ابراة الظهر بنات البحرين

ما عندي فكرة

الله يسهل عليج يارب

ماانصحك فيها اهي تريح وقت الولاده صحيح بس لها اثار جانبيه بعد الولاده انها تسبب آلام في الظهر

تحملي الالم كم ساعه ولا ألام مالها حل بعدين

انا ودي استخدمها بس اخاف اتحرك والدكتور يدخلها بالغلط مو في مكانها خاصة انها يعطونها لج وانتي فيج الطلق وانا وقت الطلق ما اقدر اثبت مكاني

سمعت عنها بس ما ينصحون فييها

مثل ما قالت الأخت قلب البتول

يعطونج اياها وأنتي فيج الطلق

وين لج بارض

انا جربتها بس عاد في سلمانيه وقت الولاده القيصريه ..!
ابرة الظهر هي البنج النصفي للعمليه كان ..
وعطوني ياه وانا قاعده ومنزله راسي لتحت وممنوع اتحرررررك ..

تريح بس المها يستمر ووايد وحااره ..!
وبعد العمليه ظل مكانها يالم فتررررره ..!
ما انصح فيها بصراحه ..

انا بعد ما انصح فيها اختي، اي غلطه او حركه فيها ممكن تسبب لج مشاكل بعدين لاسمح الله ...

مشكورين خواتي مراوي وقلب البتول وام الساادة وام علاوي و Daloo3t-obooy على الردود

بل يكافي الشر’’
الحمدلله خبرتونا عنها

استحملي الطلق ياعيوني و كلها ساعة زمن
حملنا وولدنا بدون ابرة ظهر والحمدلله
وألم الطلق ممكن اي وحده تستحمله مب إعصار ^_^

وربي يسهل عليج

انا راح اخذها في مستشفى العسكري
وعلى قولة الدكتورة ان يستخدمونها من 8 سنوات ونص ولا فيها اي ضررررر

قريبتي ماتولد الا بيها وتشكرها وايد الصراحة

الفكرة كلها في الطبيب اللي بيعطي الابرة
لو دكتور شاطر ماتحسين شي بإذن الله


انا بولد في شهر 2 -2010 وافكر اعملها

انه خذيت الابره فولادتي بولدي لان الدكتوره قالت لازم تاخذينهى كنت من ثنين سانتي وانه مو قادره اتحمل الالم وغير جذي ظغطي كان مرتفع
الي حطاهى لي دكتور لان مافي دكتوره اخصائيه لهل ابره فلعسكري اول مايحطهى تحسين بشفطه بظهرج كان شي ينشفط بس عاادي بدون الم بس وخز الابره يادوب تحسي فيه وتضل فظهرج طول ماانتي تولدين ظايقتني واايد لاني مااقدر اتحرك منهى بس خففت عني الالم يمكن نص ساعه بعدين مادري ليش رجع لي الالم بس مو قوة الالم قبل الابره ولحظة ضهور الراس ماحسيت فلراس لان المنطقه مخدره بس حسيت بشي دافي ريحني والغريب حزة الخياط مع انهى كانت فظهري لكن تألمت وايد اثناء الخياطه يعني انه شفت برنامج اجنبي ركبو الابره لوحده ماشفتهى تالمت فلولاده على العكس كانت تتبسم وانه كنت اصيح هههههههههه

بعد الولاده صار لي يمكن سنه يجيني شد بظهري

بشكل عاام اذا احتجتي للابره الدكتوره اهي الي بتقول لج تحتاجينهى ومامنهى خوف

لكن اذا مااحتجتيهى افضل انج ماتاخذينهى لان اهي مو مثل ماتتصورين راح ماتحسسج بلالم نهائي

فلحالتين الالم بتحسين فيه يعني بتحسين فيه

ما انصح فيها بصراحة وابعدي عليها بعد السما عن الأرض انا سويتها ...وللحين ظهري زي المعاقى...ورجلي اليسار اكرها كر عشان امشي ...لان الدكتور غلطلي وصارلي اللتهاب في لعصب الحسي

وقالي الدكتور هاذي حاله تصير مرة في الألف....بس ايش حستفيد الأن غير الندم...بنتي الي هي بنتي ماني قادرة احطها في حضني واتمشى بيها

انصحك تسوي بنج كامل وكلها ربع ساعه وتصحي يا بنتي بلا قرف العلم هذا

انا ولدت في التخصصي وسالت الدكتورة عنها لاني كنت ابغيها ونصحتني اني ما لآخذها والحمد الله ولادتي سهلة كانت وعطتني الدكتوره ابره مهدئة غير وكانت تريحني شوي
نصيحة لا تاخذينها اتحملي الالم هالكم ساعة ودائما تذكري الاجر الكبير عند الله سبحانه وتعالى في هالوقت من الالم والتعب .

ما ادري ليش البنات يبالغون بموضوع ابرة الظهر اولا انا بروحي سالت الدكتوره وهي قالنلي انا امنه وما لها اي اعراض الشي الثاني بالعقل ترا يعطونها للي بتسوي قيصري ويا مكثر القيصري هاي الايام اكم شو استوى فيهم عادي ماشالله عليهم صح ولا ؟

انا من الاخوات اللي سويتها فالعسكري وسوتها اخصائية مصرية بجد هي اتريح كلش ما حسيت بالولادة واتكلم واسولف واضحك معاهم بس مي جرب الراس يطلع خلاص يبطل مفعولها لان لازم ايجي الطلق عشان الدفع هالامور من اليجابيات اما السلبيات الم الظهر احس للحين فيه فرقعة ما ادري صوت بس
ونصيحة لا اتسوونها