كلكم تتبعون التعليمات؟؟

هلا ام علي

بالنسبة للحليب ماعندي فكرة بنتي مارضعت صناعي البنات بيفيدونش

اما اللهاية انصح فيها تهدا الجاهل بصراحة وتسكتة خصوصا في هالعمر وعندش بيجون زينة

مااعندي اي فكره بس اللى اسمعه ان زياده الحليب او نقصانه عن المفروض

يسبب اسهال للطفل

انا اتبع التعليمات بالضبط..

يعني 120 الماي و4 مكاييل..

واللهايه ماعندي فكره لان ما استعملته لبنتي..

وان شاء الله البنات يفيدونج..

الحليب أتبعي نفس التعليمات بالضبط
واللهاية أنا أخذت لبنتي بيجون بس ما أدري زينة لو لا لأن بنتي ما رضت تاخذ اللهاية فماستخدمتها بس إن شاء الله البنات يفيدونش

هلا خيوو

اي طبعاا لازم تتبعين المقادير علشان مايسبب اي اضرار ..

وبالنسبه للهايه .. اني استخدمتها الى بنتي ووايد ريحتني عن الزنه هههههه ..

كنت استخدم ماركه بيجون .. وايد ممتازة ..

اختي انصحش انش تتبعين التعليمات لان هذا الحليب مصنع يعني اي زيادة اونقصان تأذي الطفل لا سمح الله
وبالنسبة للهاية استخدميها لسن ثلاثة او اربعة وحاولي ما تزيدين في المدة بعدين بتتأذين في تعليم الطفل على تركها
بالنسبة للماركة عندش بيجون وشيكو

مثل ما قالوا الأخوات الإلتزام بالتعليمات جداً مهم ، ومهم أيضاً أن تضعي الماء قبل الحليب عشان يكون المقدار صحيح
مقدار الحليب ثابت باستخدام الملعقة والماء من خلال الأرقام إن وضعتِ الحليب قبلا سيصعب تحديد المقدار الصحيح من الماء فإن إلتزمت بالمقدار حسب الأرقام رغم وجود الحليب اللي يآخذ حيز ستكونين انقصتِ من المقدار المطلوب

لاحظت كثيرين يقعون في هذا الخطأ فأحببت تنبيهكِ

عن اللهاية ما عندي فكرة لأني ما استخدمتها لطفلي

مشكورين بنات ماقصرتوا راح اتبع التعليمات بالضبط ان شاء الله بس لانه سمعت وحده من الأهل تقول اذا حسيتين البيبي فيه امساك قللي مقدار الملاعق بس الماي خليه نفس الشي فقلت استشيركم بعد وبخصوص اللهايه اني ما كان ودي اعطيه بس قلت ع الأقل لما يعتدل نومه هالشهرين بس

بالنسبه لتجربتي مع الحليب على طول كنت اتبع التعليمات ..
بس مع حليب بروجرس اختلفت الامور شوي لانه مقداره مبالغ فيه ودكتور نفسه نصحني اني احط 3 قفاش ونص اي ما يعادل 7 قفاش صغار من مقدار الحليب في ماي 200 ملي ..

عكس ما هو محطوط 190 وخمس ملاعق اي 10 ملاعق صغار ؟؟!!!

وبالنسبه لللاهايه ممكن تستخدمينها وبس يكبر شوي ويبداء يفهم حاولي تفطمينه منها ..
وماعليه ضرر ان شاء الله ..!

هلا خيوووو ,,
بخصوص الحليب , لازم تتبعين التعليمات عشان ما يصيد البيبي اسهال أو امساك
واما اللهاية, استخدمتها لولدي لان كان يزن واايد وما يسكت حتى لو توه راضع
بس لما صار عمره 3 شهور شوي شوي خففت منها ليماااااا قطعتها عنه واستخدمت بيجون
واحسها اووكي

@قنوت@;10261784:

مرحبا بنات======= حبيت أسألكم بخصوص التعليمات اللي مكتوبه على علبه الحليب بخصوص مقدار الماء ومكاييل الحليب هل كلكم تتبعونها بالضبط أو مرات تزيدون الماي او تقللون الحليب؟؟

وبخصوص اللهايه ماكنت مقتنعه فيها بس لانه ولدي كلش ما ينام الليل وقريب راح أداوم فقلت راح استخدمها بس في الليل فشنو أحسن نوعيه؟؟

وتسلمووووووون

شوفي حبيبتي للازم تتبعين المكاييل الموجوده على العلبه بالتماااااااااااام

لان انا اول ماجبت بنتي ورحت بها اول زيارة للطبيب قال لي ان فيه ناس مايتبعون المكاييل الصحيحه يا يزيدون يا ينقصون ويسببون نغص ونقص في التغذيه لاطفالهم ..

انتبهي اختي لا تاذين طفلك بعدم اتباع التعليمات يكفي اننا مانعطيهم من حليبنا الطبيعي بعد نحوس عليهم بالصناعي ...


بالنسبه للهايه انا والله عطيتها بنتي توني فاطمتها لما كملت سنه ونص كان ودي افطمها قبل بس الحمدلله ...
انا استخدمت بالبدايه لهاية بايجون لانها صغاااااار ثم بعدين استخدمت لهاية شيكو

تعليمات الحليب لازم تتبعينها بالحرف لان اذا سويتيها بكيفك يضر طفلك


اما اللهايه انا استخدم لبنتي جابلو حلوه وعندك بيجون

اتمنى انهم فادوج لاني انا الصراحه ما استعمل هالشيئين فما عندي فكره عنهم.

بس ما حبيت اطلع بدون ما ارد