مشكله اخت صديقتي - منتديات عروس

س

سمكة مشوية

عروس نشيطة

09-09-2009 | 10:45 PM

السلام عليكم ورحمه الله وبركاته

كيفكم يابنات ووش اخباركم في رمضان

اممم عندي مشكله صغيره متعبتني ومتعبه صاحبتي اكثر

المهم بدخل بالموضوع واتمنى نلاقي عندكم الحل او نصائح تنصحوونا فيهااا

اخت صاحبتي صغيره ومراهقه عمرها 18 سنه

المهم اكتشفت صاحبتي ان اختها تكلم وواحد تعرفت عليه من منتدى ومن المنتدى الى المسنجر ومن المسنجر الى الجووال

ووشكله انه لاعب براسها لعب

المهم انها كلمتها ونصحتها انها تبتعد عنه بس هي ابد دايم ساكته وماتبي تتكلم بهالموووضوع نهائيا

وكلما جت تتكلم معاها تسكت والي يشوفها يقول مخيطه شفايفها عن النطق يعني لاتعطيك لا حق ولا باطل

وصاحبتي ماهي عارفه وش تسوي معها كلمتها بالطيب وبالين ابد مافي فايده وو كلمتها نفس الشي بالشده ونفس الحكايه مافي اي تطور معاها

حتى انها اخذت جوالها منها بس الصغيره سوت سالفه وقعدت تصرخ ووتصيح لين الام حكمت ان يرجعون لها الجوال >>> الام ماتدري عن شي وصاحبتي مستحيل تقول حق امها شي لان الام مريضه بالقلب الله يعافيها يارب

ووكمان هددت اختها انها تقول الى الي اكبر منها بس نفس الشي ماتسمع الكلام ولاتعبر احد المهم تمشي على هواها

هي الحمد لله ماطلعت معاه ولا شي بس تتكلم معاه بالجووال

بليززززز يابنات نبي مسااعده ضرووري

كيف نتعامل مع هالانسانه الي تصرفاتها اصلا فاضحتها

ح

حور الروح

عروس مشرقة

09-09-2009 | 10:57 PM

هلا عزيزتي

البن بسن مراهقة وتسمع من صديقاتها عن قصص الحب ، ولها احلامها ومنها الحب والرومانسية والزواج الرومانسي .

انا عندي حل وهي ان صديقتك تاخذ رقم الشاب وتعطيه لحد من ازواج اخواتها او اي واحد من العيلة بس مو من اخوانها وتقول له انه هالشاب يتصل بأختها الصغيرة ويضايقها بس انتو ما تريدو اهلكم يعرفو بالموضوع او اخوانكم عشان ما تصير مشاكل وسوالف. وبعدين هالرجال يتصل بالشاب ويقول انه من اخوهم او ولد عمهم ويهدده بالشرطة اذا ما اتوقف عن الاتصال بالبنت.

اهم شئ هالرجال يكون أمين يعني حتى لو عرف ان البنت هي تكلم الولد ما يخبر الاهل بل يحل المشكلة بهدوء عشان ما تصير مشاكل . ولازم الاخت الكبيرة تحاول قدر الامكان تمنع اختها الصغيرة من الجلسة الطويلة عالنت واحسن شئ ان الكمبيوتر ما يكون بالغرفة يخلوه في الصالة. واذا عندهم اخوات اكبر منهم متزوجات خليها تخبر وحدة منهم عشان تجلس معاها تفهمها. البنت صغيرة واكيد تظن نفسها تحبه ويحبها .

س

سمكة مشوية

عروس نشيطة

09-09-2009 | 11:03 PM

حور الروح;10256646:
هلا عزيزتي

البن بسن مراهقة وتسمع من صديقاتها عن قصص الحب ، ولها احلامها ومنها الحب والرومانسية والزواج الرومانسي .

