السلام عليكم ..
ادخل في الموضوع على طول ..
بنتي يارا الله يخليها و يحفطها من كل شر ...قولوا آمين :D
اعطيتها مصاصة من كان عمرها ايام كانت وااايد تصيح عشان الغازات و ما يهدئها ويخليها تنام غيرها ..
فتعودت عليها
الحين اهي عمرها 10 شهور و اسحالة تنام من غيرها سواء باليل او حتى لو قيلولة بالنهار ..
بس بغير وقت النوم ما اعطيها اياه ابداً ..
جربت ارقدها على الحليب "المرضاعة" بس بعد ما تخلص الحليب تصيح تبي المصاصة ..
و انا ما اعرف متى اوقفها عنها و اشلون ..!؟
يعني اذا و ماعطيتها اياها اشلون بتنام ؟؟
يلا ساعدوووني يا امهات من طفلها كان يستخدم المصاصة و قدرت تشيلها عنها ..!!
متى اخلص بنتي منها وكيف..ساعدوني بخبرتكم
ن
30-08-2009 | 04:48 AM
ا
30-08-2009 | 04:56 AM
لاتخافي ياقلبي
لسه عليها انا ولدي وصل لسنتين تمام اخذتها وخبيتها عنه وقلت جاء العامل "هندي البلديه"واخذها وصدق ونام وعلى هالحاله لين نسي شيء اسمه مصاصه
فيه ناس تقول اخرميها علشان يكرهها وناس قالو اخرميها وعبيها ملح او مرّه علشان يكرهها وناس قال احرقيها قدام عينه وقولي يععععععععع فيها يععععععععععع وهو من نفسه راح يبطلها
انتي استني على بنت لين تكبر شوي سنه او سنتين بعدين خليها تتركها وراح تنساها
لسه عليها انا ولدي وصل لسنتين تمام اخذتها وخبيتها عنه وقلت جاء العامل "هندي البلديه"واخذها وصدق ونام وعلى هالحاله لين نسي شيء اسمه مصاصه
فيه ناس تقول اخرميها علشان يكرهها وناس قالو اخرميها وعبيها ملح او مرّه علشان يكرهها وناس قال احرقيها قدام عينه وقولي يععععععععع فيها يععععععععععع وهو من نفسه راح يبطلها
انتي استني على بنت لين تكبر شوي سنه او سنتين بعدين خليها تتركها وراح تنساها
ن
30-08-2009 | 05:13 AM
الاسطوره المحطمه;10192970:
لاتخافي ياقلبي
لسه عليها انا ولدي وصل لسنتين تمام اخذتها وخبيتها عنه وقلت جاء العامل "هندي البلديه"واخذها وصدق ونام وعلى هالحاله لين نسي شيء اسمه مصاصه
فيه ناس تقول اخرميها علشان يكرهها وناس قالو اخرميها وعبيها ملح او مرّه علشان يكرهها وناس قال احرقيها قدام عينه وقولي يععععععععع فيها يععععععععععع وهو من نفسه راح يبطلها
انتي استني على بنت لين تكبر شوي سنه او سنتين بعدين خليها تتركها وراح تنساها
هاهاهاها عامل البلدية عاد ما لقيتي غيره مسكين:)
ما قصرتي يا اختي على الرد ..
انا بس كان كل خوفي انها تكبر و ماترضى تهدها لأني مرة بمجمع شفت بنت كبيرة يمكن عمرها 3 سنوات سشكلها كان كريه و هي تمص المصاصة ..
أ
30-08-2009 | 05:17 AM
الأخت الاسطووورة المحطمة مااا قصرت
و برايي ان الأموورة توهاا صغيرة انتظري اتكمل السنة ع الأقل
و الله يحفظهاا و يخليهاا لج
و برايي ان الأموورة توهاا صغيرة انتظري اتكمل السنة ع الأقل
و الله يحفظهاا و يخليهاا لج
ه
30-08-2009 | 05:02 PM
السلام عليكم ورحمة الله وبركاته
حبيبتي لا تحاتين إن شاء الله بتتخلصين منها
أنا ولدي الله يحفظه كان يستعملها إلين صار عمره سنتين بالضبط
قبلها كان الكل يقول لي لين متى المصاصة بحلجه وما يحسون شكثر الام تتعب
علشان تهدي ولدها .. المصاصة يسمونها لهاية وصج إنها تلهي الياهل
والله تخيلي الوضع اذا رحتي بيت ناس ولا السوق، وولدي كان من النوع الحنان
ما يسكت إلا بالمصاصة وقلت بقطعها عنه أول ما يصير فيه اتصال بيني وبينه :D
والحمدلله لما كمل السنتين استعملت دوا إللي يحطونه على الأظافر
علشان الواحد يتخلص من عض الأظافر عرفتيه؟؟ طعمه طعم المُرة
حطيته على المصاصة، واستعملها ولدي لااااعت جبده وقال عنها يعععع
وراح قطاها بنفسه في الزبالة وأنتي بكرامة ...
