لأمهات البحرين بغيتكم اتفيدوني

*

*ام ورد*

عروس رائعة

29-08-2009 | 11:47 PM

السلام عليكم

عندي بنت زوجي عمرها اربع سنوات أسنانها كلها تعبانة الأماميين والرحي لأنها اخذت حديد يوم كانت صغيرة وهاي اللي سبب تلف اسنانها ،،،،،،،
الدكتور في المركز الصحي خبرنا انها تحتاج الى تنويم كامل وخلع لأسنانها ،،،، بس احنا متحيرين اذا البنت شالت اسنانها وهي مو في عمر تطليع اسنان بتظل جذي من غير اسنان اذا شلناهم لها ،،،،،، الحين انفكر نعرضها على استشاري اسنان متخصص للأطفال عشان يقرر على حالتها شنو انسويلها بس مانعرف عن اي دكاترة اطفال ،،،،، ياريت اللي عندها خبرة اتدليني عن الدكاترة ووين اتصير عياداتهم ؟؟؟؟؟؟؟

مع جزيل الشكر

انتظر ردودكم

ا

ام عــلاوووي

عروس ماسية

30-08-2009 | 03:21 AM

ما تشوف شر الحلوه ..
وفي البحرين في اخصائيه لطب اسنان الاطفال وحده بس ..!

انا تعاملت معاها حق اسنان ولدي ..
ولما رحت لها حكت له لثته ..!

وقالت لي انه ورى لثته امتن من قددام ..
وراح يعتب على ما يطلعون بس عادي وطبيعي ولا تحاتين ..!

اهي ليلى مسيب محمد..!
استشارية طب اسنان اطفال وعيادتها في الحووره ..

اتمنى افدتك ..!

أ

أم مرااام

عروس ماسية

30-08-2009 | 02:31 PM

و عندج أختي بعد الدكتوور ياسر أحمد في العيادات الخااصة بمستشفى النعيم

بصراااحة الدكتووور شااطر و ماا عليه كلااام

و ماا على الأمووورة شر

ا

ام سيد سلمان

عروس مبدعة

30-08-2009 | 04:39 PM

عندج دكتورة هالة اخصائية اسنان للاطفال سمعت انها شاطرة

عيادتها تكون على ماعتقد على شارع عذاري الشارع اللي فيه العيادات

وماتشوف شر البنوتة..

م

مناهل78

مشرفة سابقة

30-08-2009 | 04:52 PM

ماعليها شر.. أعتقد دكتورة ليلى مسيب متخصصة للأطفال.. هي عند محلات أشرف بالحورة

أ

أم حمادي

عروس مشاركة

31-08-2009 | 03:04 AM

مرحبا

ماتشوف شر البنوته

دكتور ياسر ، تمام
وعندش اذا يحولونش المركز على مركز عالي ، قسم الاسنان خاص بالاطفال جدا ممتاز .

ولد أختي خلعوا اليه أسنانه وهو عمره تقريبا 4 سنوات ، تحت التخدير الكامل ، والسنة عمره تقريبا 6 سنوات وتوه الحين يطلعون اليه أسنان .
بس صدق صعب كلش انه يكون بلا اسنان ، بس اريح اليه والى اهله والى جسمه عن هالادوية الا يشربها كل اسبوع عن الم الاسنان .

وسلامتها

ا

ام ديار

عروس نشيطة

31-08-2009 | 12:53 PM

وديها حق عيادة أسنان خاصة بالأطفال

وعندج عيادة الأسنان إلي في المستشفى التخصصي
عندهم قسم حق الطفال

بس إذا اليهال ما تشتكي من ألم في أسنانها في الوقت الحالي خليها لين يصير عمرها 6 سنوات تالي شيلوهم لها لأن في سن ال6 سنوات هو سن تطليع الأسنان

وبس