اهل زوجي .. ورضا زوجي .. محتااااره

الله يعينج , يمكن بس هم في رمضان تكثر العزايم عندهم , صبري ألين يخلص رمضان .....وسافري وياه بعد العيد وبجذيه بتعوضين الوقت إلي راح عليج ونتي بعيده عن ريلج . والله يوفقج .

دلوعتي

مشكوره حبيبتي
لا مش في رمضان بس لانو انا متزوجه من شهر ونصف وفترة الخطوبه سنه ونصف
يعني حاله مستمره ..

والسفر مااقدر اسافر اوضاعنا ماتسمح ..

ابي استقلاليه فقط

الله يعينج ع هالحال

حاولي تتفاهمين مع ريلج بهدووء وفهميه وضعكم خصوصا انكم توكم معرسين من قريب وان شاء الله بيقتنع

MEN

مشكوره حبيبتي

بس ماعتقد يبا لها تفاهم
تعرفون موقف الشخص من اهله كيف يكون
دايما مع اهله مايكون ضدهم ابدا حتى في الغلط
يبي لي انا اتصرف بنفسي
بس مو عارفه كيف

يآآآقلبي ربي يفرج همك
ويهدي زوجك لكي ويفرج همك
انا احس من وجهت نظري انوا صعبه ابوه يعزموا ويقول ماابغى اجي
احس الرجال الشرقي كدا بس ابو يتصل عليه يقولوا طيب يخاف يقولوا الزوجه مسيطره
هو انا معاكي انوا مره مهملك ومافي خصوصيه لكن اصبري يمكن على قول اختنا انوا بس عشان رمضان وبعد العيد يتغير
الله هديه من جد المفروض الوقت يقسموا تمام الشغله مو كل يوم كل يوم
بس انتي حاولي تبيني انك مبسوطه لو اسبوع وبعدين بهدوء وضحيلوا انك مو تكرهي اهلوا لكن تحبي تجلسي معاه لوحدكم تخرجوا سوا الله يهديه ويسخروا لكي

السلام عليكم
اختي الله يساعدج بس هذا الشي عادي وانا صار لي الحين 5 سنوات مع زوجي وهو اذا اتصلو اهله ما يقدر يردهم وخاصة اذا كانو متجمعين ودايماً يبغيني جاهزة ولا ارد لهم طلب فالله يساعدج على هالوضع

اختي زوجك يحب الجمعه وخصوصا بين اهله

والظاهر لانكم معاريس جداد .. هو ما حب يفقد هالشي

واكيد اهله يتصلوا فيه لانهم فاقدينه بعد ..

انتي اجلسي معه واحسبيله الساعات اللي انتوا فيها بعيدين عن بعض والساعات اللي تكونوا فيها مع بعض

فهميه ان هالفتره اهم فتره تتعرفوا فيها مع بعض .. وقوليله انا احب اهلك وجمعتهم .. بس هم للحين احسهم غريبين عني .. ولازم شوي شوي لين اتعود عليهم


فهميه ان اي قرار يخصكم انتوا الاثنين مثل الروحه لبيت اهلك .. لازم يسألك .. وقوليله عن لما كنتي مريضه
واخر شي قوليله اهلك ناس طيبيييييين وحبوبين واكيد بيتفهموا لما تقولهم اننا بنفطر مع بعض

الغالية اذا جلستكم مع بعض جدا عاديه .. استغليها في الكلام عن الاشياء اللي تضايقك . . وابتعدي عن اسلوب العصبية او اسلوب الاستفزاز


والله يوفقكم ان شاء الله

بروق السحايب
اسعدني وجودك حبيبتي
والوقت مش مؤقت صار لنا شهر ونص متزوجين
يعني قبل رمضان وهذا هو الوضع
ادري صعب الرجال يرد ابوه او امه
وحتى البنت صعب ترد امها او ابوها
بس في شي اسمه خصوصيه واستقلاليه
انا كل مااحاول اوضح له
يقولي انتي غير اجتماعيه !! انا بالعكس
احب الجمعات لكن بالمعقول
خاصة ان جو بيتهم مايساعد ابدا
ازعاج وزحمه ومااخذ راحتي
بس كل هذا يهون لو يكون في خصوصيه شوي وحريه


ام علي
الله يعين الجميع حبيبتي
لكن انا ضد الخضوع في هاذي المواضيع
كذا الحرمه تقضي حياتها بس طلعات
ومالها حقوق بيكون لا مع زوجها ولا مع نفسها
وين الطلعات والروحات والمشاوير الخاصه
وين العلاقه الزوجيه !! اذا كل يوم الرجال
عنده دوام وبعدها طلعات وين حق الزوجه الي فوق كل شي
انا بعرف الام والابو لما يزوجون اولادهم يزوجونهم ليش !!
اذا كل يوم والثاني تعال قضي يومك عندنا
احس الزوجه مرافقه فقط


