اهلا بالعرايس الحلوين
امبارح صممت اني اعمل ارز بلبن
انا من هواته خاصة على الطريقة الاسكندرانية
مع الايس كريم والمكسرات
يلا نبتدي ..
المقادير ..
ربع كوب أرز مصري
4 كوب حليب
2 م ك قشطة
2 م ك نشا
4 م ك سكر
م ص فانيليا
مكسراتك المفضلة مجروشة
والايس كريم عملته على طريقة المبدعة ... ليتني معك ..
من هنا الطريقة
مع فرق واحد ,, بدل الدريم ويب استخدمت ظرف ايس كريم باودر بالفانيليا
ده مقدار الارز
بتنقعيه من قبلها بيوم ولو مستعجلة زيي كده اسلقيه في 2 كوب ماء من غير اي اضافات
نص سلق بس مش ناضج تماما
تغلي اللبن وتطفي النار وتنقعي فيه الارز لمدة ساعة او اثنين عشان الارز يتشرب اللبن وياخذ طعمه فيه .. وتضيفي ملعقتين القشطة ..
بعدين تشغلي النار لحد مايغلي اللبن تاني تضيفي السكر وتذوبي النشا في قليل من اللبن البارد وتضيفيه على اللبن والارز وتقلبي كويس لانه بيتماسك على طول وتضيفي الفانيليا آخر حاجة ..
وتغرفيه في الاطباق المعدة للحلويات ...
ويدخل الثلاجة لحد مايبرد تمام
وعند التقديم نضع فوقه الايس كريم ونرش المكسرات المجروشة
وده شكله عند التقديم ..(^)
بس كده
اتمنى يكون عجبكم
واكيد طريقته سهللللللة
والطعم مااقولكوش يجنننن:D
بالف هنا وشفااااااا
سلاااااااااااام
أمانة عند النقل ذكر المصدر
