زوجى يسرقنى ويذلنى ......الخ

السلام عليكم
ابى اشكى مشكلتى لعله وعسى حد يحصلى حل وافتك من ريلي للأبد....
السالفه ومافيها
تزوجت بالطريقه التقليديه مثل مايقولون وهو من اهلنا
للأسف محد سئل عنا عدل بحكم من الأهل
بعد زواجى اكتشفت ان يشرب الخمر وحاولت معاه مافى فايده
ولما حملت بأول حمل جزانى بالخيانه وكنت يومها مريضه وعندى حمى ولا افتكر المهم شهواته اللى ماتعرفونه بريلي اهم شى عنده شيئين الحريم والفلوس
ولما انجبت بولدى الثانى أكتشفت ان ريلي يتعاطى مخدرات لما مسكته الشرطه وطبعا انسجن رغم عيوبه انا وقفت معاه ولا تركته لحظه رغم اهله تخلوه عنه يعنى مايسئلون وكأن المشكله مب مشكلتهم .
وطلع باعفاء امر من الشيخ زايد الله يرحمه يوم امر بتنظيف السجون من المساجين
وطبعا فرحت لأن وعدنى ان بيتغيروبيكون انسان ثانى
ونسيت اقولكم انى انا مب على وفاق مع اهله يعنى مايحبونى وتحملت عشانه بس مايستاهل والله
وبعد خروجه من سجن رجع لعادة الأوليه شرب الخمر والحريم والمشاكل
ومايقصر طبعا في الضرب يضربنى ومايرحمنى حتو لو كنت حامل مايهتم ومرة رفع على سجين وهو يبا يذبحنى وتحملت وفي حملى الرابع سرق ذهبى اللى كنت حطيته على الطاوله طبعا اتهمت البشكارة .. واكتشفت ان هو اللى سرق الذهب تخيلو شو رد اللى رده على (طبعا هو يشتغل )ليش خاشه الذهب حق منو احنا اوله نصرف عالبيت ومب لازم تلبيسنه واختى ماتلبس يعنى مب لازم قهرنى والله
وسكت عنا وسامحته وقام يبخل علينا مايعطنى مصروف مثل ناس واذا حصل في بوكيه بيزات شلهم وينكر ان هو ياخذ شي وفوق هذا مايعامل عياله مثل كل صراخ وسب ودعاوى
المهم عندى ولد من ذوى الأحتياجات الخاصه يعنى الشؤون تمشيله ....... وطبعا هو شل ايده من مصروفنا كله عالراسي هو يستلم مبلغ وقدره وانا من الشؤون وسكت وتحملت الظلم
تحملت ان مايعاملنى مثل ناس مايحسسنى انى زوجه والله ساعات اعرف اخباره من اهله ولا يقولى شئونسيت اقولكم ريلي جذاب نمبر 1 يعنى محد يصدقه في شي واهله يعرفون عيوبه انا ماتبلى عليه واخر شي اللى صار وخلاص ماتحملت ةابى اطلق اليوم قبل باجر تخيلو شو سوا كنت حامل في ولدى الخامس وجريب بربي وعندى سكر يوم كنت راجعه من برع انا وهو وعيالي لقيت حجرنى متعفسه فوق وحدرواكتشفت ان الذهب كله انسرق ( طبعا بعد سرقه الذهب اول مره وعرفت انه هو خشيت باجى الذهب عند مرة اخوى يعنى انحرمت البسه والبس بناتى والسبب هو يبت الذهب من فترة بسيطه بس ) المهم ريلي بلغ الشرطه ويت الشرطه البيت وسو واجباتهمطبعا انا شكين بالهندى وكل ماقول حق ريلي بلغ عنه يقولى لا حرام ماشي دليل وبعدين دققت بالحجرة والعفسه لقيت مب شغل حراميه يعنى اللى اخذ الذهب واحد يعرف مكانه عدل وتفتيش الحجرة كان عشواتى والصراحه شكيت بريلي وخصوصا موقفه بارد قالي انا مب خبله اسرق الذهب وايب الشرطه
آه بس المهم يا ولدى يخبرنى يقولى ماما شفت ساعه في سياره بابا مخشوشه لهيت ريلي قلت حق ولدى بسرعه يب ساعه قبل مايشوفنا وياب الساعه اكتشفت الطامه الكبرى الساعه ساعتى وكانت محطوطه مع الذهب كان شكى في محله تخيلو معاى الموقف بس يعنى ريلي الحرامى اللى ادور الشرطه عليه واللح حرام عليه وعالفكرة ولا قطعه من الذهب هو اشترا لى كنت ادخل جميعات واشتري ومن غير الهدايا والله حرام عليه اللي يسويه فينى اتيب الشرطه وريايل داخل حجرتى وشافو ثيابي الداخليه والله عيب ولا ريال لأالريال مايسوى جيه بأهله
المهم لما واجهته رويته الساعه انصدم وقام يصارخ على ويضاربنى لا ويقولى انا اتحملتج ويبلى سوالف مايخصه في موضوعنا وانتهت على ان هو ينكر ومايدرى منو حاطه الساعه طبعا جذاب ريلي واعرف يوم يجذب ماقلت غير حسبي الله ونعم الوكيل
والحين ابغى حد يساعدنى ابى اطلق منه مافى فايده معاه انا ساكنه مع اهله لو تطلقت وين اروح ويعرف هاالشي ويذلنى ذل دايما يطردنى ويفر ثيابي برع ويعرف انى ماقدر اسير مكان
ابغى عيال حلال يساعدونى بس في السكن مب مهم الباجى الحين عندى معاش ولدى
دورت على وظيفه اساعد نفسي واطلع اجر لي بيت او حتى من الحكومه
الحين مايطبقنى ويكرهنى لأنى كشفته خايف ينفضح بين اهله بس انا مب نذله مثله افضحه مب عشانه عشان عيالي صعب يوم يعرفون ابوهم حرامى وجذاب وسكير.....
اسفه انى طولت عليكم والله مهمومه ابى اطلع واربي عيالى تربيه صالحه
بس مابي منكم اللى مساعده في السكن بسحتى لوحد يعرف يطلعلى بيت حكومه
وجزاكم الله خير وابغى دعواتكم انى احصل على المسكن قبل مايفرنى برع
السموحه منكم