خطيبي والحسد

حبيتي هذا شي حلوو انه يخاف عليج واكيد هو متاذي من العين علشان هيجي يخاف عليج انتي سوي الي يكولج عليه واقضوو حؤاجكم بالكتمان مثل ما كان يفعل الرسول عليه الصلاه والسلام ...
والله يوفقكم ياااارب ..
تقبلي مروري .......

ههههههههههههه اختي شي طبيعي يخاف على عمره دام عنده خاله زي هالخاله والشي طبيعي لانه عاش الحسد لا واثر فيه بعد اهم شي داومي على ذكر الله والاذكار في الصباح والمساء


دمتي بخير

اختي هذا شي عادي لانه الحسد مذكور في القران ومن حقه يخاف عليج
وترا في ناس ووااااجد ترى ماتحمدالله وتصلي على النبي اذا جافت شي فاسمعي كلامه وابعدي روحج عن الحسد وكل اقراي المعوذات لين جفتي خالته
وماله داعي اصلا كل شي يدرون فيه الناس ترى صج في ناس قدامج تعطيج كلام حلو ومن وراج الله اعلم شتقول وتحسدج حتى من اقرب الناس الج
والله يحفظكم يارب من كل شر ويخليكم الى بعض يارب دنيا واخرة وبالتوفيق لج

هو عاش وضع الحسد يا اختي فهذا شي طبيعي انه يخاف عليك ويخاف ع نفسه من عيون الناس
مافيها شي بالعكس حلو انه يخاف عليك خخخخخ
والله ماينفهم لكم اذا خافوا ازواجكم عليكم ماعجبكم
وان ماعبروكم بعد ماعجبكم

ههههههه

ويي وربي شراتي (مثلي)!!.. ريلي بعد يخاف علي من العين، يقولي قبل لا تطلعين اقري ع عمرج.. وان سرت زياره ولا حد ياني و متلبسه و متكشخه، اقري ع عمرج ، العين حق ! صج قمت اخاف هههههه

مدري شو الحل بروحي شكاكه!!


شكلي بتابع وياج خخخ

ياقلبي اتحصني ع طول سواء خطيبك يخاف من الحسد او لا,,العين حق,,,,,,,,,,,,,,,,,

اختي هذا شي عادي لانه الحسد مذكور في القران ومن حقه يخاف عليج
وترا في ناس ووااااجد ترى ماتحمدالله وتصلي على النبي اذا جافت شي فاسمعي كلامه وابعدي روحج عن الحسد وكل اقراي المعوذات لين جفتي خالته
وماله داعي اصلا كل شي يدرون فيه الناس ترى صج في ناس قدامج تعطيج كلام حلو ومن وراج الله اعلم شتقول وتحسدج حتى من اقرب الناس الج
والله يحفظكم يارب من كل شر ويخليكم الى بعض يارب دنيا واخرة وبالتوفيق لج

كلام الاخت برائة عروس وايد معقول والعين حق غاليتي الناس تشوف في يدج خيط ماله فايدة يعطون عين مابالج بانسانة ربي عطاها الخير من كل صوب الحمد لله بس مو توصلين الموضوع الى حالة هوس وشك يعني مثل ما قالوا البنات اقراي المعوذات 3 مرات باليوم وبعد اقراي سورة البقرة واية الكرسي مو بس عن الحسد حتى لو في عمل يبطل لو في جن يروح ترى حنا في زمن اللهم يا كافي مافي امان كلش

ربي يسخركم لبعض ويبعد عنكم عيون الحساد

تحياتي

صباحاً ومساءاً عليكِ بقراءة المعوذتين وسورة الإخلاص
وقولى هذا الدعاء

أعوذ بكلمات الله التامة من كل شيطان وهامه ومن كل عين لامه

بعدها توكلى على الله واطمئنى

كل الشباب بيخافو على خطيباتهم من الهوى
ما تخافي من هالموضوع وتعوذي انتي وياه من الشيطان الرجيم ومن الحسد
تحياتي

هصرراحة زوجك رووعة يطاالعج وكاانج قمر والكل يبي يحسسدج اسم الله علييج اختي سوي الي يبييه تراه شكلله يموت فيج ربي يحفضضكم من كل عين يااارب وتمم حبكم لي بعض

كلامه صحيح واهو ماقالج الكلام هاذا الي مجرب على قولتك خالته حسادته يعني اقرب الناس له فمابالك بالغريب الانسان لزم مايقول اي شي عن حياته لناس غرب او قراب لانه العين حق وفي ناس يقولون لايبا احنا نسمي ونقرى المعوذات وان شاء الله مافي اله العافيه ...وكلهم صح وانتي الله يحميك من العين ويسر امورك ويتمم عليك بالف خير ويبعد عنكم كل عين وكل حساد ...

مشكورين على ردودكم الله يكفينا شر الحسد والحساد جميع ....

بصراحه انا ما الومه وانا من النوع الكتوم يعني حتى على موضوع خطبتي ماحد درى الا يوم العقد (كتب الكتاب) انا متعوده ما اتكلم بس حسيته على اشياء صغيره يخاف ... يعني احيانا يهديني هدايا عاديه ويخاف يقوللي اخاف احد يعطيك عين وانا ما اضمن ان الشي اللي مو زين بيصير في الهديه او فيك انتي !!!

