كل بنآت البحرين يدشون هني .. ضروري ..

هلا لؤلؤه المحرق


الف مبرووووووووووووووووووووووووووك قبل كل شي

وربي يتمم لج على خير

بالنسبه لللبس الهندي واكسسواراته اخذي من السعوديه احلي بوايد من اهني خصوصا محلين فى مجمع الجمعه الطابق الثانى يصيرون اقبال بعض

عندهم كل انواع والوان الملابس الهنديه باكسسواراتها واسعارهم احسن من اهنى بوايد واشيائهم افخم (y)(y)


بالنسبه للاكل عندج مال ابو علي واايد حلوو(y)


وان شاء الله البنات يساعدونج بالاشيا الثانيه :wink:

صبحج الله بالخير .,

*

أولاً :

آلف مبروووووووووك .. والله يتمم زواجج على خير , وييسر لج ويسعدج ويهنيج إن شاء الله !.

*

ثانياً :

إذا ناوية يكون ستايلج في حفلة حنتج " هندي " .. فأحسنتي الإختيار بصراحة ,

لأنج أوردي لبستي فستان " أوف وايت " , وسويتي كل إلي بخاطرج في حفلة خطوبتج

وفي العرس سوي شي جديد + مبتكر ,

في البحرين .,

عندنا وايد محلات

لكن !.

عندج (السعودية) محلاتهم أحلى وأكشخ من البحرين بوايد

وخصوصاً للفساتين , القطع , الإكسسورات

يعني بتلاقين في البحرين أشياءات كشخة , بس عرفي إن من السعودية بتلقين أحلى

فأنصحج أكيد بروحة للسعودية!.

في البحرين ,

عندج :

- حرير , في اللولو هايبر ماركت .. الرفاع

- أنظر وألبس , في سوق واقف

- أشكال .. أيضاً في سوق واقف

وعندج القضيبية .. وتحديدً قريب محل " لاست جانس " بتلاقين محلات على كيف كيفج حق الملابس الهندية & القطع , طبي وتخيري

*

الحناية .,

بصراحة

أتعب وأنا أقول ما في على حلاوة حناياتنا .. كل وحدة تقول الزود عندي

كلهم فنانين ويضبطون لج أي ستايل تبينه (هندي , إماراتي .. إلخ )

فنصيحة مني !.

لا تكررين نفس الحناية

حلو تغيرين .. لازم تسوين شي جديد

بعطيج أسامي حنايات رووووعة .. وأسعارهم أرخص حتى من " بنت الماجد "

- زينب / أم محمود

- ليلى الماحوزي

- قدرية

- رباب / أم أحمد

- أم شهد

- زينب

- منيرة

وطبعاً كلهم روعة وحلوين

أسعارهم 30 إلى 35

بس عندج أم شهد , من 35 وما فوق

*

التوزيعات .,

ما أدري هل بتسوينه بنفسج ؟!.

أو بتروحين محل يسويهم لج ؟!.

إذا ناوية تسوينه بنفسج فالأفكار متنوعة و وايدة لحفلة حنة - زواج

وإذا ناوية , تروحين محل بنصحج في ( أم محمود )

توزيعاتها راقية جداً + مبتكرة

بتسوي كل إلي في بالج , وبلألون إلي تبينها

وأسعارها ممتازة وايد مقارنة بشغلها ,

*

التوزيعات .,

طبعاً : حنة

ماي ورد

عسل

شبه وملح وحرمل

قرآن

وطبعاً إنتي وفنج في طريقة تقديم التوزيعة وشلون بتكون

داخل صنادق .. علب .. كآس , وشلون بتغلفينها وتزينينها , كل هلأشياء متوقفة عليج

والحين دارجة فكرة لطيفة جداً وحلوة وايد ..,

إلي هي توزيعات " الكاب كيك "

وايد حلوة الفكرة وجديدة , مب وايد إلي يسونها

وفي وحدة فنانة وايد تسوي الكاب كيك .. سمها ( أم حسن ) من الحد

تسوي الكاب كيك على ذوقج وعلى تصميمج

يعني إنتي تختارين شكل العجينة وألوانها وتصميمها

وأتوقع هالتوزيعة , حلوة

*

نوعي بتوزيعاتج

يعني من كل صنف .. خلي مثلاً 15 إلى 20 قطعة فقط .. علشان تكون متنوعة و وايدة مب مكررة

*

موفقة (f)

