sara2;10254729:
موضوع موفق بس أحنا لا نملك كثرت الدعاء والأستغفار من الله
بس نصيحة يا أمهات أبعدوا أبنائكم عن أماكن التجمعات والزحمة وخاصة هذه الأيام التي تكثر في الطلعات عشان التسوق للعيد .
والله يستر لما تفتح المدارس
فعلا مافي في ايدنا الا الدعاء ..!
والله يستر ويحفظ عيالنا ..
ونحاول ما نروح التجمعات ..
وبالنهايه ما راح يصير الا المكتووب لنا ..!
مشكوره مداخلتج ..!
آل الميامين;10254744:
الدوام للروضات تأجل الى تاريخ 4\ 10
والله حاطة ايدي على قلبي
الله يحفظ عيالنا
الله يستر ..
ويحفظ عيالنا جميعا ..
و وايدين الا ما بيودون عيالهم الروضات..
ولا غيره لحيث حين ..!
كربلاء;10254856:
حتى انا بصراحة خايفة على الاطفال
بنتي صغيرة بس اخواني في المدرسة الله يحفظهم وجميع المسلمين
حتى لصغار ينخاف عليهم اكثر من الجو ..
خو هذا المرض بالجو ينتقل ..!
والا بالمدارس الله يعينهم ..!
والله يحفظ عيالنا ..
أم مرااام;10254880:
حاالي حاال كل الأمهااات !!
خااايفة ع عيااالي
ماا أطلعهم و لاا أخليهم يختلطوون بالتجمعاات
و الاحصائياات جداً مخيفة
قرأت من اشووي ان البحرين فيهاا ماا يقاارب 940 حاالة اشتبااه بالمرض
يعني موو شي بسيط
لماا رحت أخذ ثيااب العيد ماا طلعتهم و يااايي
و لماا رجعت و قبل ماا ألمسهم سبحت و عقمت ايدي
و بماا ان ولدي بالرووضة و بنتي بالمدرسة فأني خااايفة و قررت اني ماا بخليهم يداوموون
حتى يتم اتخااذ اجرااءاات احتراازية منااسبة قلت بعد ماا يتم تطعيمهم
بس سمعت ان التطعيم أخطر من المرض
الله يحفظناا و يحفظ اعياالناا و كل أحبابناا من كل شر
اي جيتي على الجرح يا ام مرام الله يستر ..!
من شوي حاطين تبع المنظمه العالميه للصحه ..
على قناة الراي ..!
ويقول انه ثلث سكان لكويت راح يصابون بالمرض وكان خبر عاجل ..!
ومن شفته خفت ..!!!
احس الاحصائيات تزيد من كل جهه ..!
لازم نحط بالنا اكثر وما نسسى التعقيم على طوول ..!
حتى واحنا بالشارع ..!!!
ويارب يحمينا ويحمي اطفالنا ..!
الدمشقية;10254952:
اي والله الوضع غير مطمئن ابدااا ... ياربي تحمي اطفالنا جميييع
للاسف السعودية رافضة انها تأجل المدارس على الرغم من ان احصائية هالمرض كبيرة كتير في السعودية
الله يسترنا ويرحمنا برحمته ياااارب
_لازم الديتول والمعقمات مانتجاهلها ابدا وماننساها لا في البيت ولا في شنطنا وكمان مع اطفالنا
_ونحاول نأكلهم الاكلات اللي تزيد مناعتهم وتقويهم واعتقد العسل مافي زيه للمناعة فنحاول نعطيهم ولو ملعقة كبيرة كل يوم ..... يعني ناخذ بالاسباب والاتكال على الله سبحانه
_ نراقب اطفالنا بشكل مستمر ودقيق تجاه اي وعكة صحية لا قدر الله ولو بسيطة ومانتجاهلها وخصوصي اذا بداية رشح او وجود حرارة ولو مو مرتفعة كثير
_ والدعاء مالنا الا ندعيلهم ونحصنهم كل يوم وربنا رحيم بعباده والله يحفظ اطفالنا جمييييييع
فعلا كل كلامج صحيح ..!
ووايدين اعرفهم شرو معقمات وعلى طول يمسحون اياديهم ..!
ويعقمونها .. واختي كانت بنتها عندها اسهال اعزكم الله ..
وراح المستشفى ولما دخلت على دكتور ..
على طول شافته يحط له معقم غير الكمامات ..!
سالته عن اسم المعقم وراح شرته وقاعده تستعمله دووم ..
و الله الحافظ يحفظنا ..!
مشكورات جميعا ..!
والله يبعد الفايروس عنكم وعن احبابكم ..!
وياريت اي شي يخص الموضوع ويتعلق فيه تضيفونه ..
لحد ما ينتهي هذا الوباء الاسود ..!