السلام عليكم ورحمه الله
لجأت لهذا القسم لعلمي بوجود اخوات يملكن النصيحه ووجهات نظر رائعه ،، فأتمنى أن لا يخيب ظني !!
ادخل في الموضوع دوغري وبتكلم باللغه العاميه،،
اخواتي انا محتاره وااااايد ،، والحيره هي في شلون اختار اللي بكون شريك حياتي بإذن الله !!
انا في العشرينات من عمري ،، قبل اسبوع تقريبا تقدم لي شخص !!
ما حصلت فيه إلا يعيبه وطبعا من ناحيتهم ردوا علينه بالموافقه وباقي ردي الحين ،، طبعا انا افكر الحين وفي نفس الوقت عشان اهلي يسألون عنه !!
في هالفتره تقدم ليي واحد ثاني وبعد ما حصلت فيه الا يعيبه !!
هنا بدت الحيره ،، شلون اختار !!!!
اذا جينه للمفارقات من بينهم
الاول
مالي معرفه فيه -- من نفس البلد -- مكمل ثانويه -- موظف -- أكبر مني بسنه ونص تقريبا -- ماكانت عنده شروط في اي شي
الاول
مالي معرفه فيه -- من نفس البلد -- مكمل ثانويه -- موظف -- أكبر مني بسنه ونص تقريبا -- ماكانت عنده شروط في اي شي
الثاني
لي معرفه في اهله وفيه شويه -- من بلد مجاور -- عنده دبلوم عالي -- موظف -- انا اكبر منه ب2 سنه -- ما عنده شروط ولا في أيه حاجه
لي معرفه في اهله وفيه شويه -- من بلد مجاور -- عنده دبلوم عالي -- موظف -- انا اكبر منه ب2 سنه -- ما عنده شروط ولا في أيه حاجه
الموضوع اني محتاره عن جد ،، لا ليلي ليل ولا نهاري نهار ،، أخاف اتخذ اي قرار اندم عليه بعدين !! المصيبه انهم تقريبا نفس التفكير ،، انا خايفه من الغربه وان كانت الطبايع نفس طبايعنه والمنطقه قريبه بينه "انا من البحرين وهو من السعوديه الشرقيه" ،، أقول من لي هناك ان حصلي شي !! هو واهله قالوا مستعدين لكل شي والبنت بتطلع من اهلها وبتدخل عند اهلها ،، وأبدن أبدن ما يمانعون سالفه العمر هو وأهله مع اني حاطتنها نوعا ما عائق قدامي ،، هم يقولون انهم شاريني !!!
أتمنى ألقى آرائكم ووجهات نظركم ونصايحكم بإذن الله
وأسال الله لكم ولي التوفيق
أتمنى ألقى آرائكم ووجهات نظركم ونصايحكم بإذن الله
وأسال الله لكم ولي التوفيق