اسعدتني ردودكم على موضوع قرقيعان ولدي
وشجعتوني اعرض صور غرفة ولادتي والتوزيعات
ملاحظة مهمة قبل لا ابدي : موضوعي مجهود شخصي وصور شخصية , ممنووع النقل سواء بذكر المصدر أو لا , موضوعي حصري بعروووس
والفضل بعد الله يرجع لأحلى عرايس استفدت كثير منكم
واخترت الثيم دب العسل winnie the pooh
وصلوا على النبي محمد وادعوا لي بدعوه حلوه
وللحين ببدأ بمجسم التوزيعات اللي جهزته اختي الله يعطيها العافيه ما قصرت معي
اخذت فلين وثبتنا عليه الحشيش
وقصيت فلين على شكل غصن ولونته بالوان الفلين
وشريت دب العسل وثبته على الفلين
وهذا شكله النهائي بعد ما حطيت الشوكولاته في جرة العسل
وهذا الشوكولاته اخترته احمر وحطيت عليه شريط ذهبي عشان يناسب الالوان وحطيت لهايه صغيرة
والحين الشكل اللي حطيته على باب الغرفة
وهذا الباب بعد ما جهز
وهذا الجدران حطيت استيكرات من محل الدنيا الصغيرة
وهذا سرير سلمان شريت المفرش مع الحزام من مذركير واخترت الثيم لان المفرش فيه دب العسل
وهذا سريري
وهاذي الادراج حطيت عليها استيكرات دب العسل
وهنا ملابس سلمان واغراضه
وهذا الشكل كامل
واتمنى يعجبكم ذوقي