الف مبروك والله يتمم لج على خير

بالنسبة للاكل او الحلويات انا من يومين قريت موضوع في المنتدى عن طباخ بحريني اسمه طلال في المحرق البسيتين وعنده منيو خاص فيه ويسوي حلويات وموالح شعبية ويمدحون فيه بس ما دري ما جربته دوري في المنتدى عنه او كتبي في قوقل ( منيو طلال) وبيطلع لج وحاطين صور عنه اكلاته جربي تشترين منه طبق يمكن يعجبج مادري بعد وفي مخبز دلمون في المحرق عنده معجنات ويسوي بارسلات حلوه

بالنسبة للتوزيعات انا اقولج لا توزيعين قرآن لان حرام ناس يلعبون فيه ويقطونه وهو قرآن صراحة ويعطونه اليهال في التوزيعات مايدرون فانا افضل تسوين شي يستفيدون منه انا اتذكر في ملجتي سويت حركة شريت المناظر اللي فيهم الوووان وايد وخليت فيهم قطعه كاكو ووزعتهم صراحة الكل استخف عليهم كانت حركة حلوه وفي نفس الوقت الناس يستفيديون من المناظر وخصوصا المناظر بتكون الوان وانتي حفلة حنه هندية بيكون مناسب

بالنسبة للتوزيعات انا اقولج لا توزيعين قرآن لان حرام ناس يلعبون فيه ويقطونه وهو قرآن صراحة ويعطونه اليهال في التوزيعات مايدرون فانا افضل تسوين شي يستفيدون منه انا اتذكر في ملجتي سويت حركة شريت المناظر اللي فيهم الوووان وايد وخليت فيهم قطعه كاكو ووزعتهم صراحة الكل استخف عليهم كانت حركة حلوه وفي نفس الوقت الناس يستفيديون من المناظر وخصوصا المناظر بتكون الوان وانتي حفلة حنه هندية بيكون مناسب

بس حبيت أعلق على هالنقطة عزيزتي .,

وأسمحي لي على هالمداخلة !.

بالعكس وهو في أحسن وأحلى من ( القرآن الكريم )

الأطفال أكيد بيوزعون عليهم حلويات & كاكاو .,

بس القرآن توزعه للكبار فقط

وتسويه تعليقة سيارة ,

وايد توزيعة حلوة وفن!.

وما أعتقد الكبار بيلعبون وبيهملون القرآن بعد .. بالعكس

وخصوصاً إذا كان تعليقة سيارة

بيطلع حلو وايد .,

حنة ام شهد غامق حبيبتي
اول مرة اسمع ان مو غامق جفته على بنات خالتي وحنتيني اني بعد في خطوبتي
بحط لج صور حنتي وجوفي اللون

ماشاء الله الا اله الا الله روعه الحنه وغامق وكل مرة اقول بغير ومابتحنى الا عندها حق زواجي وبعدين اغير بس نصيحه اذا تبين حنه حلو ومضبوط ام شهد وااايد حلو

ما عندي شي اضيفه غير عن اللي قالوه البنات

بس نصيحه مني اذا بتروحين تشترين لش خلق هندي وكله شك وتبين شي فخم وراقي

روحي محل ( حرير ) في لولو هايبر ماركت وقولي له يطلع لش قطه ( يبي شرارا) مالت اعراااس

حتى من كثر الشغل اللي فيهم صاير وزنهم ثقيييل

,,

ومن جم يوم تكلمت عن محل اسمه ( بروم ) << اعتقد جدي

هو محل اقمشه هنديه تووه فاتح في مجمع اللولو

دخلته وجفت عنده قطع روووووووووعه واسعاره ارخص من ( حرير ) وبنفس المستوووى

عنده قطع حلوووة على 100 دينار

الف الف مبروووووووووووووووووك الزواج

بس انصحج لتاخذين اكل من بوعلي اكلهم زفت الصرااااااااااحة ..
لتخسرين فلوسج على اكلهم ..

هلا الغالية ..
أول شيء مبروك وعقبالنا كلنا :)

اول شيء الساري موجود في البحرين بس مو ذاك الزود
عندج محل اللي في مجمع يتيم .. واشكال وصوب اخر فرصة
بس مثل ماقالوا البنات السعودية راح تلقين فيها اشياء احلى


بالنسبة للحنة ماعرف البنا ماقصروا ..!!!

اما الديكور والمسرح قرية الافراح يمدحونة وايد
وديكوراته حلوة والناس هابين فيه بس الاسعار
ماعرفها \ عندج بعد المزيونة شفت شغله حلو


اما الاكل انا اشوف كرامي حلو ...

