كيف كانت فترة النفاس !!! ... أنا خاااايفه موت ... ممكن تفيدوني

اختي ليش شايله هم النفاس؟؟

انا بعد ولادتي المبكرة جيت شقتي على طول
لا رحت بيت امي ولا شي بس كنت اوصي حريم يسوون
لي حلبه وعصيدة

لا تشيلين هم وتفكرين
حتى الولادة سهاله من رب العالمين والله اول ما يطلع البيبي وتشوفينه تنسين كل شي وقسم
بس التعب اول الايام انج تقومين من السرير ولا غيره

بس وربي ما اكذب عليج انه النفاس كلها 40 يوم وراح تروح
ولا تسمعين شور البنات اللي يخرعون الوحده

يزاااااااااج الله خير يالغاليه ريحتيني الله يريحج

يعني مب وايد متعب الحمدلله

^_^

أنزين يا جود أنتي سويتي خياطه ولا لأ لأني بسوي خياطه على ما أعتقد أول بيبي

ما تعرفين كم أنا مآخذه هم النفاس يارب يسهل عليج الحمل والولاده ياااارب ويرزقج الذريه الصالحه آميين

سويت خياطه لأنه شقوني من تحت لأنه ما كنت عارفه كيف اولد لووول
بس الحين تعلمت كيف البوووش مال ولادة :)
واللي يقولج ربي يكرمج يوم تروحين الحمام يحرج من تحت يوم ......

انا كنت متخوفه وكنت اسوي بالعدال .. بس الحمدلله لا يألم ولاشي
بس الالم حيل حيل قليل يعني شوي ويروح بنفس الوقت
بس لا تحاتين والله انا مجربه وما اقص عليج
اللي صار لي قلت لج اياه واي سؤال انا حاضرة

والله انا ماراح اكذب عليك !
عن نفسي مت بأول عشر ايام ألم الخياطه كان فضيع لا قومه وقععده ولا مشي زي الناس :( الحمدلله عدت

لا تسمعين كلام احد نصيحة
السهالة من رب العالمين
ان صج الخياطة مؤلمة ما تقدرين اتقعدين بس ويا الكريمات كلشي يعدي صديقني

بالنسبة لي فترة الأربعين حلاتها ان عند الوالدة الله يحفظها انا ترا نفسج ما احب اثقل على احد
كل شي كنت اسويه بروحي بس وجودها يمي بدون لا تسوي شي كان راحة نفسية ان في احد وياج يسولف ويهون عليج كل ألم

الله يسهل عليش

مين قال انه النفاس صعب لا النفاس متعب من ناحية السهر لانه البيبى كل شوى يصحى بالليل وما بيهنى على النومة

على طول ارهاق ونعس وقلة نوم

بالنسبة للخياط الالم اول اسبوع وبعد هيك بيبدى يخف ما تخافى وربنا يهون عليكى

انا نفاسي كان في بيتي مارحت عند اهلي بصرااحه اول اسبوع الم الخياطه عذاب وكنت كل شووي
قايمه لبنتي اغير حفاظ او ارضع كان الوضع شووي صعب
بس شووي شووي تتعودين

انا كمان عاوزة اعرف زيك لانى اول مرة
وربى من عنده التساهيل كلها 20 يوم ان شاء الله
بس امى بتقولى انها كانت بتقوم تخدم نفسها من تالت يوم ولادة
يعنى بس يوم الولادة وتانى يوم تريح وبعد كدة تقوم تسوى كل شئ لنفسها

انا بقى عاوزة اعرف هو الدم بيفضل مستمر 40 يوم فعلا

شي اكيد ما تقدرين تجلسين وانتي مخيطينك الا بعد كم يوم
كله تنسدحين لأنه يألم اذا جلستي
بس لا تتخرعين وايد .. كلها تساهيل والله

حبيبتي كل مراة تختلف عن الثانية بقدرتها على التحمل
يعني اكو نسوان من شكة الابرة تتألم واكو ما شاء الله تتحمل الجروح والآلام
فأنتي لا تعتمدين على كلام وحده :wink:
خلي املج بالله كبير وهو الي يسهل عليج ويساعدج بفترة النفاس والتعب ..

بالنسبة الي والحمد لله بقيت بالمستشفى اسبوع بسبب حالة ابني الصحية
وبعدها طلعت لبيبتي فوراً وما رحت بيت اهلي
بالرغم انو امي موجوده وقريبه علي مسافة 10 دقايق
بس اني تشجعت من شفت اختي سوت هالشكل

وبالنسبة للخياط تره مو كل بكر يشقونها ...!!
أختي جابت بنتها البكر بدون خياط ما شاء الله تبارك الله
والألم بس اول اسبوع وهو محتمل مو كل اليوم يعورج ..

والبيبي تقدرين تعتنين بيه لوحدج بدون مساعده
اهم شي تكوني على معرفة وعلم بأمور الطفل الرضيع وتثقفين نفسج من هسه ..
اتصدكين اني حممت ابني بمساعدة زوجي وعمره كان بس 8 أيام !!!
وحلقنا شعره بعد خخخخخخ
حتى امي استغربت شجاعتي وبنفس الوقت خافت على البيبي لا يزلق مني :tongue:
بس الحمد لله قدرت أمشي أموري بنفسي ..


