طلعت في دماغي اقوم اعمل شويه فطاير
عملت سينابون وكرواسون فطاير بالجبنه والبطاطس المهروسه مع الطماطم
بس طلعت روعه وشكلها يفتح النفس والله يلا تعالوا معايا ورااايا علي المطبخ مع العلم انا لسه مخلصه حالا والله وصورت وقولت انزل الموضوع علي طوووول ...
طبعا العجينه ( عجينة العشر دقايق ) اكيد حفظتوها
السنيابون
انا نزلت موضوع خاص بيه قبل كده لوحده عشان كده مصورتش كل الخطوات
بعد السوا
صوص السينابون الابيض مكون من سكر بودره وحليب عادي بدوبي السكر في الحليب بس يكون صوص تقيل زي ده كده وترشيه علي السينابون اول ما يطلع من الفرن
الصوص التاني صوص الشوكلاته وده جاهز مش بعمله
ده عليه الصوص الابيض
وده بعد ما حطيب صوص الشوكولاته
خلاص وبالهنا والشفا نيجي بقه للباقي
الفطاير
عملت الحشوه دي وهي بالظبط سلقت واحده بطاطس كويس وفي طاسه تانيه حمرت بصل وحطيت عليه طماطم وفلفل مكعبات وملح وفلفل وبهارات وروحت حطيت عليهم البطاطس المسلوقه وهرستهم وده شكله
نيجي للعجينه فردتها كويس بالنشابه وجبت القطاعه بتاعت العجين
وقطعت بالشكل ده
وعملت خطوط بالطول في اخر كل مستطيل
وحطيت الحشوه في الاخر ولفيت
وبقوا كده
وكانت عندي القطاعات دي قولت استغلها وقطعت بيها بس مش كتير
وعملت كده كمان وحشيتها جبنه بيضا ولفتها علي شكل ورده
نيجي للكرواسون
فردت العجينه دايره وقطعتها مثلثات بالقطاعه
وحشيهم جبنه ولفتهم زي الكرواسون هو طلع ميني كرواسون بس شغال يعني
وهنا الصواني
ودهنت الوش بالبيض ورشيت سمسم
بعد السوا
قولوا ماشاء الله
