الحقوني تكفون أخو زوجي بيدمر حياتنا !!

احس انج مكبره الموضوع
يعني لو حجز حق اخوه للعمره مافيها شي
هذا يعني انه يحب اخوه ويبيه يعتمر في هالايام المباركه

اما زوجته كيفها تتحجب ولا لأ كل انسان محاسب عن تصرفاته

ماظن انه حاقد عليج لان يبي اخوه ياخذ اخت زوجته

ترا الرجال مهب هذي سوالفهمم وتفكيرهم مش زي تفكير النسوان

مادري من كلامج حسيت ان علاقته قويه بأخوه

بس انتي اظاهر سالفتة اخت زوجته منرفزتج
والحين فترة الحمل الوحده تصير حساسه ودلوعه ههه
معليه حبيبتي تحملي ولاتقولين لزوجج ان اخوك منرفزني ولا اخوك مادانيه
ترى اللي مافيه خير لهله مابيكون فيه خير لج انتي بنت الناس الغريبه

الله يهديه ويهدي بالج ويسخر لج زوجج ويرزقج الذرية الصالحه والمعافيه

انتي واجهيه وقوليله انت ليش تدمر حياتنا اتركنا بحالنا اذا تبغى تدمر دمر حياة غيرنا مو تدمر حياة خويك
واذا امه زينة وتتصرف بعدل يعني حكمة قوليلها تتصرف معاه
انا متوقعة كل البنات بيقولولك كذا
تقبلي مروري
zainab 10

الغالية ترى والله الدنيا ما تسوا هذي الحسبه اللي انتي تحسبينها ....عاملية بالطيب والاحسان الغالية .... وترى الحمدالله انتي مو عايشة ببيت أهل زوجج ... ولا هم بنفس وإذا عنه أكيد هو مو قاعد عندكم يعني كلها زيارات ... وهذي ترى والله اشياء تصير بأحسن العائلات ... بقولج موقف صار لي

أنا واحد من أخوان زوجي عشقه وحياته يطفرني ويغيضني ... تعرفي شو سوا بولدي مرة من المرات ... لما ربيت وكان ولدي عمره يومين او ثلاث ايام تقريبا كان يشل ولدي ويرفعه فوق جنب المروحة يعني بينه وبين المروحة شعرة عشان اعصب ... كنت ولا كأنه موجود ولا اقوله شيء ولا كأني شفته استغفر الله واسكت وكانت عمتي تقوم وتعصب عليه وتقولي انتي ما تخافين على ولدج اقولها شو تبيني اسوي انسان كبير عاقل والحمدالله لا هو مجنون ولا معاق عيالي لما كبروا يشيل اغراضهم ويبهذلهم ...

والله رزقني بولد لله الحمد ههههههههه طلع عليه مطلع الحق والباطل منه من اللي يسويه فيهم لدرجة ان قام يقولي كل عيالج بقدر عليهم الا هذا ولا حتى زوجته تقدر عليه ... اذا مر ولدي صوب عمه قاله كم كلمة وقام يتحرش بعياله تخيلي عاد انا اهاوشه جدامه عمه (( عيب هذا عمك)) بس والله عاد منو ولدي لا لا لا ولا كأني اكلمه ... يقولي والله مشكلته هو بدا علي ....ياله كل صغير يكبر وياخذ حقة بيده ....

اصبري يا الغالية ترى والله ما في شيء يسوى تخربين علاقتج مع عمتج مثل ما قلتي هذا ولدها وباشر بتعاديج بتقول تبين تفرقين بين عيالها وما تعرفين حرمته شو بتقول ....

ترى الله ما ينزل ويضرب بعصى باجر بيرزقج الله بالذرية الصالحة ... وبيكبرون وبتزيد مسؤولياتج ومسؤلياته وبينشغل وبتنشغلين ... وكل شيء بيروح لحاله ....

على فكرة في نوعيه من اخوان الزوج يحبون يطفرون حريم اخوانهم بس والله دواهم التطنيش وبس والمعامله الطيبة

وإذا هو على قولتج يكرهج يعني عدوج وتذكري المثل اللي يقولي (( امشي صح يحتار عدوك فيك ))

العتب

الله يفرج همك وييسر لك امورك وكلام العتب عدل الحل هو التطنيش والكلمة الطيبة

الله يفرج همك عزيزتي

طنشي يا اختي .. وباسلوبك حاولي تخلي زوجك ما يشاوره في كل صغيره وكبيره عشان ما يخبر قرارتكم.. بدون لا تبينيله اي شي عن اخوه

وما عندي اي كلام زياده عن كلام الاخت العتب .. الله يجازيها خير

رب العالميييين قادر انة يغير الى فى النفوس وادعى فى صلاتج لة بالهداية ولاتزعلين من زوجج خلى الى بينج وبينة فى البيت مور خاصة ولاتتأثرين بكلامة لانة يباج تتنرفزين ...

والله يوفقج يارب

والله الاخوات ما قصروا معاك انا اللي عندي الدعاء والاستخارة حبيبتي

الورده الغاليه;10199034:
والله ويش اقول لج ياشينهم اذا خربوا

نصيحه من القلب لاتخبرين احد لا امه ولا غيرها ترى امه هو ضناها ماترضى عليه

وبتنقلب ضدج

انتي حبيبه لانج بعيده عنها اذا بغيت تغلى اما تغرب او موت

لو كنتي قربه بتشوفين الويل اذا هذا اخوه جدي

اعوذ بالله منه
بس صدق لاتخبري احد ولا تشكي الى اهله

والله يسوي الي فيه الخير
ترى انا اقول لج والى البنات ما اخرب بينكم ولا اعرفكم ولا لي مصلحه بشي
بس الي مجرب وعارف الوضع يحس بجرحج وحرتج

دمتم بعافيه

اني معاج 100%

الله يكون في عونج

ياحبي لكم بنات كلامكم يشرح الخاطر بس عتبي على اللي يحسبوني اكبر السالفه
قلت لكم انا صابره وفيه اشياء كثيره بس احيانا شيء تافه يخلي الواحد ينفجر

ام سلمى الله يجزاك خير
والبنات اللي قالوا ادعي واستغفري فعلا هالأيام احس كأنه أبتعد عنا شوي ابستمر على الدعاء وبعد رمضان راح افاتحه بالموضوع بإذن الله وربي بيسرها


الله يسعدكم ويجزاكم خير