اما عن الاكلات الشعبية تقدرين توزعين
زلابية \ سمبوسة حلوة \ حلوى ..
رنقينة \ روحي محلات بويوسف للحلويات الشعبية


اما عن التصوير سكوب حلو ومناسب ..
والبنات ماراح يقصرون وياج وموفقه يالغالية

ماشالله البنات ماقصرو ردو عليج ماعندي زياده على كلامهم

بس عن أكل مطعم بوعلي حلووو حبيبتي
حتى البوفيه مالهم انه يوم أستقبالي من عندهم كان حلوووو
الله يوفقج يالغاليه :)

_ ألحين آبي أحسن محل للفسآتين الهنديه ..يعني فيه شك (( اكيد فهمتوو نووعية الخلق الهندي اللي ابيه )) .. لآن بآسوي نفس الفستآآن بس مدمووج بالطريقه الهنديه ..لاني بآسوي عرس بس على حفلة حنه ..

محلات تبيع القطع الهندية:انضر و البس<م.حمد +اشكال +ديفيا+ مجمع الؤلؤ+ لولو هايبر
و التفصيل: الاطراف الناعمة


_ آنه حآطه في بآلي بنت المآجد لآنهآ حنتني في خطووبتي .. وكآآن جدآ روعه .. بس ب 55 دينآر .. ومتخووفه اخذ وحده ثانيه يمكن مآيعجبني !!

انه بالنسبة لي اخذي وحدة ثانية احسن
تغيير ,, لان الحنايات دايما يحطون مثل الستايل
غيري احسن ,,, انه بغير و باخذ حناية ثانية

ام شهد حنآهآ مآعتقد يصبغ لان كذا وحده قالو عنها ان مايصبغ ..
جوفي حناية ثانية<<اهم شي تكونين مقتنعة في الحناية

ابي آحسن حنآآيه عندكم شنوو .. تنصحووني بمن .؟

ما ادري بس انه الي حنتني في الخطوبة اسمها عايشة من المحرق
و شفت حنة زهرة من دار كليب + زينب من م.جمد
حلو حناهم ,,, و عموما الي يحطون نقش ضعييف ما يصبغ كثر الي يحطون متوسط و متين

_ وآنه أبي اسوي ديكوور للصآله .. يعني نفس الكووشه البسييطه .. من قرية الآفرآح اللي بالمحرق .. للي يعرف رقمه يدز لي خآص .. واللي يعرف اسعآرهم يكتب لي بليز ..

سوري ,, ما عندي اي فكرة...


_ ابي امآآكن للآكسسوآرآت الهنديه المضبووطه .. والحلووه ..

سوق المنامة و المجرق في
بس يبي لج تروحين تتفرفرين و تدورينهم عدل

_ التوزيعآت .. غير الحنه شنو يوزعون في حفلات الحنه بعد ؟؟
جوكليت اكييد
و هالايام هابين في غراش ماي ورد و ماي لقاح و هاسوالف ,, يجون غراش صغاااااااااار طول الصبع << البارحة وزعو منهم للقرقاعون حلوييين عجبوني يمكن اخذ للحنة,,,,

_ بالنسبه للآكل ..

أول شي قلت بآخذ صحن من مخآبز ..

يعني تنصحووني من وين آخذ ..

سمعت عن بو علي وسمرقند وو كرآآمي .. أي احلى ؟؟

كرامي حلو ,, و الباقي بصرااااحة ما ذقتهم

وابي امآكن في المحرق تبيع فلزين ووزنجباري ووسمبووس وو المعجنات اللي على مهياوه

وداخلها آآلو .. وو نخي + لوبه ..

وبعد الحلويات زلابيه وحلوى ومكسرات << هاذي امرهم سهل الوالده تعرف ..

إذآ في اضافه للحلويات كتبووهآ ..

خنفرووووش<<< اموت فية
الساغو


_ بالنسبه للتصوير .. بآخذ سكووب .. عقب العيد بآحجزهم ..

اذا تقدرين حجزي قبل احسن

وإذآ نسيت شي ذكرووني حبآآيبي اووكي ..

لا مافي شي...يتراوالي بس هاي الشياء كلهم

واشكركم كل الشكر اذا ساعدتووني ..