طبعا انا مخلية وحدة احتياط بس قلت ما بعطيه وبستحمل حنته شوي..
صار ما يسأل عنها إلا إذا يبي ينام.. اقول له انت قلت عنها يعععع قال ايه واوا يععع
<<<< أهوا يسمي المصاصة واوا :D
قلت له ايه وانت قطيتها في الزبالة قال ايه وبعدها ينام ..
والحمدلله كم ليلة وبعدها ما سأل عنها... لا تحاتين حبيبتي بتقطعها إن شاء الله..
وأنتي حددي متى أنسب وقت ..
ولج اطيب تحية
حبيبتي لا تحاتين إن شاء الله بتتخلصين منها
أنا ولدي الله يحفظه كان يستعملها إلين صار عمره سنتين بالضبط
قبلها كان الكل يقول لي لين متى المصاصة بحلجه وما يحسون شكثر الام تتعب
علشان تهدي ولدها .. المصاصة يسمونها لهاية وصج إنها تلهي الياهل
والله تخيلي الوضع اذا رحتي بيت ناس ولا السوق، وولدي كان من النوع الحنان
ما يسكت إلا بالمصاصة وقلت بقطعها عنه أول ما يصير فيه اتصال بيني وبينه :D
والحمدلله لما كمل السنتين استعملت دوا إللي يحطونه على الأظافر
علشان الواحد يتخلص من عض الأظافر عرفتيه؟؟ طعمه طعم المُرة
حطيته على المصاصة، واستعملها ولدي لااااعت جبده وقال عنها يعععع
وراح قطاها بنفسه في الزبالة وأنتي بكرامة ...
طبعا انا مخلية وحدة احتياط بس قلت ما بعطيه وبستحمل حنته شوي..
صار ما يسأل عنها إلا إذا يبي ينام.. اقول له انت قلت عنها يعععع قال ايه واوا يععع
<<<< أهوا يسمي المصاصة واوا :D
قلت له ايه وانت قطيتها في الزبالة قال ايه وبعدها ينام ..
والحمدلله كم ليلة وبعدها ما سأل عنها... لا تحاتين حبيبتي بتقطعها إن شاء الله..
وأنتي حددي متى أنسب وقت ..
ولج اطيب تحية
م
30-08-2009 | 05:32 PM
أختي نور.. تعرفين أنا ولدي كان معذبني مع الرضاعة وكان بالضبط له سنتين وشهرين وقلت له الفار اللي بالمطبخ كلها وكرها وتركها بس أنتي بنتج أصغر يعني مابتستوعب سالفة لا فار ولا هندي هههه..
حطي لها مرة عليها وراح تكرها وتتركها...
حطي لها مرة عليها وراح تكرها وتتركها...
ت
30-08-2009 | 06:13 PM
بالعكس اختي بنتج بعدها صغييييييييرة
لا تعورين راسك الحين وتتركيها
لا تعورين راسك الحين وتتركيها
ا
30-08-2009 | 08:43 PM
ياعمر ي لاتحاتين انا بنتي عمرها سنه وست شهور وللحين تاخذها وماافكر افطمها عنها لحد ماتكمل سنتين وتفهم بس اللي تقولين عنها البنت اللي عمرها 3 سنين هذا من امها مو منها امها الغلطانه حدها سنتين
ن
30-08-2009 | 10:30 PM
مشكوورين و الله طمنتوني ..
