الخدامه و امي

مرحبا

اتمنى تفيدوني

مشاكل الخدم لا تعد ولا تحصى لكن عندي مشكله وخايفه منها


انا بطبعي عطوفه على الخدم يكسرو خاطري مرررررررره

و ابوي الله يحفظه نفس الشي لكن ابوي الله يهديه عطفه عليهم بشكل

يعصبني و دائم مشاكل معهم بسبب ابوي .. دايم يقول هذولا في غربه مالهم احد

يعني ان الاسلام امرنا بحسن المعامله خاصة لناس الضعاف الي مثلهم لدرجة ان

بعضهم يلاحظو الاهتمام الزايد ويبدأو في الحركات الي مالها معنى من ابتساامه الى دلع

لدرجة انهم يدخلو روحهم في اشياء هي من خصوصيات الوالده الله يحفظها

مثلاا الخادمه تجي لأبوي وتسأله بابا تعشيت ؟؟!!! او بابا تغديت ؟!!!!!

ووحده منهم تلحقه لعند باب البيت هو طالع بابا بتتعشى في البيت:mad: و انا اعصب

لدرجة ان وحده من الخدم نايمه في الليل وسمعت صوت ابوي جاي فزت بسرررررررررعه من نومها بابا اجهز عشى ؟؟؟:mad:

و اذا دخل ابوي المطبخ يطبخ توقف في صفه وتعطيه كل شي رحت لها قلت لها اذا كنا احنا

البنات موجودين انتي مالك خص اذا بابا احتاج شي راح ينادينا

وقلت لها اذا احد من الاولاد او ابوي دخل المطبخ انتي تطلعي من المطبخ

تخيلو لدرجة ان اذا اخواني طلبو منها شي تضرب اخوي على كتفه وتقول له ان شاء الله:eek:

لأن حتى اخواني يعطفو ويشترون لهم اي شي من كنافه الى حلويات و و و عليهم بس مو

لها الدرجه بس اخوي ماكلمها يقول اخاف تنقهر و تبكي:(

في النهايه رحت لأمي قلت لها مايصير كذا صح هم في غربه و يكسرو الخاطر لكن بعد

ما يتآمن منهم بكره تسحر ابوي او اخواني او تحاول تلفت نظرهم في اي شي حتى يميلو

لهالازم توقفي الموضوع .. امي ماخذه الموضوع طبيعي لكن بعد ما حذرتها بدت تنتبه ان

الخدامه زايده في تصرفاتها لكن ماكلمتها قالت اخاف تسوي شي في احفادي

صرنا نضغط على ابوي ان لازم يغير تعامله معهم وبضغط مني و من امي و مشاكلي مع الخدم

الحمدلله ابوي تغير معهم 90% لكن الي انا مسغربه منه وخايفه ان خدامة اهل زوجي

تسأل عن اسم امي:ss: مع اني انا الوحيده من بيت زوجي اتعاطف معها و ابتسم في وجهها و اسلم عليها

و اعطيها حلويات و اذا رسلتها ام زوجي لي اخليها تدخل شقتي اذا كنت مشغوله اقول لها

دخلي و تجيني للمكان الي انا فيه بعدها قالت لي مدام ابغى اشوف الشقه

خليتها تشووف شقتي و فرحت هي حييل و انا فرحت لفرحها وقبل كم يوم ام زويا عطتها

اغراض تجيبهم لي ورحت لها عند الباب آخذهم قالت لي لااا مدام انا ابغى ادخلهم ودخلتهم

للمطبخ و هي فرحانه وقالت لي مدام مارتبتي المطبخ الحين بترتبي قلت لها اي


و قبل يومين قالت لي ام زوجي انها تسأل عن اسم امي:ss:!!!!!!!!!!!

خفت موووووووووووووووووووووووووت قلت وش تبغى با الاسم

وفكرت كثير قلت يمكن سمعتني مره و انا اتكلم مع اهل زوجي عن خدمنا و تعامل اهلي معهم

وفكرت اكثر ليش طلبت اسم امي و رفضت استلم الاغراض وقالت تبغى هي الي تدخلها ؟؟!!!!

اكييييييييييييد في شي و الا شنو رايكم يابنات؟؟ وكيف اتصرف ؟؟

مرجانه(f)