الله يخليه لي يخاف علي بس احيانا احسه مهوس !!

مشكورين على الردود الله يخليلكم ازواجكم ويسخرهم لكم ويحميكم من الحسد جميع

يا حبيبتي له حق اساليني انا العين بهدلتني الله ينتقم من الي كان السبب...ويحفظنا جميع من العين..حتى انا صار عندي عقدة اخاف من اي شي ...ادعيلي ربي يفرج همي ويرزقني با ابن الحلال عاجلا وليس اجلا امين

اختي انا زوجي يخاف علي من الكحلة اللي في عيني! حتى لو استشورت شعري وحطيت كحل وقلوس يقول لي ارقي نفسج عدل، مابي حد يحسدج
عادي حبيبتي العين حق ووايد ناس حساد هالايام،، بس انتي واضبي على الاذكار والرقيا الشرعية وان شاء الله ما يصيدج شي، لو قال لج تخششي من الناس او لا تسوين كذا قولي رقيت نفسي وربي بيحميني

والله يحميكم من كل شر

بالعكس انا اشوفه شي حلووووو مره انو يخاف من العين لإنوا في كتيررر ناس مايهمها و ماتتحصن و طبعا دا الشي خطأ
و الاحلى من كدا انو يخاف عليكي من العين ماشاء الله :)
ترى دا دليل المحبه :wink: الله يخليكم لبعض و يوفق بينكم ..
انا بصراحه مااشوفها مشكله ابدا ..
تحياتي (f)

وأنا بعد أقولج العين حق وربج قال (ومن شر حاسد إذا حسد)
وهالزمن الناس صارت غريبة بدل ما تذكر الله تقوم تحسد ما تدري أنها لو ذكرت الله رب العالمين يعطيها مثل ما عطاهم وأزيد بعد.

اللهم يا كافي عندنا وعندكم خير ههههههههه
وفي ناس تحسد اللي تعرفه واللي ما تعرفه، يعني مره كنا قاعدين نطالع المسلسل إلا وحده تقول بل هالممثلة ما خلت مسلسل ما مثلت فيه (تقصد أنها حصلت فلوس واااايد)، عاد أنا ما إستحيت قلت لها بتحسدين المره على راتبها والله العالم جان مثلت غيره هذلين ما يمثلون إلا برمضان.

بس عليج بالمعوذات وأقري على نفسج، ومثل ما قال خطيبج لا تبينين للناس عندي وعندي وجاب لي وهداني ترى الناس ما تتمنى لغيرهه الخير والحين حتى الخوات الواحد يخاف منهم اللهم يا كافي.

امممممم والله اهوا حلو ومب حلوو...

انا اعرف ناس وايده تخاف من الحسد لدرجه موطبيعيه يعني مايتهنون بعيشتهم عشان الحسد

لا يلبسون ودوم يخبون اغراضهم وبناتهم اذا شعورهم طويلة دوم مخبينها!!!! انزين الواحد يبى يتهنى بعيشته على الاقل بين اهله مب جدام الغرب لا اهم لااااا



انا اعتبر نفسي جميلة الملامح ودوم الناس تنبهر من ستايلي وجمالي ودوم اكشخ وينبهرون من كشختي الناس بس ماصابني شي والحمدلله ...ليش انزين!!!


مابقولج اني ماخاف من الحسد ,,,اخاف بس مب حاطتة ببالي وايد لان بعدين بمرض من التفكير ,, مخلية كل شي على الله ومتوكلة عليه

انتي بس اقري على عمرج ومابيصيبكم شي ان شاء الله

والطقم الالماس يعني بالله عليج مب بخاطرج تقولين لرفيجاتج ان هالطقم من خطيبج لان البنت شي طبيعي تحب تدلع وتحب ربيعاتها يشاركونها الفرحه

انا اقولج يمكن اهوا عاش التجربة فاثر فيه وايد انا اقرب الناس لي صار وياها جذيه وصارت تخاف من كل شي ومادري هل موضوعها كان حسد ولا مس ولا سحر المهم اهيا شفت وبعد ماشفت احسها صارت تخاف من كل شي وحذرة اكثر في كل شي

يمكن لانها تعبت وايد يمكن من حقها ,,,نحن مانحس فيهم لان اهما اللي عاشو التجربة ,,بس بعد الواحد لازم يكون متزن بنفس الوقت ويعيش حياته والخوف من الحسد الزايد ممكن يأثر على حياتنا سلبيا

الله يحفظنا يارب ويصلح حالنا جميعا يارب العالمين

مشكورين كلكم على ردودكم الحلوه ....

و يا belle ive الله يوفقك ويفرج همك ويرزقك باللي تبينه

ويحمي الجميع من الحسد والحساد

انا عانيت من الحسد قد شعر راسي...
والحين من شوية فتحنا هالموضوع ...
وربي محد سلم من هالنفوس الضعيفة... ناس ماتذكر ربها
من خاف سلم حوطي نفسك بالاذكار والرقيه الشرعيه والمعوذات ...
وكل يوم اقرئي المعوذات كلللل يوم ...
وانا عكسك انا اخاف على خطيبي ونبهته من العين والحسد وهو ولا ع باله بالعكس يتباهى بكل شي الله يهديه ...
:) موفقه واكرر ترا (من خاف سلم)