غذاء بنتي ساعدوني

حرام عليكم و لا رد؟

هلا اختي ام نوراء

انا مو خبيرة بس بقولش عن غذاء بنوتتي

بالنسبة لي انا ابتديت معاها من 5 شهور بدأت بالتفاح المهروس

سبب لها مغص حاد وما قدرت عليه فقلت ابتدي بالخضار لانها اخف على المعده>>>دكتورة صرت خخخخ

وبديت اعطيها كوسة وقرع ويقطين ابتدي بكل واحد لحالة عشات تعرفين التحسس عدها

وبعدين مخلوطين كل اثنين او ثلاثتهم او اشياء اخرى بضيفينها

وطبعا احط تمر معاهم بالخلاط او رطب>>>>حماتي تحط بسكوت بس انا بنتي ماتحب البسكوت

اول شي ابتدي اعطيها ملعقتين او ثلاث صغار

وكل يوم زيدي رابع يوم بتشوفينها تاكل صحن مثلا وعلى حسب معده بيبيتش لاتضغطين عليها

وتميت معاها شهرين بس خضروات و هالانواع الثلاثة لانه البطاطس سبب لها امساك

والجزر هم قوي عليها ماقدرت عليه

بعد السادس اعطيتها معكرونة حبتها

والرز جربته معها ماحبته

وحاليا بالشهر الفضيل عمرها 8 اشهر اعطيها هريسة

وبس

اتمنى الاخوات يفيدونش لاني سندرت راسج بالهذرة

ملاحظة جميع عصيرات الفواكه ماتحبهم

بس عصير البرتقال اشربها اياه غصبن عليها اذا معها امساك

بس حاليا مايصيدها امساك ماشاء الله اتوقع من الخضار ولو انها تاكل يومين وتهون 4 هههههههههه

ونسيت اقول لش حاولت معها الفواكه مرة ثانيه ماحبتهم بالمرة

بس التفاح لما اسلقه لها بالماي تتقبله بس مو ذاك الزود قليل

وربي يخليلج البنوتة القمر