السلام عليكم و رحمة الله و بركاته
اشحاالكم بنات و شخباركم
انا اعاني من هالمشكله من يوم ما تزوجت
حماااتي احسها تعاااندني و تغيظني و الا اطلعني انا غبيه و ما اعرف شي
انا صارلي من تزوجت الحين سنه و 10 شهور و الحمد لله عندي بنت عمرها 10 شهور
و عمتي تقهرني في بنتي
شوفو انا بنتي صارت لها حساسيه من نوع كذا أكله و الصدفه انه نوعيه الاكل الي تحسست
منه بنتي انا بعد اتحسس منه و غير كذا عايلة زوجي و عايلتي اطفالنا عندهم ربو
فانا اخذت بنتي للمستشفى و الدكتورة عطتني علاج و الحمد لله قالت لي اخذيها قاعده
دام انتو التاريخ السابق للعايلتين فيها ربو فلازم بنت بعد بيكوون عندها نوع حساسيه من اكل
فأنتي ديري بالج عليها
المهم كل القصه انه عمتي تصر و تحن على راسي و تقول انه الحساسية هذي كلها من نوعيه الصابون و الكومفورت الي انتي تستخدميه لغسيل ملابسها
قلت لها يا عمتي هذا ماله شغل لانه لو بيضرها بيضرها من اول يوووم مش الحين البن عمرها 10 شهور
و من ناحيه ثانيه بنتي بشرتها جدا حساسه و لاازم طفح الحفاظ يصيبها
في مرة انا خليت بنتي عندها بالبيت و رحت الجمعيه اشتري لي شويت اغراض
بنتي حفاظها امتلا راحت تبدله لها اتخيلو غسلت المنطقه بصابونه لووووكس !!!
على طووول بنتي بالليل شفت المنطقه صاايرة ورديه انا عاادي قلت يمكن عشان الحر و حضرتها ما قالت لي انها غسلتها بهذي الصابونه عادي و لا لا ؟؟
ثاني يوم الصبح صااارت المنطقه محمرة و راويت زوجي قال كثري من المهرهم الي عطتج اياه الدكتورة و ان شا الله بيخووز
في نفس اليوم رحت بيت ماما ابات عندها لما وصلت هناك و بدلت حفاظ بنتي المطقه صار فيها الطفح يعني زي المحترق البنت تبكي ما تقدر تيلس و لا توقف و لا حتى تعمل حاجتها
اتصلت في زوجي على طول جا خذني
اتخيلو لما وصلت البيت شو قالت عمتي : انتي كل ما تروحين بيت امج البنت تمرض ؟
انا انهرت في مكان زي الي رشني بثلج سكت و ما رديت عليها
خبرت زوجي قالي انا قلت لج من قبل امي طنشيها خلها تولي لا تسمعين كلمه لها ؟؟
يا بنات انا حتى زووجي ملل من المشاااكل الي تعملها امه فيني و فيه
صاايره تعااندني بشكل مش متصور
وصلت فيها انها تاخذ بنتي توديها معها بيوت الجيران بدون اي استئذان والله اني وااقفه جدامها و ولدها يالسه جدامه قالت حق ولدها الصغيير روح البش شيله سوده و طلع هيا من الغرفه و جيبها برع
انا واقفه عند باب الصاله طلع اخو زوجي ببنتي برع و هي طلعت و خذت بنت ي من برع و راحت مب قهر .؟؟؟؟؟
قولولي شو أسوي مع هذي الانسانه ؟؟؟؟؟؟
حمااتي تقهرني و ترفع ضغطي و بدوون اي سبب
س
14-09-2009 | 03:00 PM
*
14-09-2009 | 03:17 PM
الله يعينك ويصبرك عليها
ليه ماتطلعين انتي وزوجك تسكنون بشقة لحالكم
دامه حتى اهو متملل من أمه
الله يصبرك عليها ويحننها عليك :)
ليه ماتطلعين انتي وزوجك تسكنون بشقة لحالكم
دامه حتى اهو متملل من أمه
الله يصبرك عليها ويحننها عليك :)
س
14-09-2009 | 05:25 PM
ربنا يصبرك ويقويكى بس ياريت لو تسكنوا بعيد عنهم انا عشت مشكلتك وعارفة اللى انتى فيه حاولوا تبعدوا احسن
ربنا معاكى
ربنا معاكى
و
14-09-2009 | 07:22 PM
غلاي ماقدر افيدج بشي واتمنى البنات يفيدونج بشي ماقدر اقول غير ربي يصبرج عليها
تحياتي
تحياتي
ك
14-09-2009 | 07:34 PM
الله يصبرك ويصبرنا معاكي
ا
14-09-2009 | 07:36 PM
الله يعينك ياشيخه
د
14-09-2009 | 07:44 PM
نفس الحاله
أنا ماصارلي شهرين وهيا كدا
من أول يوم فرحي حتى ماقلتلي مبروك
وحتى في التصوير لمن جات المصوره تصور زوجي وخالاته معاه وامه قالي تعالي معانا في الصوره
أمه قالت مو لازم تتصور
وألين يومك هذا ماتحترمني وتعاندني
أنا ماصارلي شهرين وهيا كدا
من أول يوم فرحي حتى ماقلتلي مبروك
وحتى في التصوير لمن جات المصوره تصور زوجي وخالاته معاه وامه قالي تعالي معانا في الصوره
أمه قالت مو لازم تتصور
وألين يومك هذا ماتحترمني وتعاندني
د
14-09-2009 | 07:44 PM
مانقول غير حسبي الله ونعم الوكيل
P
14-09-2009 | 07:52 PM
اسفهيها ولو تسكنوا بروحكم احسن ..
