المطبخ بغرفة النوم ..؟؟!!!

إ

إنسآنه

عروس جديدة

15-09-2009 | 03:39 AM

السلام عليكم ورحمة الله وبركاته ..

يسعد لي أوقاتكم بكل خير ..

أنا من متابعي منتديات عروس , وحبيت أشارك بهالموضوع وهي أول مشاركة لي من بداية تسجيلي ..
وأتمنى ألقى منكم المشورة والإفادة ..

أنا مشكلتي أو موضوعي هو أن لي غرفة واحدة في بيت عمي ولله الحمد وناوين أنا وزوجي
أن نسكن فيها بعد الزواج نظراً لسؤ الحالة المادية ولله الحمد وقاعدين نرتب للتجهيزات من كله ..
طبعاً السكن بيكون في بيت زوجي إللي هو بيت عمي والغرفة داخلة على صالة كبيرة ونفكر إن نفصلها وندخلها على غرفتنا اللي هي بتكون غرفة النوم والصالة اللي بنفصلها بتكون لجلستنا وأكلنا .. وبعد فصلها بيكون من الخارج ممر يؤدي لمدخل شقة أخوين زوجي من اليمين ومن اليسار .. وبكذا بيكون حجم غرفة الجلوس متوسط ..

وغرفة النوم حجمها حلو من ناحية العرض والطول يعني أفكر أني أسوي بالزواية المقابلة لمدخل الغرفة مطبخ يعني المطبخ وغرفة النوم بنفس المكان كلن في زواية تفادياً لخروجي ودخولي من مكان إستقراري ومنعاً لأي مشاكل وتوترات بيني وبين أهل زوجي .. ولراحتي النفسية وبعيداً عن الإرهاق أفضل إن غرفة النوم وغرفة الجلوس والمطبخ بمكان واحد .. عن الدخلة والطلعه

يمكن تسألوني ليش مايكون المطبخ بغرفة الجلوس بزاوية
الجواب هو أن الصالة إللي إنفصلت لغرفة الجلوس هي بوسط شقتين والغرفة حقتنا والصالة هذي مافي أي هدف أو فائدة من وجودها يعني راح تكون مسكرة من غير أي نافذة مجرد الباب اللي بيكون بين ممر من جراء فصل الصالة ..

ولأن غرفة النوم كبيرة وفيها نافذة وهي قريبة من الزاوية وأيضاً قريبة من الحمام اللي أفكر أني اسويها مطبخ فأعتقد أن مكان المطبخ الأنسب هو بزاوية غرفة النوم ..

ف هل تنصحوني باللي أفكر فيه لا لكم راي ثاني تفيدوني فيه

أدري طولت عليكم بالشرح لكن للتوضيح أكثر وأكثر عشان توصلون للمغزى :o
لكن هالفكرة محيرتني وملخبطة تفكيري ليش .؟ طبعاً عارفين المطبخ وروائحه
وخايفة لو أني أقدمت على هالشي أكون زدت الطين بلة وش تنصحوني فيه أتوكل على الله وإذا أنتم من رأيي أني أخلي المطبخ بزاوية من غرفة النوم وش النصائح اللي تقدمونها لي ولا تنصحوني فيها ..؟؟

أفيدوني جزاكم الله خيراً .. بحق هذا الشهر الفضيل
شهر رمضان المبارك أعاده الله علينا وعليكم بالخير والمسرات ..

s

shiryqueen

عروس رائعة

15-09-2009 | 05:46 AM

الشرح ما راح يوصل المعلومه برضه
ياريت تصورى المكان
واحنا نعطيكي راينا

وربنا ييسر ليكى امورك يارب

ا

ام فهودي19

عروس مشرقة

15-09-2009 | 06:31 AM

الله ايسر اموركم ان شاء الله

وان شاء الله البنات ايفيدونج

ر

رجاء الحلوه

عروس رائعة

15-09-2009 | 10:56 AM

بجد صوري المكان ونزلي الصور عشان نفيدك ....

