انهارده قلت اغير شويه واعمل سمك مقلى وعملت جنبه سلطه بابا غنوج وصوص كارى وسلطه خضراء وارز بشعيريه
السمك مقطع شرايح تبلته بتوم وكارى وفلفل كمون وملح وورق لورى وورزمارى وسماق وبابريكا وجنزبيل ولمون وفلفل اخضر كل دول ضربتهم فالكبه
وحطيتهم على السمك ودعكته كويس وسبته فتلاجه
قبل الفطار بحاجه بسيطه طلعته قليته
وحضرت صوص الكارى بيبقى لذيذ على الارز الابيض وهو عباره عن مكعب مرقه دجاج وقطعه زبده وشويه دقيق على النار وبضيف ماء شويه وكارى ولحد موصل لقوام معقول ولا سميك ولا مايه ولازم يكون سخن عند الاكل
وشويت الباذنجان على عين البوتجاز
وحطيتها فالكبه مع ذبادى وطحينه وخل وملح وفلفل وتوم او بودره توم وعلى الوش حطيت شويه زيت زيتون
وطبعا السلطه الخضرا العاديه وارز بشعيريه اتمنى يكون عجبكم :o