شغالتي واولادها

هلا فيك عزيزتي
يمكن لو كنتي ما خليتيها تكلم اولادها في البداية
كان احسن لانها ام واكيد بتحن لاولادها بس شكلها
اول مرة تسافر .. طيب كلمتي مكتب الاستقدام اذا
يقدروا يجيبوا لك بديلة لها؟؟
والله رأيي مدامها ما تركز بشغلها وكله
تبي تسافر خلاص خليها ولو انه صعب عليكي لاني موظفة مثلك
وحاسة قد ايش صعب الوضع
بس انتي حاولي قبل ما تسافر تدبري لك وحدة غيرها

اتمنى اكون افدتك :)

سفريها لأنها دوووم بتفتكر اولادها

ثانيا المكتب ما تامني عليهم اغلب المكاتب

يكلمو الخدم على اساس يقنعوهم با الشغل وهم يقولو لها

انتظري حتى تكمل 3 شهور بعدها قولي بسافر حتى لاتصير الخساره على المكتب

لو انها مقتنعه با الشغل كان وقت الي سألتيها كان قالت لك بشتغل

بس هي قالت بسافر حتى لو التذكره على حسابها بتسافر فا الأفضل تسفرينها

لأن حتى المكاتب يكذبو علينا حتى لاتصير الخساره عليهم


اتمنى فهمتيني

حبيبتي عن تجربة

جبت خدامه عمرها 23 ومب متزوجه

اول اسبوع طرنا انا وزوجها بها من الفرح من كثر ماهي شغوله وممتازه في كل شي كل شي

وبعد اسبوع بوزت وقالت ماابي اشتغل

قلت لها يالا نروح المكتب

اتصلت لزوجي كان برع

لما جا زوجي وانا لبست عشان نطلع جاتني تبكي

خبر؟؟

مدام يو آر قود بابا قود أي دونت ونت تو جو

ماتبي تروح

قلت لها اوكي

وكلمتها بالانجليزي اني باوديها المكتب عشان اتكلم مع المندوبه هناك

راحت وتكلمت

وردينا البيت

ومشت مضبووووط ومثل الساعه

عقب اسبوع سوت لنا قصه ثانيه

وديناها

قال لنا صاحب المكتب هوم سك

يعني الحنين الى الديار

حنت لأهلها

طبعا منكرها وكذبها

حنت حق الخرابيط

وانا اتكلم طبقا لكلامها ان هناك خطيبها

وساعات تقول باصير مسلمه

وخطيبي مسلم

وساعات تقول خطيبي راح السعوديه

وقصص وخريط

آخرتها لقينا عندها موبايل وواحد يجيب لها اكل وشامبو وخرابيط

والله يشهد ان مب مقصرين عليها بالعكس

ثاني يوم وديناها الجمعيه وشرينالها كل شي على حسابنا

وخسرنا عليها ثياب وأغطيه للراس وملابس اش قد

حسبي الله عليها

سفريها مادام عندك فرصه والله يعوضك باللي احسن منها ويعوضني

اختي اسمحيلي احس انها عياره .. وانها تقص عليك

لا تسويلها سالفة .. اسبوع كامل فجأه تذكرت اولادها .. احنا اول يوم بعيدين عن اهلنا هو اصعب يوم مو بعد اسبوع فجأه نتذكرهم

صدقيني هذي حجه بس .. انا اقول عصبي عليها وقوليلها ما تبغي تشتغلي يالله المكتب ووديها المكتب يهذبوها شوي

بس انا انصحك تسفريها لانها بعد فتره بتطلع بموال ثاني .. لان شكلها ما عجبها الوضع وتبا تبدل