نيفووو
الدم ما يستمر 40 يوم ...!!!
اني اسبوعين ظبط وطهرت تماماً :)
الدكتورة نصحتني بعد الولادة كل ما اروح للحمام ( الله يعزكم )
اعصر الرحم وأنظفه من الدم وفعلاً حسيت الطريقة ساعدتني ونظفت من وقت ..

احلى عراق كيف تعصرين الرحم؟
انا اول مرة اسمع
انا تميت 40 يوم بعدين طهرت

حبيبتي ...

لا تصدقين اي وحده تهون او تهول

يختلف الامر من وحده لوحده ... انا ام اثنين والثالث في بطني

والنفاس مب سهل ولا انه صعب لدرجه انج تحافين موت ع قولتج

الصعوبات اللي ممكن تواجهينها هي الم الخياطه .. لو كنتي من النوع اللي بيخيطونها ..
الصراحة الم فظيع ... واتحدى وحده تقول ما يعور تخيلي جرح عميق مخيط من الداخل والخارج على اي عطسه او كحة او ظحكة ..تحسين الجرح يتحرك ويعور

وممكن انج تعانين من الم فالصدر ... من احتقان الحليب ...وايد اعرفهم عانوا من هالشيء
وصادتهم سخونه رضعي اول باول لما تحسين صدرج امتلا او استخدمي الشفاطه ولو اني ما انصحج فيها لانها تنشف

اثناء الرضاعه يصيد الوحده الم فالبطن بسبب رجوع الرحم الى مكانه

غير الم الظهر والاضلاع لانهم كانوا في غير وظعهم بسبب انتفاخ البطن اثناء الحمل

وكثير حريم في النفاس يعانون من الامساك ... ويسبب الم كريه اثناء التبرز بسبب الخياطه غير ان الامساك يسبب تطبل ومغص

انا مابي اخوفج او افول عليج لا والله

الله يهون عليج حبيبتي .... وانا في كل نفاس كنت اقول مابحمل خلاص اخر مرة واكاني عندي اثنين والثالث في بطني

الله يهون علينا يارب ويخفف عنج

واللي قلته فوق مب شرط يصيدج كلهم يعضهم ...

بس ترى فتره وتعدي يعني مب اربعين يوم اقل الا وانتي بديتي تحسين نفسج صحصحتي

وماعليج من سالفه لا تشربين ماي ترى يضر ...

الماي مفيد للي فالاربعين ... بس ما يكون بارد وايد ... واكلي الاكل المفيد عشان البيبي يستفيد ...

ابتعدي عن البهارات والغازيات لانه ينتقل للبيبي فالحليب فتلاقينه يعاني من مغص عقب

ياحياتي ياهنوده الله يسهل علينا لاتخافي الله مع الكل وماينسى احد والحمد لله البنات طمنوكي وبصراحه انا كنت خايفه من الخياط بس الله يستر حتعدي زي ماعدت على غييييرنا وبعدها بننسى وبنقووول نبغى الثاني هههه الله يعييينا

јǿđ;10185999:
احلى عراق كيف تعصرين الرحم؟
انا اول مرة اسمع
انا تميت 40 يوم بعدين طهرت

اتضغطين على منطقة الرحم بإيديج
كأنج تمرغين بالرحم وراح تلاحظين البلاوي الي تنزل منج :D
الغاية هي انج تساعدين الرحم يقذف الدم للخارج
احسن ما ينزل ببطئ وتتأخرين بفترة النفاس :)
طبعا الطريقة للولادة الطبيعية ما تنفع للقيصرية ابد ...

الله يسهل علينا جميعا ونولد بسهالة ..

حبيبتي
كل شي تساهيل من رب العالمين .. بس النفاس في بيت الوالده احسن عشان ماراح يكون عندج وقت للطبخ
ولازم بالنفاس تتغذين زين..
وراح تكونين تعبانة من ناحية توك والده والخياطة ومن ناحية ثانية البيبي نومه خفيف وكل شوي يصحيك
يعني ع الاقل اقعدي 20 يوم عند الوالده لين ظهرك يقوى..

هنودة اني بكرية ماعندي تجارب

وبالغربة وماعندي اجد بس اني وزوجي

والحمد لله مرتاحة

يعني فيني شوية خوف من الخياط والمها

بس واثقة اقدر اعتمد على روحي وبوجود زوجي طبعا ومساعدته

الله يعيننا ويسهل علينا يااارب

//



والله الصراحة و بكل واقعيه ,, عذاااااااااااااااااب :(

انا تميت لي اسبوعين او ثلاثة يالله خف الالم مال الخياطه شوي .،

و اهتمي بأكل الاشياء اللي تمشي البطن مثل الطماط و الخضرة ، لأن اذا مسك بطنج بتموتيييين

بتحسين ان تحتج مشقوووووق :ss: و يظل يعورج نص اليوووم يالله يخف



//

الصراحه حبيبتي
كل بنت والي تقدر عليه

يعني انا شخصيا أتكلم عن عمري

ماكنت أحب امي اتفارقني ولا دقيقه لان جاتني حالة أكتئاب النفاس بسم الله عليج منها
وغير كذا قيصريه ماقدر احط الولد بحظني ولا شي

مادري حبيبتي انا بالنسبه لي اشوف تجلسين عند أمج لوو 20 يوم


والله يهون عليج ويسهل دربج حبيبتي

الله يسااعدج أختي و يهووون هليج و اتقوومين انتي و البيبي بالسلااامة

و البناات ماا قصرواا