لأني كنت شايلة هم :)
لأني كنت شايلة هم :)
م
30-08-2009 | 11:44 PM
السلام عليكم ورحمة الله
أختي نور النجوم والله ما عندي فكره لني ما أحب أستخدمها مع إن ولدي كان من اكثر الأولاد حنة وزنة وما يسكت إلا على صدري بس ما فكرت أعطيها إياه
همس القلوب هذا نفس الدوا الي استخدمته علشان افطم ولدي عن صدري
أختي نور النجوم والله ما عندي فكره لني ما أحب أستخدمها مع إن ولدي كان من اكثر الأولاد حنة وزنة وما يسكت إلا على صدري بس ما فكرت أعطيها إياه
همس القلوب هذا نفس الدوا الي استخدمته علشان افطم ولدي عن صدري
U
31-08-2009 | 12:54 AM
متى ما بغيتي تقطعينها عنها قصي الحلمة وعطيها ياها بتضايق منها وبترميها
r
31-08-2009 | 10:57 AM
ما شاء الله ومنكم نستفيد ... انا بنتي ان شاء الله ناوية عليها تكمل سنه وثلاث شهور واقطع عنها المصاصه خلاص نفس اخوها ... قصيت المصاصه وهو يمصها وعارف انه ما فيها شي وخليته بنفسه يقطها في الزباله عشان يرتاح بس مع بنتي اشك اني اقدر اسوي نفس الشي .. الله يعيني يا رب ... لانها ما تتكلم بعدها واطلع اصوات بس اوووء ايييء بس والحمد لله تقول بابا ماما تاتا يعني بس ما تفهم لدرجه اني اقول لها فري المصاصة في الزباله ... بس اذا صارخت عليها على طوووول تعطيني الشي وتمد اييدها تعرف نفسها مسوية جريمه خخخخخخخخخخخخخخخخخخخ
غ
31-08-2009 | 10:22 PM
مرحبا الغاليةانا ولدي كان يستخدمها وتخلصت منها تقريبا يوم كان عمره 7 اشهر ... لانه خفت اثر على اسنانهصح فالبداية يقعد يصيح وخص وقت نومه لانه متعود ينام عليها... بس شوي شوي لما ينام اخذها من فمه بشوي شوي فالبداية قعد يصيح يباها بس بعدين تعود انه المصاصة ماااطووول عنده شوي وينام
M
31-08-2009 | 11:06 PM
وانا اضم صوتي لصوت خواتي لا اتحاتين بخصوص اللهايه ترى سموها لهايه
انا بنتي للحين تاخذها وان شاء الله ناويه على سن السنتين بقطعها عنها بوحده من هالطرق اللي الخوات يزاهن الله خير ما قصروا وسردولنا قصص عيالهم
انا بنتي للحين تاخذها وان شاء الله ناويه على سن السنتين بقطعها عنها بوحده من هالطرق اللي الخوات يزاهن الله خير ما قصروا وسردولنا قصص عيالهم
ن
01-09-2009 | 02:54 AM
مشكورين يا خواتي ما قصرتوا ..
و الله طمنتوني واااايد ..
و الله طمنتوني واااايد ..
س
01-09-2009 | 04:40 AM
انا بنتي عمرها 10 شهور ونفس بنتك
وفكرت اذا كملت سنتين بفطمها عنها والحمد لله فيه علاج لها بالصيدليه يخلي الطفل ينفطم عنها
عشان كذا لاتخافين ووسعي صدرك ولاتفكرين من الحين خلى كل شي بوقته
وفكرت اذا كملت سنتين بفطمها عنها والحمد لله فيه علاج لها بالصيدليه يخلي الطفل ينفطم عنها
عشان كذا لاتخافين ووسعي صدرك ولاتفكرين من الحين خلى كل شي بوقته
ن
01-09-2009 | 05:43 AM
وه بنات ..
وانا قاعده اتعذب .. كل اقاربي يقولون اول ماتبتدي تطلع الاسنان افطميها من المصاصه عشان ماتخترب اسنانها يعني بحدود 8 اشهر .. وانا كنت مهمومه لأن كتكوتتي ممكن تضحي فيني ولا في مصاصتها :(
وبعد ماقريت ردودكم تعجبت ..
زين الامهات اللي كتبوا تجاربهم اسنان كتاكيتكم طالعه مرصوصه جنب بعضهم والا متفرقين ؟؟؟
وهل العضاضه << ان شاء الله تعرفونها ... تغني عن اللهايه ؟؟؟؟:)
وانا قاعده اتعذب .. كل اقاربي يقولون اول ماتبتدي تطلع الاسنان افطميها من المصاصه عشان ماتخترب اسنانها يعني بحدود 8 اشهر .. وانا كنت مهمومه لأن كتكوتتي ممكن تضحي فيني ولا في مصاصتها :(
وبعد ماقريت ردودكم تعجبت ..
زين الامهات اللي كتبوا تجاربهم اسنان كتاكيتكم طالعه مرصوصه جنب بعضهم والا متفرقين ؟؟؟
وهل العضاضه << ان شاء الله تعرفونها ... تغني عن اللهايه ؟؟؟؟:)
ح
02-09-2009 | 12:01 PM
نصيحة من أخت الى اختها حاولي تقطعين عنها اللهاية بأسرع وقت قبل لا تدمن عليها ولاتقدرين تقطعينه بعدين ،شوفي وضعي وياه ولدي ما تعبت في فطمه عن الحليب بس مغربلني مع اللهاية الحين عمرة سنتين وشهرين ويأخذها بس وقت النوم يعني ما يقدر يستغني عنها مجرد يوتعي ومو في حلقه يصيح ويدورها في كل مكان حاولت معاه بكل الطرق ولا طريقة ما جربتها وياه حطيتها في مرة وحطيت دواء الصيدلية ومسحته بروج أحمر وغمسته بملح وفلفل ولا شي فاد وياه ومازل لحد اليوم نفس القصة من تجي حزة النومة قال ماما مسهية وهذة معذبتني السالفة صدق .لذلك قررت مهما يكون الثمن مااعطي أطفالي الباقيين هالمسهية لو وش يكون .