معليه يكون صعب عليك بس الافضل تصبري ولا تحملي همها

لا حول ولا قوة الا بالله اني بصراااااااااااحه مصدوووووووووووووومه :ss: ومرعوبه من اجاباتكم خواتي
لماذا هذه اللهجه المخيفه بالكلام وهذا التعسف واللهجه الفوقيه اختي العزيزه احذري ثم احذري ان تعاملي الشغاله على انها خدامه عندك بل هي موظفه حالها حالج بمراعاة اختلاف مكان العمل ونوع الوظيفه وفوق هذا هي بشر مثلهه مثلج استعيذي من الشيطان واستغفري ربك ونفذي الي هي تطلبه منك ان كانت تريد الاستمرار عندك او المغادره اعتقد هذا شي راجعلهه يعني هي من كانت تعمل بجد ومتشتكي تحترميهه ومن تتعب لو تحزن تعامليهه بقسوه اذا كنتي تعيشين بهذا المبدأ شلون راح تأمنين على نفسك وعيالك لانه كما تعرفين كما تدين تدان ارجو ان ماتزعلي من كلامي بس اني صدقيني حبين انصحك لما فيه مصلحتك اولا واخيرا احنه برمضان يا خواتي مااعرف شلون تصومون وتصلون وتتكلمون مثل هذا الكلام لا حول ولا قوة الا بالله وخلي نفسك مكانهه اختي العزيزه وانتي تعرفين شعورها
وعامل مثلما تحب ان تعامل
والسلام عليكم

انا اقول حاولي معاها قددددددددد ماتقدري حاولي ترغبيها في الاستمرار بالعمل عندك واذا شفتيها خلاص ماتقدر خلاص رجعيها المكتب يسفرونها واطلبي بديله والله يعينك خلال هالفترة ..

هي الان اخر كلام قالته تبغى تكلم اولادها , وانا قلتلها لاتشتغلي في البيت وهي الان طوال الوقت نايمة أو منسدحة .... المشكلة لمن كلمها المكتب هدأت يوم واليوم الثاني بس تبكي .... انا ماعندي مشكلة اصبر بدون شغالة اذا تبغى تسافر بس انا مابغاها كل شوي بكلام مرة ابغى اشتغل ومرة لا ... وماني عارفة اليوم قالتلي انا خايفة اموت هنا والله خوفتني

اختي احلامي مالها حدود الظاهر انك انسانه حنونه وقلبك طيب والدليل انك تراعين مشاعرهه وتقدرين غربتهه الي هي بيهه وصدكيني ارحمو من في الارض يرحمكم من في السماء وان شاء الله راح تكونين كد هاي المسؤليه ويكتبهه رب العالمين بميزان حسناتج اصبري فان الله مع الصابرين واحملي اخاك اربعيم محملا

اختتتي دام دققت في بالها تبي تروح خللها تروح لا واللله تشررد لج يسووونها هم

اختي eng.meme مادري ليش انتي مصدومه ... الحين احنا ما قلنالها اضربيها ولا جوعيها ولا عذبيها

احنا الحمدلله كلنا نصوم ونعرف ربنا

بس ترا مارات علي خدامات كثير .. والحمدلله نعاملهم بما يرضى الله

بس شغالتها واضح انها تمثل .. ولو نفرض انها فعلا اشتاقت لاولادها .. لمتى تتم منسدحه ؟ ما تشتغل وتطيح على راس الحرمه ؟

الغالية لو سألتي اي وحده سافرت او تغربت بتقولك اول الايام م اصعب الايام .. الحرمه تقول انها اول اسبوع اشتغلت ومستانسه منها .. وتذكرت اولادها لما كلمتهم بس

اختي انا اعرف شغاله اتصلوبها وقامت تصيح تقول زوجي مات .. وطبعا العايلة خلتها وريحتها كم يوم والكل رحمها وسفروها ع اساس تدفن زوجها .. وبعد كم يوم ..زوجها اتصل يسأل عنها ..وطلع كله تمثيل في تمثيل

السلام عليكم نصيحتي اختي الكريمة انج اطرشينها دام انها ما تبى تشتغل لان ما تعرفين شو بيكون نواياها من وراج خصوصا اذا كان عندج عيال صغار فخافي عليهم واضغطي على نفسج طرشيها احسن لج ولها

حياتي يمكن لما كلمت أولادها لقت انه صاير شي عندهم بعدين انتي ام وتعرفين كيف تحس الأم
حرااام و الله تجبريها تشتغل عندك وما تدرين يمكن تسوي فيك مصيبه
خليها تسافر صدقه لها وربي في هذا الشهر يجزيك ان شاء الله و يوفقك
الله يعوضك خير منها

بصراحة اختي بقول لج رايي

انا ما قدرت انام والساعة الحين 4 وثلث الفجر وانا مواصلة تعرفين ليش؟؟
لاني امس عصبت على الشغالة وصكيت في وجهها الباب
مع اني مو مقصرة معاها ابددددددد،، بس هي كسولة في اشيا ومرات تتذمر ومرات تعصب وتعاند لكني صااااااااابرة عليها


