زوجي وتيلفونه البلاك بيري....

سلام خواتي,
مبروك عليكم الشهر المهم انا بدخل في الموضوع على طول وابى منكم المشوره ولا النصيحه لاني مب عارفة اتصرف في هذا الموقف علما اني خايفه من الانفعال وانا حامل في الشهر الخامس وهذا اول حمل لي ....المهم بنات اكيد كلكم تعرفون تيلفون البلاك بيري ,, ريلي اشترى منه قبل شهر ومن يوم يابه وهو حاط قفل سري عليه سالته ليش؟؟ قالي عشان لو نسرق محد يروم يدش عليه ...قتله تحسبت عني قالي لا لا ونش وعطاني الرقم السري لكن انا ما حفظته المهم عقب فتره شفت دايما توصله مسجات على الماسنجر والتيلفون توت وتوت المهم قتله ابى اشوف تيلفونك لاني ناويه اشتري نفس التيلفون وعطاني اياه شفت على الماسنجر 4 اشخاص ومن الاسامي عرفت انه هذيل ربعه المهم طنشت السالفه .... الحين من كذا يوم اشوف ريلي متغير عليي يرمسني عادي بس فيه شي متغير مادري شو فيه المهم نشيت اليوم وقفت وراه كان يتعبث في التيلفون شفته فاتح مكان الماسنجر والاسامي زادت من 4 اشخاص يمكن الحين عنده 8 او 9 اشخاص وما قدرة الحق اشوف كل الاسامي كل الي شفته اسم واحد عيون القمر..... عيون القمر معقوله اسم رجال؟؟ ويوم انتبه اني واقفه دخل مكان في التيلفون وتم يتعبث فيه ساعه عاد انا سرت عنه الغرفه يوم رديت الصاله ويلست ما رمسته تميت ساكته حس انه شي فيني وتم يسألني متى رقدي البارحه ؟ جاوبته وسكت .. رد سالني شو مسوين على الفطور اليوم؟ جاوبته وسكت احس انه هو عرف اني انا تضايجت ويحاول يقيس نبضي معناتها خايف صح؟؟ المهم كله الي اباه منكم تشورون عليي شسوي وكيف اتصرف معاه ؟؟وطبعا من حقي اعرف على الاقل منو وياه على الماسنجر صح ولا؟؟؟ اتريا ردودكم خواتي