ومهما تقولج شي سوي نفسج ماسمعتيه وخليج منها
ترى مثل مايقولون الحقران يقطع المصران
ف لاتعطيها وجه تقولج هالكلام
ومهما تقولج شي سوي نفسج ماسمعتيه وخليج منها
ترى مثل مايقولون الحقران يقطع المصران
ف لاتعطيها وجه تقولج هالكلام
س
14-09-2009 | 11:27 PM
.
.
أشكركن عزيزاتي على هذي الوقفه منكم معايه
و انا احاول جااهده والله اني اسوي الي مطلوب مني بس رضاً لزوجي والله
.
.
.
أشكركن عزيزاتي على هذي الوقفه منكم معايه
و انا احاول جااهده والله اني اسوي الي مطلوب مني بس رضاً لزوجي والله
.
.
ا
14-09-2009 | 11:34 PM
الله يعينك اختي انا زواجي قرب وبسكن عند اهل زوجي مؤقت ولحد الحين حالتنا ممتازة مثل السمنه على العسل بس الله يستر من بعدين يارب تفرجها عليك وعلي وعلى الجميع
[
14-09-2009 | 11:49 PM
الله يكون بعونك يا أختي ..
حاولي تجلسين جلسة هادئة مع زوجك
وحاولوا تدورون حل لكم أنتوا الأثنين يريحكم
ولو وافق أنكم تطلعون من البيت وتروحون شقة لحالكم أفضل بصراحة
بالتوفيق ان شاء الله
والله يحنن قلب خالتك عليك
حاولي تجلسين جلسة هادئة مع زوجك
وحاولوا تدورون حل لكم أنتوا الأثنين يريحكم
ولو وافق أنكم تطلعون من البيت وتروحون شقة لحالكم أفضل بصراحة
بالتوفيق ان شاء الله
والله يحنن قلب خالتك عليك
U
15-09-2009 | 12:09 AM
بصراحة اختي اسمحيلي لكني انصدمت لما لقيت كل البنات معاج ولا وحدة ضدج!!
بصراحة وبدون زعل انتي ابد ما معاج حق،، ابد
تخيلي اختي ان انا زوجة اخوك، فرضاً، ومريتي قرب غرفتنا يوم وسمعتي هالحوار
انا: والله امك حضرتها صايرة تدخل في كل شي، ابيك تلقى لي حل مع هالانسانة
زوجي: كم مرة قلت لج ما عليج منها خليها تولي، ايش عليج منها
بذمتج اختي لو ان امج هي المقصودة بهالكلام ما راح تتضايقين!!
حتى لو جيتي قلتي لي ان امج احسن منها ومن هالكلام بتضل هي ام وهي اللي ربت زوجج وكبرته ورزته الين ما سلمتج ياه وهي راضية، لا تقولين مب راضية، لو انها مب راضية ما كان شالت بنتج وغيرتها وصخها وحفاضها وانتي راحية تتسوقين في الجمعية!!!
