هل هذا طبيعي ...

الحمد للة على سلامتج وانتي توج والدة اصبري على نفسج البطن عادتا يترهل بعد الولادة بس اللي لاحظتة ان اللي ما يمتنون في الحمل بس يطلع لهم بطن هم اللي يترهل بطنهم اكثر واللي يمتن جسمهم وبطنهم سوا ما يترهل وايد بس مدام انتي رحتي المستشفى وما فيش الا العافية لا تخافي وعادتا الوحدة بعد الولادة تكره كل شيء في جسمها تحتاجين وقت لين ترجع نفسيتج مثل قبل لان الولادة والحمل ااثروون وايد في الوحدة واللة كريم انتي استانسي بالبيبي اللحين و بعدين عندج الوقت تهتمين بجسمج وترجعينه احسن من اللي كان وريحي نفسج واهتمي باكلج

ان شاء الله البنات يفيدونك ............... خوفتيني ......

سلطانة القلوب

مشكورة ياعمري وفيتي وكفيتي ريحتيني والله ربي يسهل عليك حملك ويسهل لك ولادتك يارب ياكريم

راح اجرب اللي قلتي وربي يكتب فيه الشفاء ان شاء الله

قلب البتول تسلمين والله على المرور و انا بس خفت انه في شيء لان الدكتوره

كانت ماتفحص ولا تشوف الناس عدل بسبب الزحمه اللي عندها فقلت يمكن قالت كذا تبي تفتك مني

وحبيت اتاكد تسلمين على المرور

فور افر مشكوره عمري على المرور ربي يوفقك يارب ويسهل عليك ولادتك

الله يقومك بالسلااامه

أموره ما عليج شر..

ترى هذي بداية أكتئاب ما بعد الولاده تحملي بروحج..

الجسم في الحمل ..يمر بتسعة شهور..وكل فتره يتغير.. فأكيد الرجوع الى الجسم الطبيعي بعد يآخذ وقت ويتغير..

يمكن صدق عندج غازات وانتي اصلا تعبانه..

ريحي روحج ونفسيتج ..ورضعي البنوته زين ..واهتمي بتغذيتج..وخلي هالوساوس تولي عنج..

ما عليج شر حبيبتي واتركي الوساوس عنج وما عليج الا العافية يا رب.......

ان شالله ماعليج شر.. بس انصحج لا تربطين بطنج لين بعد العشر ايام.. وهذا كلام الدكاترة..

على اساس يرد بيت الضنا لمكانه وحجمه الطبيعي .. وانتي تابعي التحاميل اللي عطتج اياهم الدكتورة وان شالله ماعليج شر...

مستحييييييييل الجسم يرجع لطبيعته بسرعه بعد الولادة وبدون رياضه بعد
انا بطني مو مترهل بس لسه فيني كروشه صغيرونه كاني حامل ومشدوه بعد خخخخ
يعني يبي لها رياضه مع شويه دايت

الكوين اليزابيث ,,أحساسي
مشكورين على المرور والدعوه الطيبه
ربي يوفقكم لكل خير يارب
وربي يسمع منكم
جعفرية
تسلمين عمري ومعاج حق يمكن لاني صرت اصيح
وبدون سبب ربي يسهل يارب
وربي يسهل عليج ولادتك ياعمري ويشرف احلى نونو
ربي يفرحك بشوفته ربي يسهل عليك بولاده سهله وسريعه يارب
اكبر قلب
مشكوره قلبو ربي يسهل لك ولادتك
ويقومك بالسلامه وشر مايجيك
مفتووووووون
مشكوره الغاليه وراح اسمع منك
وماراح اربطه يمكن كلام الدكتوره صح
لان بطني اذا ربطته يعورني
مشكوره
ساره يعني مو بس انا :)
لان خوفوني اهلي يقولون كل الولد يكون البطن مترهل
ليش انتي مشدود كانه في طفل ثاني
مشكوره ربي يعافيك

ومشكورين جميعا على الردود الحلوة ربي يوفقكم جميعااااااااااااااااا

مالج شر ياقلبي