بنوتة مسقط
كلامك كله طبقته
بس هو حاط براسه اني غير اجتماعيه وماحب اهله وماارتاح لهم
ومايحط في باله اني اسوي هالشي لاني ابيه جنبي
يلا بناااااااااات
معقوله ولا وحده حاطه لها جدول ..؟

والله انا اشوف الوضع عادي جدا وشلون لو انك عايشه معهم بنفس البيت انتي اللي تطبخي وتشتغلي لهم


اقول احمدي ربك وبنات الحمايل لازم يتحملون وانتي الكسبانه في الخير ولاتنسين انك راح تصيرين ام وربك

راح يعوضك بس انتي طولي بالك على زوجك اسمعي ابي اقولك انا ايام زواجي كنت دايم عندهم لانه

رغبت زوجي وصادف الرمضان كان يقوللي الساعه 12 الظهر لازم تصيرين عن اهلي علشان تساعدين امي


وقلت حاظر تعرفين سنعه وبعد سنه رزقت بنتي الكبيره وبعدين هو صار يقول خلاص خلينا نجلس عقب العيال


خلاصة الموضوع هو يجي وقت يحب يجلس معاك بس انتي خليك شقرديه مع اهله


وبالتوفيق لك

الله يعينك
ويخلي لم زوجك

مرحبا


ياقلبي احس انك حساااااااسه كثييييييييييييير و تركزي حتى في الامور الصغيره

و احس انك ماترتاحي لجلسات اهل زوجك و الي مايرتاح في جلسه يدوور على اقل شي فقط لأنه مايرتاح

لها الجماعه وهذا الامر راح يتعبك كثييييييييير خلك عاااديه و اخذي الامور ببساطتها

الاب وقت الي اتصل على زوجك للغدى لأنك خلاص صرتي زوجة ولده وحاب يتصرف

بشكل طبيعي بدون قيوود و انك تحضري على الغدى حتى تتعارفي اكثر على اهله واتخذي عليهم حتى لو

كانو قرايبه اغلبهم هناك لأنهم يعزوك حبو قرايبهم يتعرفو عليك وشوفو ان هم عرفو يختارو لولدهم بنت اصل وفصل

لاتاخذي الموضوع كأنه امر من اهله لااااااااااااااااا اخذي الموضوع على ان حب وعائله وحده

و اذا بتمشو وتكلمو وين؟؟ بدري؟؟ انتي قولي لهم بطريقه حلوه و الله بودي اجلس معكم اكثر

لكن عندي شغل لازم اخلصه وبكذا طلعتي و انتي مرتاحه وهم مرتاحين منك

و اذا زوجك قال لك و الله ابوي عنده رجال في المجلس اقبلي با الموضوع اذا كان محد من اخوانه

موجود و يقدم الضيافه للرجال و اذا كان احد موجود من اخوانه في المجلس خلاص قولي له انا تعبانه

ودي اروح البيت لاتقولي له خل نروح وبس خلي ان فيك عله حتى يفهم انك بتروحي البيت لأجل شي

ثاني مو لأنك في بيت اهله وبس تبغي تروحي لأنه راح يفهم انك مو مرتاحه مع اهله فخلي فيك العله

و اذا رحتو البيت وحسيتي انه بيطلع قولي له انا خايفه او انا محتاجه لك غير حركات الدلع اثناء الكلام

وهذا راح يخليه يجلس با البيت

انتي حطي نفسك بمكانه
لو دايم يرفض يروح بيت اهلك و اذا راح شوي ويطلع ودايم يتهرب من الروحه هناك

راح تفهمي ان مايحب اهلك وراح تقولي له ليش ماتحب اهلي؟!!!! وراح تتخانقي معاه هو نفس الشي


اذا تبغي تكسبي زوجك عندك المفتاح (اهله) بيني دوم جنبه انك تحبيهم و تحبي امه

و اول خطوه تقدمي عليها حتى تحسسي زوجك انك تحبي اهله وتكسبي قلبه قولي له

ابغى اشتري هدية حق امك و ابوك واطلعي معاه و اشتري لهم هدية وعطيهم اياها في العيد مثلا عطر

او قطعة قماش او دهوون او حتى خاتم ذهب لأمه راح يفرح زوجك انك تذكرتي امه وراح تدخلي قلبه