أ

أم قصي 2009

عروس متألقة

15-09-2009 | 02:32 PM

والله حبيبتي وضعي مثل وضعك تماما

لي غرفة وصالة والحمد لله التهوية عندي جيدة جدا الصالة لها نافذتين غربية وشمالية
وغرفة النوم اصغر من الصالة

الحمام يفتح على الصالة
الحين انا كنت وسلفتي مشتركين في المطبخ فقط لانه الشقة مشتركة افتح باب غرفة نومي واخرج لممر يوصلني بالمطبخ وبالتالي امر من امام سلفتي وغرفة نومها
وهذا الوضع استمريت عليه 3 سنوات ولكن عندما كبروا اولادي لم احتمل
فانا لم اعمل مطبخ بمعنى المطبخ
ولكن اشتريت ثلاجة ووضعتها بالصالون وعندي طقم كنب فيه وخزانة التلفاز و طاولة الحاسوب

لذلك عندي انبوبة غاز صغيرة عين واحدة اضعها في الصالون في زاوية معينة وارفعها عندما انتهي من عمل اي شئ

طالما التهوية جيدة فلا باس دبري امورك ترتاحين من شوفة فلانة وعلانة

بس انا زوجي ما يدخل السمك البيت لانه خايف من الرائحة

ايش بدنا نعمل الله يوسعها ويفرجها احسن

يارب

k

kh.imane

عروس مبدعة

15-09-2009 | 03:25 PM

ايه حبيبتي اتوكلي على الله وصبري احسن من شوفت احد
مرة الواحد ايكون مزاجو زين ومرة تانية مزاجو زفت
فاحسن شي تستقلي ولو حتى بجزء بسيط ونصيحة مني بترتاحين نفسيا
انا ساكنة ويا اهل زوجي الحين بكمل 3 سنوات والاكل وياهم ما عندي مطبخ وندمت اني ما سويته والحين الحمد لله اخر شهر رمضان ان شالله بنزل شقتي

الله يسرلج وينعم عليج بشقة بروحكم

ش

شموخ فتاة

عروس مبدعة

16-09-2009 | 01:50 AM

حبيتي لو تنزلين صور ممكن نفيدك
اما كذا ماينفع
بس انا اقولك لا تخاطري الا لمن تفكري
بعد كذا ايش راح يصير
يعني من ناحية الرواايح واللوية
وتخزين الاكل
يعني فكري زين وراح تلاقي حل باذن الله

والله يسهل اموركم ويرزقكم السعة ويفتح باب الرزق عليكم يااااااااااااااااااااااارب

اختك\شموخ فتاة

ح

حظرة جنابي

عروس جديدة

16-09-2009 | 08:15 AM

*
*

انا من رايي ماتسوين مطبخ مطبخ لا بس سوي

مكان لتجهيز الوجبات السريعه في زاوية الصاله مثل سندوتشات وقهوه وعصير وسلطه وكذا والوجبات الرئيسيه مع اهل زوجك دامهم اعمامك

بس اسم انو لك مكان خاص اذا كنتي ماتبين تطلعين او والوقت متاخر فلازم يكون عندك اشياء خفيفه

والطريقه انك تحطين طاوله عليها غلايه وحماصه واجهزة تحضير السندوتشات السريعه ودروج ملونه لصحونك

واكوابك وطبعا بجنبهم ثلاجه متوسطه ورتبيهم بطريقه انيقه

وتغطينها بحواجز حلوه زي اللي بالمطاعم

احس كذا اشيك واريح من الريحه والحوسه ومع كذا اخذتِ راحتك

اللين الله يوسع عليكم

وعاد انتي شوفي وش اللي يناسبك ويناسب ظروفك

حبيت اساعد:o

دعواتك ..

*
*

ر

رجاء الحلوه

عروس رائعة

16-09-2009 | 05:49 PM

حظرة جنابي;10278940:
*
*

انا من رايي ماتسوين مطبخ مطبخ لا بس سوي

مكان لتجهيز الوجبات السريعه في زاوية الصاله مثل سندوتشات وقهوه وعصير وسلطه وكذا والوجبات الرئيسيه مع اهل زوجك دامهم اعمامك

بس اسم انو لك مكان خاص اذا كنتي ماتبين تطلعين او والوقت متاخر فلازم يكون عندك اشياء خفيفه

والطريقه انك تحطين طاوله عليها غلايه وحماصه واجهزة تحضير السندوتشات السريعه ودروج ملونه لصحونك

واكوابك وطبعا بجنبهم ثلاجه متوسطه ورتبيهم بطريقه انيقه

وتغطينها بحواجز حلوه زي اللي بالمطاعم

احس كذا اشيك واريح من الريحه والحوسه ومع كذا اخذتِ راحتك

اللين الله يوسع عليكم

وعاد انتي شوفي وش اللي يناسبك ويناسب ظروفك

حبيت اساعد:o

دعواتك ..