انا عندي حل وهي ان صديقتك تاخذ رقم الشاب وتعطيه لحد من ازواج اخواتها او اي واحد من العيلة بس مو من اخوانها وتقول له انه هالشاب يتصل بأختها الصغيرة ويضايقها بس انتو ما تريدو اهلكم يعرفو بالموضوع او اخوانكم عشان ما تصير مشاكل وسوالف. وبعدين هالرجال يتصل بالشاب ويقول انه من اخوهم او ولد عمهم ويهدده بالشرطة اذا ما اتوقف عن الاتصال بالبنت.

اهم شئ هالرجال يكون أمين يعني حتى لو عرف ان البنت هي تكلم الولد ما يخبر الاهل بل يحل المشكلة بهدوء عشان ما تصير مشاكل . ولازم الاخت الكبيرة تحاول قدر الامكان تمنع اختها الصغيرة من الجلسة الطويلة عالنت واحسن شئ ان الكمبيوتر ما يكون بالغرفة يخلوه في الصالة. واذا عندهم اخوات اكبر منهم متزوجات خليها تخبر وحدة منهم عشان تجلس معاها تفهمها. البنت صغيرة واكيد تظن نفسها تحبه ويحبها .

مشكووره اختي

بس هم مو قريبين من الشباب الي في عيلتهم ووالبنت عندها جهاز محمول اليها لحالها وحاطه عليه باسورد وماحد يعرفه الا هي ولو احد يموت قدامها ماتعطيه اياه وو صاحبتي تعرف تقلد اصووات رجال وواخذت الرقم وكلمته وهدددته بس نفس الشي اختها عبيطه ردت كلمته ووصار كل شي عندها عادي

والولد كانه اكبر منها بسنتين

وش نسووي والله صاحبتي جنبي وتبكي قهر اتخاف ان اختها تروح منها

ن

نور مجان

عروس رائعة

09-09-2009 | 11:07 PM

حبيبتي مشكلتك كبيره اذا اليوم بالجوال وهي بهذا العمر بعد سنه او سنتين بتتعود عليه وبتطلع معاه نصيحتك لك انكم ادخلو رجل في المسأله مثلا اخوها الكبير عمها خالها او حتى ابوها وتفهموها ان الشاب مستحيل يرتبط في بنت سوى معها علاقه هاتفيه

الله يستر علينا وعلى جميع المسلمات

b

belle vie

عروس رائعة

09-09-2009 | 11:19 PM

لازم تدور واحدة تثق فيها اختها المراهقة وتكون من عمرها لان عادة المراهقن ما يبحو يسمعو كلام الي اكبر منها وتخليها تنصحها .....وممكن تخلي احد يتصل على الشاب ويهديدو ويوقفو عند حدو....... ولازم تتعمل معها بشة شوية يعني تقولها لو ما وقفت حا يسحبو الجوال منها والكمبيوتر وانها حتقول لي امها بس تهديد...وشكرا والله يهديها....ادعلي ان ربنا يرزقني با ابن الحلال في القريب العاجل

ح

حور الروح

عروس مشرقة

09-09-2009 | 11:23 PM

صدقيني اختي ما في الا التهديد بالشرطة. انزين انتي تقولي صديقتك اتصلت فيه وهددته يعني عندها رقمه صح. اوكي خليها تتصل فيه وتقلد صوت ريال وتقول انها الاخ الكبير وانه طاح هالرقم بيده من جوال اخته ويهدد بأنه راح يبلغ الشرطة عليه اكيد الولد بيخاف وما راح يرد على تلفوناتها من الخوف. انتو جربو ما خسرانين واذا ما نفع ساعتها ما في الا حد من اعمامها او اخوالها ، لأن الاب والاخوان يمكن ياخذون الموضوع بعصبية شديدة وضرب .

المشكلة ان الام مريضة وهالخبر اكيد بيتعبها والا كنت اقول تخبر الام هي تتصرف بطريقة احسن.

