم مباركة علينا جميعا يا رب ، وندعو الله ان يمكننا من تحري ليلة القدر قولوا آمين ،،


المقادير حسب الصورة ،،


عودين بصل أخضر + قرن فلفل أخضر مفروم + بقدونس مفروم + مبشور الجزر






حبتين بطاطا مسلوقة





علبة تونة






البهارات : كركم + فلفل أسود + فلفل أحمر بودرة + بهارات هندية ( الكمية حسب رغبك )

طبعا ما أضفت الملح اكتفيت بالملح الموجود في التونة ، ولو حبيتي تضيفي براحتك :)





الطريقة :):)


نشوح الخضار في زيت زيتون ونضيف لهم فصين ثوم مبشورين عشان النكهة (y)






نضيف علبة التونة بعد ما صفيناها من الزيت اللي فيها





ومن بعد نضيف البهارات ،،





وننتظر شوي لين ما تلين عندنا المقادير وتاخذ نضجة بسيطة





نحط المقادير على البطاطا المهروس مسبقا ونعجن فيهم ،،





وبيصير شكلها هيك ،، تأكدي من تجانس جميع المكونات ويا بعض ،،





ونبدأ بتشكيل العجين الشكل اللي تجبينه ، بس الكتاليس معروفة أشكاله اما دوائر أو مستطيلات






ونبدأ عملية القلي في الزيت الغزير ،،

نحتاج للبيض والبقسماط والطريقة معروفة طبعا ،، نحط الكتاليسة في البيض بالأول وعقب في البقسماط وعلى طول بالزيت الحامي ،،









وبالأخير راح يصير عندنا هالشكل الغاوي يمي يمي :tongue:





صورة من قريب (6)






وفي هالأثناء نجهز الصلصة اللي نغمس فيها الكتاليس عشان طعم ألذ ( وهنا براحتك ممكن تستغني عنها وتاكليها بروحها ) ،،

هي شبيهة بالمتبل ومقاديرها باذنجان شويته في الفرن ،،





وفي الخلاط حطيته ويا ( ملعقتين طحينية + نصف ليمونة + شوية ملح + ملعقتين روب زبادي + 3 فصوص ثوم ) ،،





وهاي شكله بعد العجن ، على فكرة ما يحتاج تطحني كثير يعني بس لين ما تشوفي ان المقادير صارت مهروسة ،،






وبالأخير هاي اللوك النهائي لطبقنا الشهي وبالهنا والعافية عليكم حبيباتي ،،