اذا اختي على سالفة اللوكس فما اشوفها سالفة كبيرة، لان مو ام زوجج هي اللي تربيها وتهتم فيها 24 ساعة فطبيعي تغلط هالغلطة البسيطة،، ادري بتقولين مو بسيطة لكن انا بعد صار لي هالموقف ومو مع اللوكس، الا حطت لها كريم كورتيزون بالغلط والله البنت كبرت عيبتها اكبر مما تتخيلين لدرجة اني ما اقدر اغسلها ولا قلت شي لعمتي غير الله يعطيج العافية يما وشلت الكريم وخشيته بعيد عنها، ولما سألتني عن اللي فيها قلت لها انتي استخدمتي الكريم الغلط بس ما شر ان شاء الله وعطيتها الكريم الصح وانتهى
لو انج نبهتي عمتج من الاول ان الصابون هو اللي سوا فيها جذي ما كان قالت الكلام اللي قالته عن بيت اهلج، وما اشوف كلامها يزعل مرة كبيرة واللي في قلبها على لسانها
حتى في سالفة انها تاخذ بنتج معاها، لازم تفرحين انها تحب بنتج وتاخذها وياها كل مكان، واذا مو عاجبج تقدرين تقولين لها يما خبريني قبل ما تاخذينها لان مرات ابي اروح مشوار اخذها او اني اقعد ادورها احاتيها وما القاها فعطيني خبر، ما اضن انها بتزعل!!
حتى لو ماخذتها قدامج لج الحق انج تعترضين مو عيب ولا ان حد بيلومج لانها بنتج فعادي قولي لها ما ابيها تروح اليوم مرة ثانية
اختي في عمات يطلعون اشاعات على حريم عيالهم وتقوي ولدها على زوجته بدون سبب وتقعد ترزل فيها قدام خلق الله،، انتي على الاقل جات على اشيا بسيطة المفروض تحمدين ربج عليها
حتى سالفة صابون الملابس مرت علي وقلت لها ولا يهمج اغسلهم بصابون اطفال وبنفسي وقمت اغسل ملابس بنتي بنفسي بس علشان ترضى عمتي،، هذي بمثابة الام فمافي داعي نتضايق ونعصب على اشيا ممكن نطوفها،، الجنة تحت قدميها اختي فحاسبي
بصراحة وبدون زعل انتي ابد ما معاج حق،، ابد
تخيلي اختي ان انا زوجة اخوك، فرضاً، ومريتي قرب غرفتنا يوم وسمعتي هالحوار
انا: والله امك حضرتها صايرة تدخل في كل شي، ابيك تلقى لي حل مع هالانسانة
زوجي: كم مرة قلت لج ما عليج منها خليها تولي، ايش عليج منها
بذمتج اختي لو ان امج هي المقصودة بهالكلام ما راح تتضايقين!!
حتى لو جيتي قلتي لي ان امج احسن منها ومن هالكلام بتضل هي ام وهي اللي ربت زوجج وكبرته ورزته الين ما سلمتج ياه وهي راضية، لا تقولين مب راضية، لو انها مب راضية ما كان شالت بنتج وغيرتها وصخها وحفاضها وانتي راحية تتسوقين في الجمعية!!!
اذا اختي على سالفة اللوكس فما اشوفها سالفة كبيرة، لان مو ام زوجج هي اللي تربيها وتهتم فيها 24 ساعة فطبيعي تغلط هالغلطة البسيطة،، ادري بتقولين مو بسيطة لكن انا بعد صار لي هالموقف ومو مع اللوكس، الا حطت لها كريم كورتيزون بالغلط والله البنت كبرت عيبتها اكبر مما تتخيلين لدرجة اني ما اقدر اغسلها ولا قلت شي لعمتي غير الله يعطيج العافية يما وشلت الكريم وخشيته بعيد عنها، ولما سألتني عن اللي فيها قلت لها انتي استخدمتي الكريم الغلط بس ما شر ان شاء الله وعطيتها الكريم الصح وانتهى
لو انج نبهتي عمتج من الاول ان الصابون هو اللي سوا فيها جذي ما كان قالت الكلام اللي قالته عن بيت اهلج، وما اشوف كلامها يزعل مرة كبيرة واللي في قلبها على لسانها
حتى في سالفة انها تاخذ بنتج معاها، لازم تفرحين انها تحب بنتج وتاخذها وياها كل مكان، واذا مو عاجبج تقدرين تقولين لها يما خبريني قبل ما تاخذينها لان مرات ابي اروح مشوار اخذها او اني اقعد ادورها احاتيها وما القاها فعطيني خبر، ما اضن انها بتزعل!!