اختي بقول لج سالفة صارت معاي
كنا في مدينة الالعاب وشفت شغالة عندها بنتين وحدة في ايدها شايلتها ووحدة تمشي جنبها وولد شوي اكبر منهم،، والولد مو راضي يركب اللعبة وهي تدزززززززه غصب يركب!! الين عاندها ومسك الحديد قامت دزته وطيحته ومشت
طبعا زوجي لاحظ اني سرحانة اطالعهم قال لي تخيلي نفسج الحين، مريضة وتعبانة، وانا ما عندي شغل ومحتاج فلوس، وبنتج الصغيرة متعلمة تنام على حضنج وانتي اللي تسوين لها كل شي، ما تاكل الا من ايدج، وسافرتي بعيد عنا، مرة سمعتي انها مريضة، ومرة انا الح واحن ابي الفلوس، او انتي مو مهتمة ما تكلمينا، ومن هالسوالف والمشاكل اللي ما تخلو عيلة منها، مشتااااااقة حق عيالج موووت ومضطرة تربين عيال غيرج!!! بتقدرين انج تشتغلين على اكمل وجه بدون تعب وملل!!!

حبيبتي شي طبيعي اي ام تبعد عن عيالها تحن لهم،، اذكر مرة سافرت للعلاج والله كل ليلة اصيح اتذكر بنتي، اقوم من النوم الا انا ضااااااااامة الفراش لي احسبها جنبي، فما بالج باللي عندها 3؟؟؟

تعرفين ان شغالتي تقول والله مستعدة اشتغل عندج 7، 8 او 10 سنين لو تبين، ليش تقول هالكلام؟ لان المعاملة الطيبة هي اللي تخلي الواحد يحب الشغل
اختي لا تشدين عليها، حاولي تفهمينها ان اهلها حتى لو رجعت لهم واستانسوا فيها محتاجين لشغلها علشان تعليمهم وعيشهم، ما راح تفيدهم ولا تفيد نفسها بشي لو راحت وقطعت مصدر رزقهم
اوعديها انج بتخلينها تكلمهم من فترة لثانية، وحاولي ما تشدين عليها في الشغل ولا تغصبينها تتعلم شي، ما تعلمت اليوم بتتعلم بكرة،، بس خلج حنونة معاها

نصيحة بنات ترى الخدم ناس مثلنا وعندهم حس ومو كل الخدم مثل الشي، لو وحدة خدامتها غلطت والا فضحتهم غيرها يمكن تكون تخاف ربها

اسفة عالاطالة بس صج موضوع لو الكلام يطول فيه ما بنخلص

سفريها وارتاحي وجيبي غيرها

جاتنا مرة شغالة ونفس الشي وقالت حق امي انها تبي تروح عشان عيالها

كلمت المكتب وقالها اصبري

الزبدة لين خلصت 3 شهور وبعدين شردت واحنا توهقنا

وقتها كانت امي والد وانا ادرس فمن جد كنا في وضع لايحسد عليه

سفريها وتحملي كلها شهر والا شهرين وتجيك وحده ثانية

اذا طلبتي اطلبي وحده مشتغلة من قبل

الله يعينك

الله يعينك

انا من رايي انك عملتي خير انك خليتيها تكلم اولادها والله يردلك الخير
وهي لو تبعت شغل لصبرت لكن انتي ما تتمسكي فيها والله يبعدها ويسعدها احسن ما تعملك شغله في اولادك وتندمي انك خليتيها والله يعوضك بللي احسن منها وقوليلها تستنى عليكي شويه لحد ما تدبري حالك بوحده تانيه والله معك

الله يكتبلك الصالح ويصلح لك الحال

وديها ادم في فترة تجربة ,,

والله اسالي مجرب ,,

صارت عندنا خدامة عندها ثلاث بنات صغاار , والله مايمر يووم ماتصيح عليهم ,, واي مشكله تصير قالت تبي تسااافر ,, ومثل ماقلتي ماهي مركزة ,,

وديها ويبي لج غيرها هذول الي عندهم عياال دوم بالهم مشغول في عيالهم ,,

وانتي والي يريحج ,,

تحيااتي ,,