برنامجي للحمل بعد إرادة الله سبحانه وتعالى

:X_hell1:
مسااء الورد على الجميع شهر مباارك وربي يجعلنا جميعا من عتقاء شهر رمضان

صباياا انا حبيت اني خبركون على البرنامج إلي اتبعتو لحتى حملت بعد إرادة الله سبحانه

وتعالى

أول شي انا متزوجه من اربع سنين و12يوم بالضبط اول سنه من زواجي كنت مشغوله

بالدراسه وما حطيت هالموضوع ببالي

بعد السنه بلش حكي الناس وانا شخصيا بديت فكر بهالامر ونفسي اني يكون عندي بيبي

وبديت مرحلة المعاناه كشفت عند دكتوره وطلع عندي ضعف مبايض وهرمون الحليب مرتفع

وتكيس وصرت اخد علاج للتكيس والهرمون وبعدين كلوميد ومنشطات وابر وابره تفجيريه

سبحاان الله استمريت عليه وكانت تكبر البويضات بس ما يصير حمل:sm229::sm229:

طولت على هالحال وتعبت وهرمون الحليب مره ينزل ومره يرتفع وكل شهر احكي هالهشر

بحمل وتشرف الدوره واحبااط ودمووع صار همي بس الحمل والتفكير ليل نهار بهالموضوع

وغير من دكتور لدكتور قول لحالي يمكن هالدكتور يكون اشطر لكن نفس الشي

وغير المنظار وصورة الرحم وغيره كنت اتحمل الوجع احكي كل شي قدام البيبي بهون:confused:

وقبل تقريبا 6 اشهر تعبت نفسيتي وقررت وقف العلاج وصلت لمرحله تعب كبيره

تورم جسمي من الابر والادويه :(

وفعلا وكلت امري لله وقلت ازا ربي كاتبلي الحمل رح احمل بدون علاج انا عملت بالاسباب

والباقي على رب العباد

اخر تحليل عملتو كان عندي هرمون الحليب مرتفع والدوره مو منتظمه بس رغم هيك ما رضيت

اتعالج عند اي دكتوور لانو ما في فايده

سبحان الله سمعت عن البردقوش وانو منيح للهرمونات وعملت عنو بحث بالنت

وقررت جربو لاني مو خسرانه شي وصرت من اليوم الخامس للدوره اشرب كاستين مره الصبح

ومره قبل لا انام واستمريت عليه شهر وبعدين عملت تحليل سبحان الله اول مره

بينزل معي الهرمون هيك صاار طبيعي ميه ميه ودورتي انتظمت لاني استمريت اكتر من شهرين

وقبل 3 اشهر تقريبا سمعت عن خلطه وكمان عملت عليها بحث وشفت انو بنات

كتير استفادو عليهاا وعلى طول جبت المكونات وبلشت اشربها

الخلطه هي :

ملعقه صغيره قرفه مطحونه

ملعقه صغيره حلبه مطحونه

ملعقه صغيره كمون مطحون

ملعقه صغيره حبة البركه مطحونه

كنت حط المكونات بكاسه تقريبا بحجم كاسة جبن كرافت وحط فوقهم مي مغليه لاخر الكاس

واحركهم واتركهم لصبح الصبح كنت لاقي المكونات بأرض الكاسه والمي من فوق

ومو كتير مي شوي اشرب المي بس صحيح طعمهم لا يطاق :down:

لكن كل شي بهون لعيون البيبي وبس اشرب المي على طول اشرب وراه كاسة عصير

من شان ضيع الطعمه :21_133: وكنت اشربها تاني يوم وتالت يوم ورابع يوم الدوره

وعلى الدوره يلي بعدهاا اجتني خفيفه لانو بدل على ضعف عندي

واستعملتها الدوره التالته واجت ما شاء الله وكلها زي القطع الله يكرمكم تنزل مني

والدوره هي ما نزلت وتأخرت وطلعت حااااااااامل:BOUNCE8:

وكمان كنت من اليوم الخامس اشرب ميرميه كاسه الصبح وكاسه المسا لحد يوم 14 من

الدوره ولا تنسو اهم شي الاستغفاار والدعااء بكل وقت والصلاه على وقتهااا اهم شي

ولا تنسو الاهم اذكار الصباح والمساء

الحمد لله عملت بالاسباب وتوكلت على ربي والله يا بنات هالشهر قررت اني شيل الموضوع

من بالي وقررنا انا وزوجي ازا ما صار حمل خلال هالاشهر رح نعمل تلقيح صناعي بشهر 12

وفعلا نسيت الحمل وحطيت ببالي انها رح تنزل وكنت منتظرتهاا

بس ارادة ربي كانت فوق كل شي واكرمني من فضلوو وتحقق حلمي وصار حقيقه:21_207:

:Zb_sor1: طولت عليكم لكن بتمنى تستفيدوو من تجربتي ونصيحه مني

حاولو ما تفكرو كتير ووكلو الامر لرب العالمين ومهما سوينا ما رح يصير شي غير لما يريد ربنا

اعملو بالاسباب واتركو الامر لله

اللهم يا أرحم الراحمين ارزق خواتي في هالتجمع بالحمل الصحيح الثابت عاجل غير اجل


مره تانيه اسفه على الاطاله

:Zd_bye_3::9_28: