الفرق بين النزيف فى الحمل والاجهاض

متزوجه من 8 شهور وكان ميعاد دورتى الأخيره يوم الجمعه 21-8 وكنا ناويين نروح عمرة اخر الأسبوع فلما اتأخرت قلت احلل عشان مانحجزش العمرة ومانروحش
يوم السبت اول يوم فى رمضان حللت فى البيت طلع خطين واحد خفيف
وححلت كمان دم عشان اتأكد وطلع positive
والدكتورة قالتلى عندك الم
قلتلها ايوه عندى الم فى بطنى وضهرى من تحت
قالتلى تريحى ماتتعبيش نفسك ولو فضل الألم لأخر السبوع تعالى اديكى تثبيت
بس من يوم الأحد كنت بلاقى نقط دم خفيف ومكنش فى وجع شديد
كان وجع يحتمل يعنى
بس يوم الأربع صحيت الصبح لقيت دم كأنه دم الدورة وفضل طول اليوم
رحت للدكتورة بالليل قالتلى انا مقدرش اعملك حاجه لأنه لسه مفاتش شهر
ومش هيبان اى حاجه فى السونار
وانتى لازم تصبرى
وده لو اجهاض هيستمر الدم لحد ماينزل بمغصه جامده شويه حته دم فيها عروق
يوم الخميس الدم فضل زى الدورة بس اقل ومعتش فى اى وجع سألت الدكتورة قالتلى يمكن يكون معناه انه كل حاجه نزلت خلاص
والجمعه قل جدا كأنه اخر يوم للدورة
بس فى افرازات بس لونها احمر غامق ومافيش الم فى بطنى
بس صدرى معتش بيوجعنى زى أول الأسبوع
بس طول النهار حاسه انى عاوزه ارجع
وانا بجد محتارة وتعبانه نفسيا
وحاسه انى مش فاهمه حاجه خااااااااااااالص
لو كانت قالت انه اجهاض كنت هعيش حياتى عادى
بس حتى لو اجهاض الدم هيستمر كام يوم
ولو مش اجهاض لو عملت التحليل البول المنزلى ممكن يظهر حاجه
ارجووووووووووووووووووك يادكنور تطمنى لأن نفسيتى تعبانه جدا