حتى لو ماخذتها قدامج لج الحق انج تعترضين مو عيب ولا ان حد بيلومج لانها بنتج فعادي قولي لها ما ابيها تروح اليوم مرة ثانية
اختي في عمات يطلعون اشاعات على حريم عيالهم وتقوي ولدها على زوجته بدون سبب وتقعد ترزل فيها قدام خلق الله،، انتي على الاقل جات على اشيا بسيطة المفروض تحمدين ربج عليها
حتى سالفة صابون الملابس مرت علي وقلت لها ولا يهمج اغسلهم بصابون اطفال وبنفسي وقمت اغسل ملابس بنتي بنفسي بس علشان ترضى عمتي،، هذي بمثابة الام فمافي داعي نتضايق ونعصب على اشيا ممكن نطوفها،، الجنة تحت قدميها اختي فحاسبي
آ
15-09-2009 | 12:13 AM
الله يصبرج ويعيينج
S
15-09-2009 | 02:24 AM
اختتي سكتي لا تتك تقولين لي زوجج امك امك امك قالت وقالت وقالت يعني شنو بسوي اهي امه ما بيده شيي..انتي سمعي وطنششي وقول ليها عمتتتي لمن بتاخذيين بنتي خبريني
ف
15-09-2009 | 02:38 AM
اذا حالتج بس عناد خيو اني ازيد منج اني حماتي ما تففففففففففففففففففارق الشقة ابدا حتى النوم في الليل فيها
م
15-09-2009 | 09:22 AM
انه مع كلام ام عبدالله الله يهديكم يارب
د
15-09-2009 | 10:16 AM
والله ان كلام ام عبدالله عين العقل،،وانا معاها،،واذا تبين نصيحتي اخذي بكلام ام عبدالله ونصيحة مني اضافية:
شوفي انتي صار لج تقريبا خلنا انقول سنتين يعني للحين ماتعودتي على النظام الجديد بالسكن مع ناس اطباعهم ومعيشتهم تختلف عن اللي انتي تعودتي عليه طول عمرج في بيت اهلج ،،كل وحدة فينا متزوجة راح اتمر بنفس المشاعر والظروف وراح تتضايق من حركات اهل زوجها ،،مو عشان انهم مايحبونج او يبون يخربون معيشتج،،تراه سعادتج من سعادة ولدهم،،<<<<هذا اهم شي عندهم وتأكدي من كلامي،،
نصيحتي: حماتج هي بالاول والاخير أم ،وربت من قبل اعيالها واذا اغلطت مرات معاج تقدرين بأسلوب حلو تتفاهمين معاها بما يناسب متطلباتج،،حاولي تكسبينها صديقة لانج راح تعيشين تحت سقف واحد معاها ومافي وحدة تتحمل تعيش حياتها مع عدو ،،فتحملي لا تخسرينها،،واكسبي ودها عشان تسهل الامور معاج في الكلام عن اي شي تحبينه او تكرهينه،،
وبصراحة كلام زوجج ماعجبني : شنو خلها تولي<<< هذي أمه،،اللي مافيه خير في أمه مافي خير للناس،،وتذكري انج انتي بعد وحدة من الناس،،
شوفي انتي صار لج تقريبا خلنا انقول سنتين يعني للحين ماتعودتي على النظام الجديد بالسكن مع ناس اطباعهم ومعيشتهم تختلف عن اللي انتي تعودتي عليه طول عمرج في بيت اهلج ،،كل وحدة فينا متزوجة راح اتمر بنفس المشاعر والظروف وراح تتضايق من حركات اهل زوجها ،،مو عشان انهم مايحبونج او يبون يخربون معيشتج،،تراه سعادتج من سعادة ولدهم،،<<<<هذا اهم شي عندهم وتأكدي من كلامي،،
نصيحتي: حماتج هي بالاول والاخير أم ،وربت من قبل اعيالها واذا اغلطت مرات معاج تقدرين بأسلوب حلو تتفاهمين معاها بما يناسب متطلباتج،،حاولي تكسبينها صديقة لانج راح تعيشين تحت سقف واحد معاها ومافي وحدة تتحمل تعيش حياتها مع عدو ،،فتحملي لا تخسرينها،،واكسبي ودها عشان تسهل الامور معاج في الكلام عن اي شي تحبينه او تكرهينه،،
وبصراحة كلام زوجج ماعجبني : شنو خلها تولي<<< هذي أمه،،اللي مافيه خير في أمه مافي خير للناس،،وتذكري انج انتي بعد وحدة من الناس،،
م
15-09-2009 | 10:56 AM
الله يفرج همك..
b
15-09-2009 | 03:28 PM
الله يساعدك على هالعمة..
بس تدرين خلي ولدها الا اهوا زوك يكلمها عن كل شي...
والله يهديها
بس تدرين خلي ولدها الا اهوا زوك يكلمها عن كل شي...
والله يهديها