قشرة الشعر ذبحتني

استخدمي شامبو طبي للقشره من الصيدليه احسن من التجاري

اختي غسلي شعرك عدل من الشامبو
لانه سمعت انه الشعر اذا ماتغسل عدل من الشامبو يصير في الشعر قشره
فيه عندك كذا زيت من وادي النحل مكتوب انه يفيد للقشره ومنه:
** زيت البابونج**
1-يعالج تساقط الشعر.
2-يعمل على ازالة القشرة من فروة الرأس.
3-مغذي للشعر ويطوله ويكثفه.
4-يحتوي على فيتامين E .
5- يعمل على تقوية بصيلات الشعر.

** زيت الثوم**
1- لعلاج القشرة.
2-يمنع تساقط الشعر.
3-يزيد الشعر حيوية ويطوله.
4-مقوي عام للشعر لاحتوائه على فيتامين E

**زيت سارا**
أكثر من 30 نوع من الزيوت والأعشاب الطبيعية
المنتقاة بعناية فائقة من أجل جمال شعرك
1-لعلاج تساقط الشعر.
2-للقضاء على القشرة.

**زيت الكتان**
1-يمنع تساقط الشعر.
2-جيد لعلاج قشرة الرأس.
3-يعمل على تنشيط بصيلات الشعر.
4-جيد لحالات الامساك.

**زيت حب الرشاد**
1-مفيد لتقوية الباءة مخلوطا بالعسل.
2-مفيد لحالات الروماتيزم دهانا.
3-يمنع تساقط الشعر.
4-جيد لعلاج قشرة الرأس.


**زيت السدر بالأعشاب**
1-يعالج تساقط الشعر ويقويه.
2-يعمل على كثافة الشعر ويطوله.
3-يقضي على القشرة وينشط فروة الرأس.
4-ينعم الشعر ويكسبه بريقا ولمعانا.


طبعا جربت منتجات وادي النحل احسها روعه لكن ماعندي قشره في شعري
حبيت انقل لك مجموعه الزيوت تبعهم اللي تعالج القشره
اتمنى اني افدتك

جربي شامبو جونسون أو دووف ضد القشرة مرة خفيفين ع الشعر ..
وسوي حمام زيت فاتيكا



هذا افضل نووع جربته .. يغذي الشعر

____________

حطي نصف ملعقة صغيرة خل تفاح في علبة الشامبو اللي تستخدميها

____________

إستخدمي زيت جوز الهند باراشوت ما قبل الاستحمام ب 30 دقيقة
حلووووو كثيرررر ويخفف من قوة الشامبوهات الاصطناعية

____________

جيبي نصف ليمونة وأفركيها ع فروة راسك من قدام بمكان القشرة

وبالتوووووووفيق
سوي هالشغلات وع طوووووول ماراح تشوفين ولاذرة قشرة

اختي جربي طريقتي للتخلص من القشره سوي خلطة سدر معه زبادي اخلطيهم وحطيهم على شعرك لان السدر والزبادي يطهر فروة الراس ويقتل البكتريا المسببه للقشره .....عن تجربه انصحك جربيها اختي

تحياتي

مشكلتج جديه ما تتحمل تتأخير !!!

خلي عنج كل الخلطات و الشامبوهات و الكريمات
روحي طبيبة جلديه .. تفحص شعرج و تعطيج علاج متكامل منتظم

لا تجربين على شعرج و لاشي من الوصفات و الخلطات ... حرااام عليج

و الله يوفقج يارب و يرد شعرج مثل ما كان و احسن

اسم الشامبو نيزورال في الصيدليه

اول شي مشطي شعرج زين خلي القشرة تطلع من فروة الراس

استخدمي خل التفاح وخففيه بشري ماي حطيه على شعرج نصف ساعة الى ساعة وغسليه

واذ جينتين بتغسلينه عن الشامبو غسليه زين بماي بارد مو حار لان سبب القشرة الماي الحار

وطلعي الشامبو كله عن شعرك

واذا مافادك شي روحي عند دكتورة لان مافي مجال للتأخير يمكن عندك مرض او شي لاسمح الله

محد بيفيدك اكثر من الدكتورة

مشكوورة بنت قطر بس انة مشكلتي اخاف استخدم اي شامبو طبي بدون

استشارة طبيب

..............

احتي جنه جنه في وين يصير وادي النحل؟؟؟ موجود في البحرين؟؟

ومشكووورة على اسماء الزيوت وفوائدها لانه حبيت اشتري كم زيت من عندهم

..........

نور العرب عجبتني فكرة خل التفاح في الشامبو من بكرا راح اشتري خل التفاح

عادي احط خل تفاح الابيض الموجود في السوبرماركت ؟؟

..............

امها دلعتها

عجبتني الطريقة بس اخاف السدر يجفف شعري

......

بيانسيه ان شاء الله في اقرب وقت راح اروح الى دكتورة

......


fate مشكورة على النصايح



مشكوورين جميعا على الرد ويارب يوفق لكم ويحقق الي في بالكم

أيوة عادي لأن أنا إستخدمت خل التفاح الأبيض الموجود بالمطبخ ^_^