neeevooo;10260637:
يارب يا صحوب دعواتك
انا نزاله كمان ساعتين باذن الله(o)
هروح اشيك على الرحم اذا كان انفتح ولا لا واطمن على جوجو
اصلى اليوم وقعت وقعه جامده جدا ومن ساعتها حركه جوجو قاله شوى:confused::confused::confused:
صاحبة الظل الخفي;10260673:
اسمله عليج
حاسبي حبيبتي وان شاءالله تروحين وتطمنين على جوجي
وان شاءالله تكونين انفتحتي
neeevooo;10260691:
الله يخليكى حبيبتى
من ساعه ماوقعت وانا ظاهرى واجعنى وبطنى محجر
كنت بقوم من عالسرير روحت تعكبلت واتخبطت :confused::confused:
قولت عسى تكون الوقعه خير ويكون الرحم انفتح ولا شئ
ان شاءالله بطمن
ولما ارجع بقولكم الاخبار
طمنينى على يويو ايه اخبار ابو صفار وايه اخبار الرضاعه لسه بتعطيه صناعى
رونق الحياة 2008;10261084:
الف سلامة عليكي اختي نيفو ان شاء الله خير
واختي صحوب سلامة يسوف ما يشوف شر
شو ما كتبتي قصة ولادتكي بانتظارها
صاحبة الظل الخفي;10261128:
شر ماييج حبيبتي
كتبتها بالتجمع بس شكلج ماقريتيها
رونق الحياة 2008;10261234:
ما شاء الله التجمع السابق بة الف رد كل يوم ادخل اجد عشرات الردود:tongue:
الحمد لله على سلامتكي اختي مرو ثانية
وخبرينا اخبار يوسف وقت الليل يصحى لو ينام:wink:
صاحبة الظل الخفي;10261274:
اخ على النوم وين ايام العز كل يوم له وقت ومن اجي انام يصحى
ولا يهمج بحطلج القصه مرة ثانيه:)
الله يسلمكم يوم الجمعه كنت متفطره في بيت اهل زوجي وعقب الفطور دخلت الله يعزكم الحمام وانه اتمسح جفت افرازات بنيه مع صفرة بس قلت اكيد انه غلطانه وعقبها بساعه حسيت بألم قلت كالعاده طلق كاذب ورديت دخلت الحمام وبعد جفت الافرازات البنيه اهني خفت وطلعت انتفض وقلت لأم زوجي وعطتني ماي ورد وقالتلي تمشي في البيت قعدت اتمشى والالم يزيد كلمت ماماتي قالتلي رجعي البيت وردعت اتمشى في البيت واخر شي قررت اشرب زيت خروع مع عصير برتقال ورحت الحمام مره وحده وعقبها اختفى الالم على الساعه 2 رجع الالم وهالمره قوي موقادره اتحرك وقعدت احسب لقيت ان كل 5 دقايق انتظرت لي صلاة الفجر وقلت خلاص بروح المستشفى قعدت زوجي والماما وبسرعه رحنا المستشفى دخلوني الغرفه ويات الممرضه تجيك لقتني مفتوحه 1 قعدت اصيح اقولهم انتوا ماتعرفون انه كنت مفتوحه 1.5 شلون صار 1 وقعدت اصرخ من الالم وماما تقولي توج لاتصارخين عشان لاتعبين وانه مافي فايده يات الممرضه تقولي الالم الي تتألمينه مو مال 1 خلني اجيك وانه موراضيه صاكه ريولي ونادت ممرضه ثانيه ويودوني وانه معانده مابيهم يجيكوني قالوا للماما تقنعني وهني رضيت وجيكتني لقتني 2 وانه صادني احباط موقادره استحمل قتلهم ابي قيصريه قالتلي مايصير وانتي بكريه وكلهم يطلبون اقول للماما ولزوجي ابي قيصريه انه بوقع واهما يسايروني وانه اصرخ وارفس ورديت ناديت الممرضه قتلها ابوس يدج سويلي قيصرية