حاضرييييييييين للغاليييييييييين

ومع السلآآمه .. في انتظآر ردوودكم .. :)(f)

في حفض الله ,,,, موفقة حبيبتي

بصراحة الحنة مافي على رشنا
آخر عروس عندنا تحنت عند أم شهد قالت لها بعد المغرب وما يات إلا تسع وقعدت تحنيها لي 1 بالليل

وغير جذي الحنه ما صبغ عدل مع أن نفس حناي (خذته من رشنا)
يمكن عشان الحنه وايد ناعم ورقيق

لكن بصراحة حنة رشنا رحت لهم بعرس ولد أختي الصراحة إبداع واللون غامج عدل صج غالي لكن يسوى ولما غيرت عنهم تحسفت وايد.والأهم ما ياخذون فيج إلا ساعة نقش وساعة ثانية عشان ينشف وخلاص

ناس تقول حطي فازلين وما أدري شنو بصراحة ما يبيله شي الحنه الزين زين لو شنو واللي يصبغ فيها يصبغ فيها.

وعن توزيعات القرآن
ما أنصح فيها أبدا لأن كذا عرس شفت التوزيعات تنقط وخصوصا لما يوزعونه ع اليهال، ولا تقولون ما يعطون اليهال كذا عرس شفت بعيني ولو ياج ياهل ما بتعطينه وتكسرين خاطره، وحتى الكبار يعني تخيلي وحده فيها الدوره وأخذت التوزيعات وهي ما تدري شنو هذا وبعدين عرفت أنه قرآن، هذا غير الأجانب اللي يحضرون الأعراس وياخذون من التوزيعات، بصراحة اللي يقدر يشيل نفسه ذنب هالكبر وينام بضمير مرتاح يسوي توزيعات قرآن.

وحتى اللي يمشون بالقرآن في الزفه، بصراحة يعني لو يدرون علماء الدين عن هالحركات كانوا طلعوا مسيرة، يعني اللي تسوي هالشي ما تعرف قيمة القرآن بصراحة، هذي كلام الله ولازم ما ينشال إلا بإيد طاهره وينشال بهوينا وينقره بتدبر، ورب العالمين يقول وإذا قرأ القرآن فإستمعوا له وأنصطوا لعلكم تفلحون، وهذي بس إذا سمعتيه فما بالك باللي قاعد يصير في الأعراس، يخلون أي طفل يشيله (بغض النظر عن طهارته ونظافه إيده) ويمشون به في زفه كلها أغاني، وبعدين وين ينحط الله العالم هذي إذا ما نسوا يشيلونه بعد العرس.

وذكر فإن الذكرى تنفع المؤمنين

مبرووووك مقدما و الله يساعدج في أمور التجهيزات
بالنسبه عن المسرح و الديكورات عندج محل قرية الأفراح الأختيار الأول أسعاره مناسبه و شغله ما يحتاج أحد يتكلم عنه قمه في الذوق و الرقي و أسعاره تناسب الكل و رقمه باطرشه لج على الخاص

بحرينيه وكلي فخر;10224470:
هلا لؤلؤه المحرق


الف مبرووووووووووووووووووووووووووك قبل كل شي

وربي يتمم لج على خير

بالنسبه لللبس الهندي واكسسواراته اخذي من السعوديه احلي بوايد من اهني خصوصا محلين فى مجمع الجمعه الطابق الثانى يصيرون اقبال بعض

عندهم كل انواع والوان الملابس الهنديه باكسسواراتها واسعارهم احسن من اهنى بوايد واشيائهم افخم (y)(y)


بالنسبه للاكل عندج مال ابو علي واايد حلوو(y)


وان شاء الله البنات يساعدونج بالاشيا الثانيه :wink:

الله يبآرك في حيآآتج يآآربي ..

مآتقصرين حبيبتي ..

يبيله تصدقين أروح السعوديه ..

آنه لان رحت سوق سويكت مره .. وجفت لبس هندي لكن لونه كلش مو حلو+ سعره مايسوى ..

ب300 دينآر يعني اغلى من الشنآيل هنآك ..

اللي تعرف المحلات بالضبط في السعوديه او المجمعات تقول اساميهم علشان ما اروح

عميآني ..

وبوعلي أجوفهم وآيد يمدحونه بس مآدري متردده ..

آنه قلت من كرآمي بس بعد متخوفه !!

ألف شكر لج على الرد ومآقصرتي والله يوفقج في حيآتج حبيبتي ..

وبرب رديت على السريع ورآح أرد على البآقي عقب أن شأء الله لآني دآشه على السريع بس

.. (( مسآمحه )) ..

سمعت عن بو علي وسمرقند وو كرآآمي .. أي احلى ؟؟

اني مع احترامي لكل هذولا ... لكن بقول شي البستاني بشهادة الجميع شي رااااائع

في مدينة عيسى

والحنة عائشة من البسيتين الحنة عندها بأربعين د.ب وراااااااااائع وعجيبة في التعامل صدقيني بتحبينها