س

سمكة مشوية

عروس نشيطة

09-09-2009 | 11:23 PM

يسلمووو

بس هي ماتثق في احد وماتفتح قلبها الى اي احد غير ووحده من صاحباتها وصاحبتها ذي مايدتنها بالي تسويه

وواحنا خايفين ان اليوم بالجوال وبعدين تطلع معاه

وصاحبتي مره كلمته على اساس انها غلطانه وطلع انسان لاعب الى ابعد درجه يعني عادي يتمادي بالكلام

س

سمكة مشوية

عروس نشيطة

09-09-2009 | 11:24 PM

ايه نسيت وهم مستحيل يدخلوو رجال بالسالفه لان اخوانها شوي عصبيين

&

▫▪◦ سَآسٍيِ آڵْڍڵعْ ▫▪◦

عروس ماسية

09-09-2009 | 11:24 PM

الله يعينكم والله :(

ح

حبيته ..!

عروس نشيطة

09-09-2009 | 11:30 PM

لازم تقنعون البنت ان هالطريج نهايته دمار ولازم تقتنع اهي نفسها بهالكلام
لأن اذا ما كانت مقتنعه ان اللي تسويه غلط ما بتتصلح المشكله حتى لو تركها اللي تحبه الحين

الله يستر عليها وعلى جميع المسلمين

أ

أم سلمى2007

مشرفة سابقة

09-09-2009 | 11:35 PM

أختى الكريمة

خذى رابط هذا الموضوع وأعطيه لأخت صديقتك لعل

وعسى ربى ينور قلبها ويهديها للصواب

http://forums.3roos.com/t472474.html

س

سمكة مشوية

عروس نشيطة

09-09-2009 | 11:45 PM

اختي ام سلمه يعطيك الف عافيه يارب

بس هالرابط رسلته اختها لها ولا جاب اي نتيجه وصاحبتي متاكده ان الولد غاوي لعب على البنت

S

Soft Touch female

عروس ماسية

10-09-2009 | 02:33 AM

اتقووول للواالد او احد اخواانها لكباااار او ادا كلللش مارضضت تاخذ البنتت الرققم وتهزاااءه وتخبره ما يتصصل ويمسسح الاميل وتهدده بالششرطة

u

umjana79

عروس ركن قضايا و حلول

14-09-2009 | 12:17 AM

ببساطه يااختي ..

سوي كمين للولد .. وخلي اختها تجره .. لحبلها وتلعب عليه قصه الحب .. من الانترنت .. وتحتفظ بالرسايل كلها .. وكلامها مع الولد .. وبعدها راح تقتنع ان الولد لعاب ..

غير هالطريقه ما بتقتنع ابدا..

او تكلم الوالد . ... في حال كل الطرق ما فادت .. صحيح يمكن تاخذ كم طراق .. بس على الاقل يمكن توعى لنفسها.. لازم تقول للاهل مهما صار .. باجر البنت تطلع معاه ومحد يدري عنها وعقب الفوت . بتقول ياليت الي جرى ماكان,, لازم اجراء سريع
ام جنى

ش

شجر الصفصاف

عروس نشيطة

14-09-2009 | 04:49 AM

Noor1979;10264199:
ببساطه يااختي ..

سوي كمين للولد .. وخلي اختها تجره .. لحبلها وتلعب عليه قصه الحب .. من الانترنت .. وتحتفظ بالرسايل كلها .. وكلامها مع الولد .. وبعدها راح تقتنع ان الولد لعاب ..

غير هالطريقه ما بتقتنع ابدا..

