طريقة عمل الكشك الماظ+ سلطة باذنجان تجنن وبالخطوات المصورة
لللاسف بقا لي كام يوم منزلتش حاجة لاني كنت معزومة بره و لاني تعباانة اووي :(بس بأذن الله هتتعوض
بس النهاردة عملت كشك وسلطة قولت لازم انزلهلكم :)
الكشك
المقادير
كوب ونص شوربة ويفضل شوربة دسمة (فراخ/ بط)
3 معالق زبادي او لبن
2 م دقيق
1 بصلة مقطعة
م زبدة
ملح /فلفل
الطريقة
بنحط الزبادي والدقيق في طبق ونقلبهم كوويس و نسيبهم علي جنب
في حلة علي النار بنحط الزبدة والبصلة لحد ما تتحمر وتبقي زي تقلية الكشري
هنستخدم البصل للتزيين
مكان تحمير البصل بنضيف الشوربة
ونظبط الملح و الفلفل ونسيبها تغلي كوويس
بنضيف خليط الزبادي والدقيق
نقلب بسرررررررررررررررررررررررررررعة اوووي عشان ميكتلش
ونوطي النار ولو عمل كتل بنضربه في الخلاط او بالمضرب ونرجعه علي النار تااني
بنسكبه ونزينه بالبصل المحمر ونسيبه لحد ما يبرد ويجمد ممكن يتحط معاه قطع فراخ او كور كفتة او لحم
يا سلام مع العيش المحمص :tongue:
********************************
السلطة
انا كلتها بره مرة وعجبتني انا من عادتي اي حاجة اكلها بره وتعجبني احب انفذها في البيت
والحمد لله بتكون قريبة كتير
ا باذنجانة مفطعة مكعبات
1 طماطم مكعبات
1 فلفل مكعبات
1 بصل مبشورة
ملح / كمون / خل / فلفل
م طحينة
بنحط رشة ملح علي الباذنجان ونحمره شوية في الزيت
بنحط البصل و1/2 م زيت ونضيف الطماطم والفلفل والباذنجان والخل والتوابل ومعلقة طحينة ونقلبهم كوويس برااحة عشان السلطة تحافظ علي شكلها
سلاااااااااااااااااااااام
