ولادة مبكرة - منتديات عروس

ه

همس الدانات

عروس نشيطة

14-09-2009 | 10:16 AM

مرحبا حوامل شخباركم (f)
بادخل لكم في صلب الموضوع
امس كنت عند الطبيبه وخبرتني ان ولادتي بتكون في نهاية الشهر
لأنه الياهل اكبر من حجمها بسبب السكر مع العلم انه تاريخ الولادة 2/11
واللي عور قلبي قالت لي احتمال اتسوي لي قيصريه لأن راس الياهل فوق
وانه الحين وايد خايفة من كلتا الحالتين
الأولى طلق صناعي وانه جربته في ولادتي الأولى وقعدت 3 ايام اعاني من الألم لي ولدت
والثانية من العمليه القيصريه وايد قلبي معورني:16: واحاتي اشلون باقعد وبايود الياهل وانه عندي بنت عمرها سنه ونص :(:(:(
عطوني رايكم شاسوي وايد خايفة طمنوني الله يطمنكم :confused:

ف

فديت عمره

عروس رائعة

14-09-2009 | 10:25 AM

حاولي تشلين الفكرة من بالج واقرى قرآن واستغفري وأدعي ربج
وانشالله الله بيسهل عليج وتولدين في موعدج ولادة طبيعية ..
رفيجتي الدكتورة خبرتها نفس الشي لانه حجم البيبي كبر وبيسوون احتمال لها قيصرية ويوم ولدت ولدت طبيعي ..
لاتحاتين خييو الله بيسهل لج انشالله ..

ف

فوانيس

مشرفة سابقة

14-09-2009 | 11:31 AM

جربي وضعية السجود كل يوم كتمرين لضبط وضعية الجنين
و ان شاء الله يتحرك راسه الى تحت

ا

النوري

مشرفة سابقة

14-09-2009 | 02:22 PM

الله يقومج بالسلامه

S

S H A M O A

عروس ماسية

14-09-2009 | 02:26 PM

صادقه اختي فوانيس جربي وضعية السجود والحبو على يديك وان شاء الله الجنين ينزل راسه لتحت

والله يهون عليك يارب ويكتب لك الخير وين ماكان

c

camberlight

عروس مبدعة

14-09-2009 | 02:39 PM

الله يسهل عليج اختي .... والله انا بنت اختي ولدت قيصري وماشالله عليها عادي تيلس وتوقف وماشالله احس انه القيصري وايد سهل بس احنا الحريم عاد ما نبى نتشوه ولا ما شفتها عانت من اي صعوبات الصراحه حتى كل يوم تقول ابى اييب عيالي كلهم قيصري ولا العذاب والالام والتعب خخخخخخخخخ .. بس تصدقين انا مثلج قالولي انه فيني سكر الحمل وانا خايفه من هاي السالفه وخايفه البيبي تكبر وكل يوم ادعي اني اولد طبيعي مع العلم اني خايفه من الطبيعي وايد بس ما ابغي قيصري ويتشوه بطني الصراحه ..

n

neeevooo

مشرفة سابقة

14-09-2009 | 02:45 PM

الله يهون عليك يا رب
ولا تحاتين حببتى اللى ماراح تشوفين غير المكتوب ليكى
عليكى بالدعاء فى الايام المفترجه
وكثرى من السجود والحبو

B

Butterfly87

عروس مشاركة

14-09-2009 | 03:58 PM

الله يقومش بالسلامة وان شاء الله مايصير الا الله كاتبنه لش توكلي على الله

*

*جمال الروح*

عروس ذهبية

14-09-2009 | 07:51 PM

الله يهون عليج ولاتحاتين ان شاء الله خير انا ولدت بالثامن من الضغط ولدي الحين عمره سنه وكم شهر
مافيه الا العافيه

ب

بعيده عن اهلها

عروس مبدعة

14-09-2009 | 08:23 PM

الله يهون عليك واستخيري

n

nice-girl

عروس مبدعة

14-09-2009 | 08:34 PM

لا تخافين حبيبتي وقل لن يصيبنا الا ماكتبه الا لنا واللي يقولون لج المستشفى سويه اهم ادرى بمصلحتج ولا تحاتين وعلى قولتهم ناس يطلبون القيصرية فلا تخافين واهم شي توكلي على الله.

M

MRS:QaTar

عروس متألقة

15-09-2009 | 12:19 AM

تعوذي من إبليس وتوكلي على الله
وربي يقومك بالسلامة

أ

أم حمودي77

عروس متألقة

15-09-2009 | 01:15 AM

توكلي ع الله ياقلبي وكله بالنهاية اجر اهم الشي الصحه انا بولدي قيصري لانه وضيعيته كانت مقعدي توكلي ع الله واسمعي كلاام الدكتوره

وربي يتمم لج ع خير
وتصددددقي كل يوم بنية ان الله ييسر لج ويهون عليج

ق

قلب البتول

عروس ماسية

15-09-2009 | 01:33 AM

اختي ما فيش الا العافية ان شاء اللة بالنسبة لحجم البيبي كم حجمة حاليا جم قالو وانتي اول ولادة كم كان وزنها لان اذا وزن بنتج كان تقريبا مثل وزن البيبي اللي في بطنج اللحين يعني تقدرين تولدين فية طبيعي لان رحمج اتحمل ولادة بنفس الوزن

بالنسبة لوضعيه الجنين فما لج الا ربج ودعائج وركزي على وضعية السجود وربي ييسر لج

!

!غناتي!

عروس مبدعة

15-09-2009 | 08:04 AM

الله يسهل أمرك لا تخافين بالنسبة لنزول الراس صعدي ونزلي الدرج كم مرة باليوم سمعت انه يساعد بنزول الراس وربي يكتب لك اللي فيه الخير لك ويقر عينك بمولودك

ز

زهرة السعادة

عروس ماسية

15-09-2009 | 08:09 AM

الله يهون عليج و تولدي طبيعي
كثري المشي لانه يخلي الياهل ياخذ وضعه الصحيح للولادة
و ان شاء الله ربي يقومج بالف سلامة