السلام عليكم ورحمة الله وبركاته
مرررررررررررررررررحبًا ياأحلى صبايا .. شحالكم وشحال رمضان الكريم وياكم ؟؟ آآآآآآآآآآآه يارمضان ما أحلاك .. من 6شهور وانا مشتاقه له .. ومشتاقه لأجوائه .. والحمدلله أجواء ولا أروع .. فديييييييييتكم
اليوم يايبه لكم طبختين .. بصراحة اخذتهم من شغالة بنت عمي بس عدلت عليها شوي وطلعت فنتك .. وااااااااااايد حلوه .. واتمنى تجربوها
نبدي ولا تبون اهذرب شوي زياده :tongue: ... لوووووول أسولف يلا معاي نشوف المقادير
فالبداية انصاف صدور وتقطعينهم شرائح
وحطيت عليه 3ملاعق صويا صوص .. *صورته موجوده*
وثلاث ملاعق خل التفاح
وشوية ملح
وشوية بقسماط .. * من هالملعقه سويت الصحنين*
ونخليه لمده ساعتين ونص يتتبل ويتشرب الصلصله
وفي هالاثناء سويت المعكرونه الصينيه وكل الي نحتاجه هو
بصل مقطع شرائح + جزر مبشور + كوسا مقطع طويل + 4 فصوص ثوم مفروم + فلفله حلوه + ملفوف مقطع
الطريقة :
* نشوح البصل لين يذوب
وبعدين انا ضفت شوية خضار مثلجة (على مزاجج لو تبين تحطين أو لأ) وحطيت عليها ملح .. ونقطة ماي
ووووووووووووو بعدين حطيت الفلفله والملفوف والكوسا .. وحطيت مكعب ماجي
ونتم نشوح .. بعدين زدت الماي وحطيت صويا صوص وضفت الجزر
ووطيييييييييت النار عالاخير .. وبعدين رجعت للدجاج
قليته في نار هاديه .. حبايبي انتبهوا لأن الزيت وايد بينقع
وقلبته لين شفت انه نجح طلعته من النار
قطعت بصل حلقات وحطيته في نفس المقلاة .. وفطر (مشروم) مقطع .. وضفت التتبيله مال الدجاج عليها وتميت اشوح
وحطيت عليهم الدجاج وخلطهم عدل
وووووووووووووووووووووووووووووو بس
طلعت المعكرونه والدجاج خطيييييييييير مع لمساتي السحرية
ولأن ريلي كان فالمستشفى .. خذت من الفطور شويه ورحت عشان نفطر انا وهو سوا .. وعالسريع صورت لكم صورة للشكل النهائي
يمي يمي .. كاااااااااااااااااااان لذيييييييييييييييييييييذ بشكل .. سويييييييييييت وااااااااااااااايد وماتم منه ولا نقطه الحمدلله .. جربوه حبايبي صدقوني بيعيبكم .. وان شاء الله تذكروني وتدعولي
واذا شكله وشكل الطبخة عيبتكم .. قيموووووووووووووووووووووووووووووني
وادعولي بالذرية الصالحة يارب يكرمني بحق هالشهر الكريم .. انا وجميييع زوجات المسلمين يااااااااارب
أحبكم
تاتا
(f)