*
*

هادي فكرة حلوة
ومنظرها احلى

إ

إنسآنه

عروس جديدة

17-09-2009 | 12:20 AM

shiryqueen

الشرح ما راح يوصل المعلومه برضه

ياريت تصورى المكان

واحنا نعطيكي راينا

وربنا ييسر ليكى امورك يارب

رجاء الحلوه

بجد صوري المكان ونزلي الصور عشان نفيدك ....

تسلمن على مروركن الكريم ..

السموحة منكم ليش أن ماقدر أنزل صور حالياً إلا أن

حالياً هي كلها غرفة وحده وفيها حمام الله يكرمكم ونافذة وحده

وموضوعي هذا كتوضيح لما سأفعله قريباَ بإذن الله ..

أما الغرفة اللي نفكر نقسمها من الصالة اللي تدخل على مسكن أخوين زوجي

هي ماراح يكون فيها منفذ غير الباب اللي راح نطلع وندخل منه

لذلك ماقدر أن يكون المطبخ فيها ..

والحيرة هي أني هل اسوي بزاوية من زوايا الغرفة اللي هي قريبة من الحمام

راح تكون زاوية للمطبخ .؟

شاكرة لكم مروركم وتواصلكم ..

موفقين يارب

إ

إنسآنه

عروس جديدة

17-09-2009 | 12:23 AM

ام فهودي19;10272725:
الله ايسر اموركم ان شاء الله

وان شاء الله البنات ايفيدونج

وييسر أمرك ويوفقك يارب

تسلمين على مرورك الكريم ..

إ

إنسآنه

عروس جديدة

17-09-2009 | 12:33 AM

أم قصي 2009;10274316:
والله حبيبتي وضعي مثل وضعك تماما

لي غرفة وصالة والحمد لله التهوية عندي جيدة جدا الصالة لها نافذتين غربية وشمالية
وغرفة النوم اصغر من الصالة

الحمام يفتح على الصالة
الحين انا كنت وسلفتي مشتركين في المطبخ فقط لانه الشقة مشتركة افتح باب غرفة نومي واخرج لممر يوصلني بالمطبخ وبالتالي امر من امام سلفتي وغرفة نومها
وهذا الوضع استمريت عليه 3 سنوات ولكن عندما كبروا اولادي لم احتمل
فانا لم اعمل مطبخ بمعنى المطبخ
ولكن اشتريت ثلاجة ووضعتها بالصالون وعندي طقم كنب فيه وخزانة التلفاز و طاولة الحاسوب

لذلك عندي انبوبة غاز صغيرة عين واحدة اضعها في الصالون في زاوية معينة وارفعها عندما انتهي من عمل اي شئ

طالما التهوية جيدة فلا باس دبري امورك ترتاحين من شوفة فلانة وعلانة

بس انا زوجي ما يدخل السمك البيت لانه خايف من الرائحة

ايش بدنا نعمل الله يوسعها ويفرجها احسن

يارب

مثل حالك والله
لكن أنا عندي غرفة النوم أكبر من الصالة بتكون والتهوية والحمام بغرفة النوم .. فما أقدر استغلها في شي غير غرفة النوم
وودي أني أسوي كل شي من البداية أحسن من أني استمر على حل مؤقت
لفترة معينة بعدين أفصل والله يعلم وش ممكن يصير في هالفترة اللي بستمر فيها
من مشاكل أو من غير مشاكل راح أكون .. وخاصة لو كان مطبخ شراكة مع أحد صعبة كثير
وعندك صبر ماشاء الله عليكِ ..

وربي يسهلها ويفرجها عليكِ أنتي وزوجك
ويرزقكم من أبواب الله الواسعه ..

شاكرة لك مرورك وتواجدك ..