لأنك تذكرتي اهله الي هو يحبهم ونفس الشي راح يحبوك امه و ابوه لأنك تذكرتيهم (ضربتي عصفورين بحجر واحد)

وبين فتره وفتره انتي اطلبي منه تزوري اهله لأنهم وحشووك راح يعجب بطلبك وتدخلي قلبه اكثر واذا رحتي

حاولي تعتبريهم اهلك حتى ترتاحي معهم با الجلسه لكن اذا جلستي ودققتي على كل شي الدقيقه تمر

كانها ساعه .. 45 دقيقه الى ساعه تعذري بأي شي وطلعو

لكن سالفة المرض و انتي في المشفى وماتقدري تقومي ويوافق يروح عند اهله و انتي بها الحاله تصرفه

خطأ خاصة ان المريض يحتاج لراحه لكن لو صادفك ها الموقف مره ثانيه قولي له بهدوء وبطريقة تكسر القلب

اناتعبانه عا الآخر مقدر اروح وصلني بيت اهلي او ان يوصلك شقتك بحجة ان ماودك تعوري قلب امه

وتشوفك بها الحاله وقلبها ينشغل عليك وان اذا صرتي اوكي بتروحي لهم قريب ( لاحظي انك راعيتي امه )


و اذا وافق يوصلك عند اهلك اتصلي على امه جنب زوجك و اعتذري لها انك تعبانه كثير وان قريب بتفطري

عندهم بس يتحسن وضعك ( لاحظي انك بينتي غلاة ام زوجك جنب زوجك) يعني زوجتي تحبني لأنها تحب امي


و لو اسمتريتي با الطريقه الي الي انتي عليها راح تحطي حدوووووووود بينك وبين اهل زوجك وزوجك بعد

وراح تعيشي في عذاب لأن و ان كان زوجك ماراح يوقف معك ضد اهله

لازم تتعلمي كيف تجذبي الطرف الآخر في صفك من دون ماتتضرري انتي وتضرري غيرك

ياقلبي انتي ماتحتاجي لجدول تمشي حياتك عليه لأنك راح تمللي نفسك وزوجك اكثر

انتي تحتاجي الى حنكه كيف تكسبي غيرك وكيف تخلي زوجك يعشق الجلسه معك بدون ماتحسسيه

بفرض رأيك و ان لازم زوجك يلتزم با الي تقوليه


و اعذريني على االاطاله لكن حبيت افيدك


مرجانه

ربي يعينج يالغالية

انا انصحج تقعدين مع ريلج جلسة مصارحه و تقولين له كل اللي في خاطرج

و تفهميه احساسج و تفكيرج

و بيني له انه ضروري يكون لكم وقت خاااااااااااااااااااااااااااااص فيكم و في حياتكم

ربي يوفقج يالغاليه

مافي حل ياقلبي الا تحطي جدول وباقي الايام تكون لكم والله يصبرك وعلى انو زوجك ما يغلط اهله كل الرجال زي كذا اتعرفي على زملاء في الدوام اشغلي وقته علشان لا يحس بالفراغ ويصير يبغاكي تروحي عند اهله

والله هاى مشكلتك بتشبه مشكلتى بس انا على اكتر منك صعوبة

انا عايشة بشقة لوحدى بس نظام المعيشة الاكل عند اهلو ويااااااااااريت على قد امه وابوه

اخواته الاربعة الى متزوجين واولادهم الاطفال حوالى 12 طفل كلهم صغار مع اسالافى الغير متزوجين تخيلى

يعنى شقتى بس للنوم وباقى النهار فى بيت العيلة طبخ وكنس ومشاغل الله يعينى ويعينك

انا لو مكانك اعود زوجى على نظامى واخصص يوم واحد بالاسبوع على العزايم والجمعات ولازم يقتنع .

الله يهون عليكى وعليا كمان ادعيلى والله وضعى صعب جدا

حبيبتي تعالي نمشي خطوه خطوه انتي متزوجه من شهر ونص .....................مستحيل مستحيل انك تحصلين الي تبينه بهااااي الفتره الزمنيه الي اقصده مو انك تملكين زوجك او تمشيه على كيفك او.. او...