او تكلم الوالد . ... في حال كل الطرق ما فادت .. صحيح يمكن تاخذ كم طراق .. بس على الاقل يمكن توعى لنفسها.. لازم تقول للاهل مهما صار .. باجر البنت تطلع معاه ومحد يدري عنها وعقب الفوت . بتقول ياليت الي جرى ماكان,, لازم اجراء سريع
ام جنى

هذا لعب بالنار

لأنو وارد جدا أن يستطيع استدراج الأخت الكبرى و يسيطر عليها و بدل ما تكون بورطة تصير بثنتين

ثم أن البنت لو اقتنعت مؤقتا و تركت هذا الشخص ستبحث عن غيره .. فغالبا القلب الفاضي يبحث عن من يشغله

هذا مو حل ..

تقول لأبوها أو أخوانها أو أي رجل يقربها .. بيخليها تشعر بقلة القيمة أمامهم طول عمرها و كذلك هم أيضا .. كما أن الثقة ستسحب منها و ستكون مذنبة عندهم على الدوام و لن يصفو لها قلب أحد منهم .. و بناءا على هذا ستكرههم و سترمي نفسها في طريق أي رجل .. انتقام حقد سخف أي شيء من هذا قد يدور بخاطرها فهذي الفكرة شيليها من راسك .. لأن المحارم دمهم حامي و صعب ياخذوا الأمر بهدوء و روية

و مع احترامي الشديد لأم سلمى فمهما تقولوا لها عن طبع الشباب السيء و أغراضهم الدنيئة ما رح تفهم .. ستقول أنا أتسلى في أحسن أحوالها .. و ستكتم مشاعرها الحقيقية نحوه و أنها تصدقه فنبرته و كلامه و صفاته التي تراها منه لا يمكن أن تكون لشخص نصاب و حقير ..

الحل برأيي هو شغل وقت البنت و تذكيرها بالله و توعيتها بماهية الحلال و الحرام .. بآخرتها و حساب الله لها .. خليها تستشعر هذا .. كلميها برواق و لا تشعريها أنها مجرمة .. شاركيها نشاطات قربي منها تعرفي على احتياجاتها و رغباتها .. كوني صديقتها و تقبليها بأخطائها عشان ما تخبي عليك شي و تكون تحت عينك دوما ..

و أهم شي ادعي لها من قلب مخلص و واعي أن يغنيها الله بحلاله عن حرامه و يجنبها الشر ما ظهر منه و ما بطن ..

R

ROSE3ROOS

مشرفة سابقة

14-09-2009 | 02:38 PM

اختي الغاليه انا من كثر ماقرى بالمنتدى عرفت انه في هيئه مدري اذا انتو بالسعوديه وله بالامارت الشرطه ممكن تفيدك مثلا اخذي الرقم وقوليلهم انه ماذيكم ويبتزكم واهم بيشيلونه من عرجه وبجذي تادبينه وتبعدين الشر عن اخت صاحبتك...والله يوفقكم الى كل خير

*

**جودي**

عروس مبدعة

14-09-2009 | 03:26 PM

اذا انتي في السعودية

خليهم يعطون الهيئة رقم الشاب وهم يتعاملون معاه

وبينجلد ويحرم يكلم بنات الناس

اتمنى تتطمنينا عليها

و

وجوه الخير

عروس مبدعة

14-09-2009 | 05:10 PM

غاليتي اسمحي لي يعني مراهقة وعندها جوال ليش؟؟؟ ويش عندها من شغل يعني عشان تستخدم الجوال؟؟ وليش اهلها موفرين لها هالشي؟؟ بالنسبة الى حالتها هي نوعا ما اوكي بس في احتمال انه تتطلع معاها يعني هو وصل معاهامن منتدى الى ماسنجر الى تلفون يعني عادي يوصل معها للطعة والسالفة يبي لها رجل عشان يوقف البنت و الشاب عند حدهم والبنت لازم لازم تفهم انه مار راح تنتهي هالعلاقة على خير ابدا وحتى لو اضطريوت انكم تخلونها تشوف بعينها انه يلعب على الحبلين سووه بس اهم شي تنهي هالعلاقة والجوال على طول ينسحب منها والماسنجر " الايميل" يتهكر عشان ما تدخل عليه مولية

تحياتي