إ

إنسآنه

عروس جديدة

17-09-2009 | 01:07 PM

kh.imane;10274540:

ايه حبيبتي اتوكلي على الله وصبري احسن من شوفت احد
مرة الواحد ايكون مزاجو زين ومرة تانية مزاجو زفت
فاحسن شي تستقلي ولو حتى بجزء بسيط ونصيحة مني بترتاحين نفسيا
انا ساكنة ويا اهل زوجي الحين بكمل 3 سنوات والاكل وياهم ما عندي مطبخ وندمت اني ما سويته والحين الحمد لله اخر شهر رمضان ان شالله بنزل شقتي

الله يسرلج وينعم عليج بشقة بروحكم

ونعم بالله

الله يصبرنا على كل حال نمر فيه ..

ومثل ماقلتي بالنسبة للمزاج والحال مو دايم مثل ماهو
مرة زين ومرة زفت ..
دوام الحال من المحال ..

وخاصة في بيت الزوج ماحد يتحمل أي غريب بينهم
وبتحاسبين لكل عملة صغيرة أو كبيرة .. وبتكوني محاسبة عليها إن صار شي مايرضي أهل الزوج

وربي ييسر أمرك وإن شاء الله تنزلين بشقتك وتنعمين وترتاحين فيها ..

شاكرة لك مرورك ودعوتك الطيبة ..

موقفة يارب

إ

إنسآنه

عروس جديدة

17-09-2009 | 01:13 PM

شموخ فتاة;10276823:

حبيتي لو تنزلين صور ممكن نفيدك
اما كذا ماينفع
بس انا اقولك لا تخاطري الا لمن تفكري
بعد كذا ايش راح يصير
يعني من ناحية الرواايح واللوية
وتخزين الاكل
يعني فكري زين وراح تلاقي حل باذن الله

والله يسهل اموركم ويرزقكم السعة ويفتح باب الرزق عليكم يااااااااااااااااااااااارب

اختك\شموخ فتاة

ما تأيدين أن المطبخ يكون بالغرفة أول معارضة :D

والله مثل تفكيرك هذا اللي مخوفني الروائح من المقالي والمشاوي ..

البعض ينصحني من ناحية الروائح أن أخلي جهاز شفط الروائح يقولون أن في منه هالجهاز ينباع بالمحلات بس وين مدري .؟

وبالنسبة لشخصين من ناحية تخزين الأكل ماراح يكون صعب لكن مثل ماقلتي الروائح
اللي راح تم ثابته بكل قطع من القماش موجودة بالغرفة

والله يسهل لك أمرك يا رب ..

شكراً لتواصلك ومرورك ..

موقفة يارب

إ

إنسآنه

عروس جديدة

17-09-2009 | 01:20 PM

حظرة جنابي;10278940:

*

انا من رايي ماتسوين مطبخ مطبخ لا بس سوي

مكان لتجهيز الوجبات السريعه في زاوية الصاله مثل سندوتشات وقهوه وعصير وسلطه وكذا والوجبات الرئيسيه مع اهل زوجك دامهم اعمامك

بس اسم انو لك مكان خاص اذا كنتي ماتبين تطلعين او والوقت متاخر فلازم يكون عندك اشياء خفيفه

والطريقه انك تحطين طاوله عليها غلايه وحماصه واجهزة تحضير السندوتشات السريعه ودروج ملونه لصحونك

واكوابك وطبعا بجنبهم ثلاجه متوسطه ورتبيهم بطريقه انيقه

وتغطينها بحواجز حلوه زي اللي بالمطاعم

احس كذا اشيك واريح من الريحه والحوسه ومع كذا اخذتِ راحتك

اللين الله يوسع عليكم

وعاد انتي شوفي وش اللي يناسبك ويناسب ظروفك

حبيت اساعد:o

دعواتك ..

*

*

فكرتك حلوة بس لو أني اتبعتها راح أتبعها من كل شي

وجبات ثانوية أو رئيسية نفس الشي وخاصة أني موظفة وطول وقتي برى البيت

وزوجي بعد نفس الشي ف صعب أني أكون مع أهل زوجي بنفس المطبخ من أكل وشرب ..

وسوالف كثيرة اللي نسمعها عن الحموات هذي سوت وفلانة ماسوت

ف لابد أني لو بشترك وياهم أن يدي تكون بيدهم تفادياً عن القيل والقال ..

من ناحية الترتيب لاتحاتين أدبرها واتكتكها عندي دراية بأمور الترتيب والتشييك

بطريقة حلوة ومرتبة .. :D

تسلمين والله على ردك ومساعدتك ..

شكراً على مرورك .

