ابي اخرق اذن بنتي

ما عندي فكرة انشاء الله الأمهات يفيدونج

مرحبا عزيزتي

توها صغيرة الله يخليها لج ان شا ءالله ... اذا ان شاء الله كملت اربعة اشهر خرقي اذنها... بنت جيراننا بنتها مثل بنتج من اطفال الخدج .. خرقتها لم صارت اربعة اشهر...

رايي من راي اختي صبري شوي

بالعكس الغالية كل ما كانت أصغر كل ما كان الألم بسيط وخاصة إنها طفلة فجلدها طري وكل ما كبرة كل ما ألمها أكثر بالنسبة لبنت أختي من سنى ولدي خرخت أذن بنتها لم كان عمرها شهرين ونص بس أبد ما أذتها

كلماا كاانت البنت أصغر كلماا كاان أحسن عشاان ماا تتألم

و يلاا لاا يجي العيد الاا و البنووتة مزينة أذنهاا

و الله يخليهاا لج و اتشوفينهاا عروووس

اول طعميها تطعيم الشهرين بعده باسبوع او كم يوم خرقي اذونها

انا سويت جذي لبنتي

انا بصراحة خرمت ودن بنتي تاني يوم ولادتها
لان بيبقى لحم الودن طري وسهل خرمه
كل ما تكبر كل ما لحمها يزيد غلاظة والله اعلم

اختي بس تحملي اذا بنتج فيها حساسيه لاتخرمين اذنها لانها بتلتهب

انا فيني حساسيه وللحين اعاني من صديد ينزل من الاذن بسبب هالخرمه

وبنت اختي نفس الشي خرموا لها اذنها والتهبت اذنها وردوا بعدها بسنه اخرموا لها اذنها وبعد التهبت

فعشان كذا اذا عندها حساسيه انتظري لين تكبر لان ماتقدرين تعطينها مضاد وهي صغيره حرام مايسوى

انا خرمت اذن بنتي يوم كملت شهرين... الدكتور نصحني اني اخرم اذنها وهي صغيرة

كل ماكانت اصغر كل ماكان احسن وماتحسش بألم.. روحى دلوقتى اسألى الدكتور

بنتي اليوم كملت 3 اشهر بنتظر ليله القدر وبعدها راح اخرقها

طبعا كل ما كانت صغيره افضل بس مو اقل من شهرين

طعميها اول افضل

ومن خلال استفساراتي نصحوني بصيدليه السلام في مدينه عيسى قريبه من رامز وهوم الكترونكس

خرمت بنتي لما كان عمرها خمسة أشهر

هي كل ماكنت صغيرة أحسن... بس الدكتور قال لي على الأقل تاخذ تطعيمين.. أنا بعد ماكملت التطعيم مال الأربع شهور أنتظرت 3 أسابيع وخرفت أذنها...

طبعا من الافضل كلما كانت صغيرة
انا خرمت بنتي قبل ما تكمل شهر
بس لان بنتج من الخدج الافضل توديها الطبيب وتستشيري
وما خاب من استشار
لان هو ادرى بالوقت المناسب
:)

ما عندي بنوتات

بس أذكر أن بنوتة أختي كان أبوها واجد مستعجل على خرم أذنها " عشان العيد وقتها " سألت الدكتورة في تطعيمة الشهرين قالت لها انتظري لي تطعيمة ال 4 ، بس أبوها الله يحفظه ما وافق وأخذها الصيدلية لكن الصيدلاني قاله الأفضل تجيبها بعد تطعيمة الأربع !!!! وخرموا أذنها بعد تطعيمة الأربع شهور بخمسة أيام تقريباً

لكن شنو السبب تحديداً ما أعرف

انا سمعت مثل البنات الباقي انه كل ما كان ابكر كان افضل لانه لحم الطفل يكون لين وطري فما يالم

واذا تبغين مكان للخرق في صيدليه الحكمه وفي الدكتورة ساهرة على شارع البديع :) بالضبط صوب دوار عبد الكريم :) اللي يودي جدحفص

وتخرق بثلاثه دينار والتراكي من عندها بعد :)

والله يخلي المحروسه وتتربى في عزكم :)

تعب صمتي;10196357:
مرحبا

متى اقدر اخرق اذون بنتي؟؟

بنتي من الخدج

يوم الجمعة تاريخ 4-9 تكمل شهرين

الافضل تنتظرين حتى تكمل الاربعة شهور حتى تقلل فرصة حدوث الالتهابات والحساسية.. واذا تقدرين تنتظرين اكثر يعني الى 6 شهور بما انها من الخدج

والله انا كنت مستعجلة كملت شهر واسبوعين ووديتها

بس الصيدلاني مارضى قالي اول خليها تتطعم شهرين وبعدين جيبيها

وما اقتنعت وديتها صيدلية ثانية خخخخخخخخخ بس هم ما رضيت الصيدلانيه

واسلمت امري لله وبعد تطعيمها مباشرة وديتها بس جننت الصيدلانيه على ما رسمت لها نقاط مثل بعض

فديتها ربشة من صغرها

بس لانه بنتج من الخدج اتوقع يعد الاربعه افضل

خرق الأذن ما يترتب عليه نزول دم أو غيره ،، مما يعني عادي في أي سن تقدري تخرقيها ماله دخل بالوزن أو غيره

بس مثل ما قالوا لك البنات وهي صغيرة أفضل ،، بنوتي خرقت أذونها وهي بنت 6 شهور وسوت لي سالفة صياح ونكد ،، بس وهي بهالسن ما راح تحس وخزة وتنسى ،،

طمنينا عليها