تمت تهديني وتقولي انتي جذي بتعبين نفسج تنفسي وعلمتني شلون اتنفس وتميت شوي انتفس وعقب رجعت اصيح وون وهني يات وحده يمي وجيكوها لقوها 1 واجوفها ساكته وماما تقولي جايفه اهيه شلون ماتصرخ عصبت عليها وقتلها انه غير واهيه غير وعقب سمعت الممرضه تقول ان نزل عليها الماي وماياها الطلق قلت للماما جفتي عشان جذي ماتتألم وودهوها قيصريه وانه اقولها بروح بدالج:tongue:ورجعت اصرخ ومع كل مره يزيد الطلق كنت ارجع ورجعوا يجيكون الا 3 وانه اقول ياربي تو الناس ومره وحده ياتني طلقة قويه وانبط كيس الماي اهني قالوا ولاده وودوني غرفه الولاده وقعدت اعور من الالم والقابله تقولي تنفسي وانه اقولها انتي ماتحسين انه موقادره ولدوني قيصرية ومحد معطني ويه وتركوني اصرخ واصيح دخلولي الماما وزوجي وانه اقولهم انه حاسه اني بموت واهما يقولولي تعوذي من الشيطان وتموا يهدوني وطلعوا وانه مواصله في الصراخ وكل ماتيي الطلقه ايود في الحديده والقابله تقولي بتكسرين الحديده وبتطيحين وانه اقولها انتي سكتي انه مابيج تولديني لان ماعندج احساس تقولي الله يسامحج قتلها انتي عندج عيال قالتلي ايه قتلها عيل ليش ماتحسين فيني انه ابي قيصريه تقولي انتي خلاص ولاده واهني بدأ الضغط كنت احس مع كل طلقه في شي بيطلع قلتلها حاسه اني بولد يات تجيك تقولي 10 واخيرا نادت الممرضات وقالتلي مع كل طلقه سوي بوش وتميت اسوي عقب قتلهم علموني انه ماعرف اسوي بوش يقولي انتي شاطره اكوا تسوين صح واكوا نجوف الراس سوي بوش ولاتقطعين وانه اسوي يات الممرضه وجفت معاها مقص وشقتني وطلع يوسف الساعه 10:4 الصبح وحطوه على صدري
وعقب بنجوني للخياط وانه صاكه رجولي خايفه وقتلهم مابي خياط يقولولي مايصير واهوا مايعور استحملتي الولاده اكيد بتستحملين الخياط قتلهم بفتح بس طول ما تخيطوني رشوا البنج وخيطوني وقتلهم عذروني اذا قلت شي غلط:cool:
صاحبة الظل الخفي;10261002:
ان شاءالله مايكون صادج شي
طمنينه اول ماترجعين
يويو وديته اليوم طلع زايد وقالولي اوديه بكره وخايفه يرقدونه مره ثانيه
والرضاعه الصناعيه قللتها
النفسيه زفت من ولدت
arous;10261099:
السلام عليكم نيفو وصحوبة وكل كل بنات حوامل سبتمبر شخباركم عساكم بخير وعافية
تسلم ايديج نيفو على التجمع الجديد والف الف سلامة عليج ان شاء الله خير تطمني وطمنينا عليج حبيبتي
صحوبة الف سلامة على يويو والله يشافيه لج ويسلمه ويحميه معليه تحملي بوحج وعسى ربي يفرجها عليج وعلى يويو ويقومكم اثنينكم بالف سلامة
الف الف مبروك لكل خواتي اللي ولدوا بالسلامة وعقبال الباقي يقومون بالف صحة وسلامة واعذروني على تقصيري بس الحقيقة اني ما اقدر اجلس جلسة طويلة علشان جذي الاخبار توصلني متاخرة فسامحوني واعذروا تقصيري:o
احبكم في الله وايد واتمنالكم كل خير وسعادة
s4everk;10262108:
:eek: :confused: :ss: :(