موفقة يارب

إ

إنسآنه

عروس جديدة

17-09-2009 | 01:24 PM

رجاء الحلوه;10280695:

هادي فكرة حلوة

ومنظرها احلى

الله يحلي أيامك يارب

وأنا بعد عجبتني فكرتها من ناحية الترتيب بس أني أكون مستقلة لحالي
في كل شي ..

بس الخوف من الروائح بس هذا اللي مخليني أتردد :ss:

إلا إذا مثل ماسمعت عن شفاط الروائح ممكن يساعدني في هالمشكلة
وبكون حليت هالمشكلة

إذا أحد عنده فكرة عن شفاط الروائح يخبرني ويفيدني بشي عنه ..؟!!

تسلمين على مرورك وتواصلك ..

موفقة يارب

ا

العائدات

مشرفة سابقة

19-09-2009 | 09:10 AM

امممم

اختي تقصدين مطبخ بمعناه الحقيقي؟؟؟ كشنه وبصل وحوسه؟؟

ماتوقع بيكون مناسب لجوك وهدوئك مع زوجك والريحة ياساتر

او لما يكون نايم وبتجهزين الاكل شلووون؟؟؟

اما اذا تقصدين تسوينها نظام استوديو غرفه نوم وقعدة التلفزيون ومطبخ صغنون للكوفي والساندوتش وهيك

مافي مشكله وخلي الاكل مع اهل زوجك لو لفترة مؤقته لما يحلها ربك:)

ماتدرين يمكن يعرسون اخوانه وتاخذون شقتهم>>تخطط لبعيد:)

الله يوفقك ويسهل امرك

ولايحرمك الاجر

ا

العائدات

مشرفة سابقة

19-09-2009 | 09:13 AM

حبيبتي بالنسبة للشفاط المحلات مليااااانه موديلات خياليه واسعار اخيل من الموديلات

لكن الجودة بشكل عادي الا وهو الالماني اللي لونه رمادي

شكله عادي مثل اي شفاط مروحة عادي بس قوة شفط عجييييبه

سعره بحدود 450ريال

لاحرمك الاجر غاليتي:)

*

*درب المحبه*

عروس برونزية

21-09-2009 | 06:44 AM

للامانه مافهمت للشرح
لكن تقدرين تسوين ميني بار نفس الفنادق واذا عن التهوية حطي الشفاط اللي فوق الفرق ويكوم الفرن صغير

بس انا ماافضل انج تدخلين كل شي بغرفة النوم
لان غرفة النوم لها خصوصيتها ووظيفتها

&

"TOOM"

عروس رائعة

22-09-2009 | 04:24 AM

إنسآنه;10284873:
ما تأيدين أن المطبخ يكون بالغرفة أول معارضة :D

والله مثل تفكيرك هذا اللي مخوفني الروائح من المقالي والمشاوي ..

البعض ينصحني من ناحية الروائح أن أخلي جهاز شفط الروائح يقولون أن في منه هالجهاز ينباع بالمحلات بس وين مدري .؟

وبالنسبة لشخصين من ناحية تخزين الأكل ماراح يكون صعب لكن مثل ماقلتي الروائح

اللي راح تم ثابته بكل قطع من القماش موجودة بالغرفة

والله يسهل لك أمرك يا رب ..

شكراً لتواصلك ومرورك ..

موقفة يارب

حبيبتي اولا الله يسهل عليك ويتمملك امورك على خير بصراحه انا اشوف انه ماينفع تسوي مطبخ في غرفه النوم والله الروايح راح تضايقك وبالنسبه لشفاط الروائح والله لاتصدقين انها تشفكط الروايح انا عندي بمطبخي والله لايشفط ولاشي وهذا مو بس راي بالشفاط راي ناس كثير مايستفيدون منه احسه يوزع الريحه وانا مطبخي بعيد مره عن غرفه النوم ولمن ادخل غرفه النوم بعد الطبخ احس كاني كنت اطبخ فيها فما بالك مطبخ داخل الغرفه انا با ابغى اصعبها عليك بس فكري كثير قبل ماتسوي شي زي كذا انا اشوف راي من راي الاخت اللي قالت كوني اطبخي بالمطبخحق عمك وسويلك في الصاله زي الركنيه وفيها ثلاجة صغيره واجهزه كهربائيه حق الاكلات السريعه ومكرويف كذا احسن لك والله يعينك ..