السلام عليكم ورحمة الله وبركاته ،،
أدري كلكم مستغربين وجودي بركن المطبخ خصوصا بعد انقطاعي القصير :cool2: يمكن إذا ما خاب ظني هذا أول موضوع لي بالركن :smile: ..
ودعواتكم ما يكون آول وآخر موضوع ،، أهم شي الظروف تضبط معاي :up:
غير كذا أنا وعدت مشرفتنا السفيرة ان أول نشاط لي بعد الإنقطاع هذا راح يكون بركن المطبخ :essen:
المهم جبتلكم طبخة يمكن أغلبكم يعرفها بس باختلاف المسميات ،، وهي أكلة طيبة وخفيفة برمضان ..
فيه ناس يسمونها ( البلا بلا ) .. وغيرهم يسمونها ( كباب بحريني ) ، وأكيد الطريقة تختلف بعد ..
وعندنا في عُمان نسميها البكوراة وكل أحد يبدّع فيها بكيفه ،، طريقتي في البكوراة نفس الطريقة الهندية تكون ويا خضار وبهارات وراح أوافيكم بالطريقة المفصلة مدعمة بالصور وإن شاء الله الطبخة تعجبكم هذا إذا ما كانت جديدة عليكم :D_smil1:..
نبدأ بسم الله ..
المكونات :
2 كوب طحين حمص + 1 كوب طحين أبيض + ملعقة كبيرة بيكنج باودر
الخضار عبارة عن :
بصل أخضر + شبت ناشف + قرن فلفل أخضر + بقدونس
البهارات عبارة عن :
ملح + كركم + فلفل أسود + فلفل أحمر بودرة ( حسب الرغبة )
نخلط جميع المقادير ونعجنهم ب 3 أكواب ماي نفس الكوب المعياري اللي استخدمته .. وراح يصير شكل العجين عندنا كذا ..
نخلي العجين شووووي يرتاح ، وفي هالأثناء نغلي بيض حسب رغبتك أيضا ،،
نقطعه شرائح أو مكعبات حسب رغبتك ..
وبعد ذلك نغمس قطع البيض حبة حبة في الخليط ( حاولي تغمري قطع البيض بالكامل في الخليط ) ، وعلى طول نقليه بزيت غزير ، للأسف هنا ما صورت الطريقة بس بإذن الله تكون واضحة لكم :)
وبالأخير راح يطلع عندنا بهالشكل اليمي ،،
وتبقت كمية من العجين سويتها بروحها بدون حشو وكانت بهالشكل
وتقدرون تاكلونه مع أي نوع صلصلة تحبونها ،،