لا الي اقصده الي انتي في اهو في بعد اهو يعتقد انه انتي ماتحبين اهله ليش يعتقد هالشي لانه انتو توكم متزوجين وانتي تحسين انه اهو مومهتم فيج مع انه اهو اصلا تصرفه هااااذااا وتصرف اهله اهتماااااااااام فيك يعني جنتهم الجديده ومستانسين فيج وبولدهم وودهم تكونين معاهم وحواليهم وترى كلن يعبر بطريقته

الحل:

1-انا اقول انك تتحملين الحين وترضين ريلج وحاولي تكونين مبتسمه بوجه عقب كل زياره لاتتاففين لاتتظايقين لاتقولين صارلي وصار ودخت واووه ازعااج خلي ياخذ انطباع ان انتي مستانسه وحااابه الروحه وهاااااذا الي فعلا انا شااايفته فيج ولكن انتي متظاااايقه من طريقتهم ....

2- بعد الخطوه الاولى تقدرين انتي تحطين جدولج من غير زعلهم ولازعل ريلج لان انتي من الاول منتي متظاااايقه منهم ولكن مشااااغل الحيااااة تجبر انك تعتذرين عن تلبية طلبهم المفااجاء

وانتي اختي لاتقصرين بالسؤال عنهم والاتصال وزيارتهم وسئال زوجك عن امه وهله

وصدقيني بعد فتره بتلاقين تغير بكل الي يظاايقك مثل ماااااقالت الاخت انه احناا بشهر رمضاان وتكثر في العزاايم .


موفقه اختي الكريمه وربي يرزقك الذريه الصالحه

والله يا أختي اذا تبغيه يجلس في البيت هيء الجو له عشان ما يفكر يطلع .....لكن انك تحرمينه من اهله هذا اكبر غلط....انتي اسمعي كلامه لكن في نفس الوقت هيء اجواء حلوة بالبيت وهو بيلصق

هلا بالغالية أختي حلا هذا شيء عااااادي لانه ما راح يعرف يتعامل مع اهله او يزعلهم وانتوا لسا جداد انتي ما صار لكم كم شهر متزوجين وهاذيل اهله عشرة عمر

فالمعادلة صعبة

انا تخيلي 15 سنه زواج وهذي السنة الوحيدة اللي تفطرت مع عيالي ببيتي لوحدنا !!!! وبطلب من العيال واصرارهم سألت ولدي الكبير ها وين بتطفطرون؟ هالسنه قال انا واحد بتفطر ببيتنا ردت اخته وايدته ورد أخوه وقال نعم ببيتنا نتفطر وبالاجماع رضخ الاب غصبن عنه لعيالة وانا طلعت منها ... والا كل سنة نتفطر عند اهله وبالعكس الجمعه حلوة ... بس احيانا الواحد يحتاج خصوصية بصراحة ....
اصبري وتحملي ترى الرجل تغيره العشرة والعيال والزمن والظروف

الغالية وسالفة انه يقول انك ما تحبين اهله هذي امرها هين وسهل جدا جدا جدا
بإظهار حسن النوايا عن طريق

العيد جاي ياله يا فلان مسكينة امك بروح بشتريلها قطعة خام وعلبة عطر تستاهل ام الغالي

وهو رايح بيت اهله ... فلان سلم على الوالدة كثير السلام ....

نجحت وحدة من خواته في دراسة او شيء مناسبة زواج يالله يا فلان باخذ حق اختك ترى والله فنانه فلانه مسكينة تستاهل الله يسر عليها

بين فترة وفترة جدامه الله يفتحها على اختك فلانة ويرزقها ربي الذرية الصالحة ..

ابو زوجج يحب القهوة سوي دلة قهوة ... فلان ودها لابوك مسكين يحب القهوة

امه مريضة تعبانه ...( أو حتى وحدة من خواته مريضة) فلان مسكينة امك كسرت خاطري والله تعبانه اليوم شلها للطبيب تراها والدتك ... مسؤلة منك مالها الا الله وانت .... تباني اروح معاكم المستشفى ادخل معاها للطبيبه تراني حاضرة

اشتريتي عطر رجالي حلو حق زوجج يالله خذي واحد لأبوه وخليه وهو يعطيه اياه كأنه منه والله ليقدرها لك وما راح ينساها تعرفي ليج لانه الاب بقول الله فلان من عيالي جاب لي هذي الهدية وكل وقت والثاني ابوه يا حلاة هالعطر ولدي فلان جابه لي ... وهو طبعا :D وبيقول في نفسة الله يخلي فلانه عززتني عند اهلي وبيضت وجهي الله يبيض وجهها

واشوي شوي راح تتغير النظرة وهو راح يقول جدام اهله والله فلانه تعزكم وتحبكم شرات أهلها ما شرت شي لامها الا واشترت لج يا يمه والله مأذتني روح ودي امك جيب حق امك ....

