قصه ولادتي بأبنتي يقين

[GRADE="8B0000 FF0000 FF7F50"]
السلام عليكم ورحمه الله وبركاته

بحمد الله جبت احلى بنوته ما شاء الله بعد سنتين من زواجي

وبعد ما اجهضت مرتين وكنت اصيح
وايد كنت افكر فيني شي وكنت اصيح دايما عند زوجي يمكن كان مصلحه من الله
والحمد الله ع النعمه


قصه ولادتي كنت احس بالالم فبل 4 ايام بس كانت المي خفيفه وايد وكنت افكر طلق كاذب

ويوم الثالث نزل لي دم بني خفيف واتصلت في دكتورتي قالت لي تعالي المستشفى لما ينزل لك دم لونه احمر او اذا نزل لك ماي او اذا حسيتي بألم قويه عشان ما يتعوبك كل شوي بيدخل لك اصابعهم

قلت لها ما اعرف كيف بيكون الالم الطلق لاني اول مره فقالت لي الدكتوره تكون الالم قويه

المهم انتظرت ينزل لي الدم بس شفت ما في شي يوم الرابع قمت الفجر ساعه 4 شفت دم بس كان خفيف وايد

وانتظرت لحد صبح ساعه 8 واتصلت في امي وخبرتها
وامي قالت لي احسن ما نروح الحين لحد ما يزيد الالم

وانا قلت لامي احسن نروح عشان الطبيبه قالت لي تعالي لما ينزل الدم

المهم رحنا انا وحماتي وامي جات في المستشفى تلاقينا

امي قالت لي احسن تعالي عندي في البيت عشان اذا صار شي اكون معاج ورحت بيت امي
لان زوجي كان خايف وايد وقال انا ما بدخل معاج غرفه ولاده لاني وايد اخاف

وفحصوني بيدهم عشان يشوفون كم مفتوح وما كنت ادري انه يعور اذا دخلوا اصابعهم
وبكيت من الالم المهم قالوا مفتوح 2 انش



فقالت لي الطبيبه الي موجودة اذ تريدي ارجعي البيت لانه بعده بيأخذ وقت وقالت لي حاولي تمشين

رجعنا البيت والالم كانت تزيد
ساعه 11 بليل امي قالت احسن نروح نفحص مره ثانيه رحنا المستشفى مره ثانيه وفحصوني بأصابعهم وبكيت مره ثانيه وقالوا لي نفس الشي مفتوح 2 انش

الدكتوره قالت اذا تريدي روحي البيت عادي وقالت اذا تريدي تجلسين اجلسي
فقلت حل امي احسن نرجع البيت عشان ما اقدر كل شوي بيدخلوا اصابعهم

رجعنا البيت واهلي قالوا احسن نتسحر من وقت عشان كان فيني الالم قويه
ووقت الي كانوا اهلي يتسحروا نزل لي ماي

وقلت لامي انا ابول تحتي لا اردي امي قالت لي هذ ماي الطفل لازم نروح المستشفى
المهم امي تسحروا بسرعه بسرعه نزلوا عشان نروح المستشفى من الالم الي كان فيني ما اقدرت انزل من الدرج

اخواني الاثنين حملوني لحد السياره مساكين هههه

زوجي ما كان معاي لاني كنت بيت امي وخبرت حل امي لا تخبر زوجي عشان ما يخاف علي

وبعدين ساعه 1 ودوني غرفه الولاده قالوه نفس الشي مفتوح 2 انش نفس الشي وكنت اصيح من الالم ما اسكت
اخر شي النيرسات تعبوا من صياحي لاني كنت اقولهم كل شوي خدروني خدروني وكنت اقولهم سوا لي عمليه ما اقدر اتحمل واخر شي عطوني ابراه منومه
ولما عطوني الابراه المنومه سويت الاكشن ههههه لاني ما كنت في حواسي
بس لما قمت خبروني شو سويت وضحكت على نفسي

كنت اقول حل امي انتي الي تعبتيني 9 اشهر امي قالت انا الي تعبتك ولا زوجك قالت انا شو خصني هههههه

وبعدين جلست اضرب واصرخ على النيرسات
وضربت امي المسكينه
وطردت اختي وزوجه اخوي وامي من الغرفه

كانت تقول لي امي خلاص عيل احنا نروح وبعدين ارجع اقولها لا تروحين
وكنت اكلم الدكتوره اقولها النيرسات ما يسمعون كلامي انتي اسمعيني وسوي لي العمليه

وكانت تقول لي الناس يتمنون طبيعي وانتي تبين عمليه قالت ما يصير وبعدين صرخت على الدكتوره قلت لها انتوا كلكم ما تسمعون كلامي

قلت لهم نادوا زوجي
وبعدين نادوا زوجي كنت اقوله وديني مستشفى خاصه هنا ما يسمعون كلامي انا اريد عمليه ما اقدر
وزجي بعد ما سمع كلامي وبعدين قلت لهم نادوا ام زوجي ما بقيت حد ما نديت هههههه

وبعدين نادوها قلت لها ما حد يسمعني اريد عمليه
وحماتي قالت لي ولا يهمك الحين بنوديج وكنت اقولها يالله ودوني وهيا ما تعبرني ههههه

المهم ساعه 5 ونص قالوا مفتوح 7 انش
وبعد ساعه 7 ونص كنت اقول حل امي احس راس البيبي بيطلع وامي شافت راس البيبي كان يبين الشعر الببيبي
وعلى طول راحت ناديت النيرسات لانهم ما كانوا في الغرفه وعلى طول ولدوني وقالوا لي اول ما يجيك الم قوي سوي بوش والحمد الله اول ما سويت بوش طلعت
والحمد الله ما سوا لي قص بالمقص
قصوني بيدهم لانهم كانوا يسحبون المنطقه
وسوا لي 4 خيوط
بس لما كانوا يخيطوا كنت احس بالالم الخياطه كل شوي اقولهم بس ما اريد خياطه كانت تقول هذا اخر واحد
مع انهم خدروا المكان وكنت احس
و اول ما طلعت كانت تصيح وايد
وكنت اقولهم ما اريدها لاني شفت لونها بنفسجي خفت وايد وحطوها على صدري وسكتت سبحان الله

وبعد شوي قلت لهم شلوها شلوها خلاص
لاني كنت متأثره بالابراه المنومه

وبعدين زوجي دخل وشاف البيبي وجاي يشوفيني يقول كل شوي كنت تكلميني وتنامين مره ثانيه

والحمد الله بعدين لما رجعت لوعي مسكت حبيبت قلبي يقين وحضتنها

وطبعا اول ما حطوها على صدري وقت الولاده ما كنت في وعي بس هما صورني ولما شفت الصوره وايد استأنست وهذا قصه ولادتي والاكشن


وكان تاريخ ولادتي 23_8_2009

وان شاء الله لما افضى راح احط لكم صور حبيبت قلبي يقين وتوزيعات
و صور غرفتها لما ارجع بيتي ان شاء الله

والله يرزقك كل محرومه ان شاء الله
ويسهل ولاده الجميع

بس لاتخافون من الولاده احيانا يمكن من طريقه كلامي تخافون
بس ما يعور مثل ما ناس يتكلمون لان الناس كانوا يقولون لي تشوفين الموت وقت الولاده هذا كله مبالغه كان
[/GRADE]