السلام عليكم ورحمة الله وبركاته
مبارك عليكم مابقى من الشهر
اليوم حبيت اغير من نفسي وشكلي وانزل وزني قد ماقدر فقلت اشارك خواتي فالمنتدى عشان نتشجع ونضعف ونصير مثل عارضات الازياء نحصل كل الي يعجبنا بدون مانحط فخاطرنا شي و الحين اعرف ان مافي وايد وقت عالعيد بس بكمل لين اوصل للوزن الي ابيه لو يتطلب هالشي شهور
فالبداية اعرفكم بنفسي
اسمي
miss versace
طولي
160
وزني
57
الوزن الي احلم فيه
45
الحين نبدا بالشروط
اول شي (الرياضة)
الدراجة الثابتة من افضل الاشياء الي تساعد على حرق الدهون المتركزة فالارداف ولازم تحاولين تستخدمينها كل يوم فالبداية ابدي ب20 دقيقة وكل اسبوع لازم تزيدين 5 دقايق مشي وبما ان احنا في رمضان الحين خليه بس ل 25 دقيقة واذا قدرتي 30 دقيقة احسن واحسن
الاثقال
نستخدم ثقلين كل واحد منهم 3 k .g مانبي اكثر لان احنا نبي نبني عضل خفيف عشان ماتتراكم السمنة فالزنود وبكون صعب انها تتراكم
وفي غيرها تمارين لباقي الجسم بطرشها حق الي بتشترك معاي
ثاني شي والاهم
النظام الغذائي
طبعا نظام رمضان بكون من اعداد العضوة روح الحب فديتها لانه وايد حلو
بس يبيله صبر وكلنا بنمشي على نفس النظام فالي بتشترك وتبي تسوي نظام او دايت غير السموحة اقولها روحي دوري رابطة ثانية
ثالث شي
الشاي الاخضر واايد مهم انج تشربين شاي اخضر بعد كل وجبة يعني الحين في رمضان تشربينه مرتين بعد الفطور بساعة وبعد السحور بساعة
لان له دور كبير في التنحيف وتنظيف البطن ويخلص الجسم من الغازات و مافي اسهال او امساك كلشي اوكي
رابع شي
طبعا الكل يعرف فوايد الماي واهميته فلااازم كل يوم نشرب مو اقل من 5 اكواب ماي كل يووم
خامس شي
الميزان، لازم وقت الدايت تبتعدين عنه نهائيا ومانقيس الوزن الا بعد اسبوعين وبكون الموعد كل خميس
سادس شي
بعد هالاسبوعين وعقب قياس الوزن ثاني يوم بكون عندنا يوم مفتوح عشان مانحس بالحرمان ونقدر ناكل الي نبيه يعني لو دخل شي فخاطرج قولي لا مابخرب الرجيم الحين بخليه لليوم المفتوح واكلي كل الي خاطرج فيه بس بعد الساعة 10 الليل stooooop وقفي وخلي السحور خفيف
اما الحين الي فيها عزيمة واصرار انها تضعف وتغير حياتها وحابة تشترك معاي حياها الله وانشاء الله تضعف بصحة وبدون ترهلااات بس الي عليج تذكرين اسمج وطولج ووزنج الحالي والوزن الي تحلمين فيه :15:
و طبعا شكر خاص للعضوة روح الحب تعلمت منها وااايد اشياء الله يجزاها كل خير ونقلت من موضوعها الاشياء الي استفدت منها
واخر شي ممنوووووووع النقل هالموضووع تعبت واايد عليه والي حاابة تنقله تذكر اسم المنتدى عروس وصاحبة الموضوع miss versace