وتكونين ضربتي عصفورين بحجر واحد كسبتي زوجج وبيصير معاد يجيب لك سالفة ما تحبين اهلي ابدا ابدا لا ولما يسمع اي حد من اهله يقول شيء عنك والله ما راح يرضى لانه شافك بعينه كيف تعزينهم ...

ترى يا الغالية التعامل فنون والحبيب علية السلام قال .... تهادوا وتحابوا وانتي الحين لازم تقنعينه انك ما في شي بقلبك عليهم وهذي الطرق والله اعلم

العتب

دانه والعقل تكانه

زيارة الاهل واجبه
بس مو لدرجه اني اترك بيتي
وواجباتي على اساس جلسات وسوالف بس
انا احب تكون لي استقلاليتي
وحريتي الشخصيه مش اني اظل طول الايام
بس جالسه معاهم !! كل شي بالمعقول


مرجانه
كلام وايد وايد حلو
وصدقيني اسويه
انا مااقطعهم ابدااااااااا
يمكن اشوفهم اكثر من اهلي بس هم مايرضون بالقليل
يعني يبوني اجلس معهم من المغرب مثلا الى اخر الليل
يعني اليوم كله يضيع وانا جالسه
ولو تعذرت بشي وبأسلوب وبمشي
قالو لي ها وين ؟ شعندك؟
واذا غبت بس يوم واحد
وين رحتي وليه ماجيتي
يعني مافي حياه خاصه فيني
اوكي بقوم بواجباتي وبزورهم
بس انا ابي يكون هالشي بدون تدخل
مو عارفه كيف اوضح لهم ان لكل شخص خصوصياته واهتماماته ومشاغله
هم بالعكس يحبوني وانا اعرفهم من فترة الخطوبه يعني عااااااارفيني وادري اني وحده منهم
بس الشي اذا زاد عن حده مو حلو ابدااااا
وهم من النوع الي جلسات حريم والرجال مايدرون عنهم وانا مابي اكون كذا


سويت ليدي
عين العقل والله وهالشي انا سويته
بس احيانا تفكير الرجال يكون صعب وبعيد عن تفكير الحرمه وايد


لوووودي
مشكورره ياقلبي
وانا للأسف مو قريبه جنب اهلي وقرايبي علشان اقدر ازورهم اي وقت واشغل نفسي
انا في منطقه تعتبر غريبه شوي لذلك
مالي الا زوجي ..


نغم الحب
الله يعينك حبيبتي
بصراحه في حريم يحبون راحتهم يعني يروحون لاهل ازواجهم بس على اساس مايطبخون ولايوسخون بيوتهم
لكن في حريم يحبون تكون لهم حياتهم الخاصه
وقليل رجال يحسون بهالشي


ROSE
مشكوره ياقلبي وكلامك فعلا صح
وان شاء الله اسوي ب الي نصحتوني فيه كلكم


روبا
ابدا حبيبتي انا مو حارمته من اهله وبالعكس
اهله داااااااااايم يشوفهم
بس هم مايشبعون من الجلسات وانا مااحب الجلسات واترك
بيتي وزوجي على جانب !! مو معقول كذا


العتب
15سنه ماجلستي مع زوجك لحالكم على سفره !! شفتوا كيف بنات هذا الي يضايقك
لان الاهل بس يتعودون على شي ويحسون المجال مفتوح
وانه عادي يستمروا على هالوضع
يعني الزوجه كيف تحس انها في بيتها وان عندها زوج تاخذ راحتها معاه !! ياقوة قلبك
وانا مابي انتظر لما يصير عندي عيال
هاذي احلى لحظات العمر
اول شهور الزواج بدون عيال المفروض الزوجه تكون قريبه من زوجها اكثر وتقضي
معاه وقت اكثر
وافكارك واااااااااايد حلوه
وانا عارفه ان اهله يعزوني بس هو يبيني امشي وراهم وغير كذا اطلع غلط
والله بحاول اسوي بالي نصحتيني فيه وربي يفتحها علي وعلى الجميع

OM SALMA
كلامك وايد عجبني ومنكم نستفيد الظاهر انك خبره
واعتقد ان كلامك هو الي حاصل فعلا
نصبر ونشوف
بس بنات لاحد يظلمكم او ياخذ شي من حقكم كل شي له
حدود بصراحه الحياه الزوجيه اسمها حياه زوجيه
مااسمعا جلسات وسوالف وحبحب وشاي وقهوه وخلاص
انتظر احد يكون بنفس حالتي ومسوي له جدول علشان اعرف كيف الحلوات
الي يحبون ازواجهم ويحبون يقضون معاهم وقت كيف يتصرفون