يابنات خطبوني ولا اعرررف اتصرف .. ساعدوني

M

Miss.Simple

عروس جديدة

28-08-2009 | 12:28 PM

السلام عليكم ورحمة الله وبركاته

انا موظفة من سنه تقريبا .. والحمد الله مرتاحة في وظيفتي والموظفين كلهم محترمين كلهم يعملوني بالمثل ولا حسيت حد منهم يهتم فيني اكثر ولا شي ... كلنا اخوان ونحترم بعض..

بيئة الداوم عندنا مختلطة وكل الجنسيات فيها مواطنين ووفداين .... المهم قبل رمضان جا عندي موظف اللي يشوفه بيفكرة خليجي لانه كلامة وطريقه لبسه خليجي 100% لكنه جنسيته مصري .. قالي ابيج ف موضوع ... قتله اتفضل قال لا موضوع بيني وبينج :eek:رديت عليه وقتله يافلان مابينا مواضيع خاصة اذا في شي ف خاطرك خبرني اياه ع اخر الدوام لان الزحمة تكون خفت قالي خلاص تمام بيج المكتب ع اخر الداوم ... نسيت السالفة الين ماوصل اخر الداوم وشفته عندي ف المكتب وتذكرت قتله هيه صح شو هو موضوعك الخاص؟؟ قال انا اب اتقدملج .. انا تنحت قلت شو يعني <<< اونها ماتعرف شو يعني
قالي ابا اطلب ايدج من ابوج ... انا قلت بس ........ قال بس شو؟؟؟؟؟ قتله اسمحلي بس هالسوالف انا مااتكلم فيها ف الداوم لو تبا تعال عندنا البيت قالي هذا اللي بسويه اصلا بس قوليلي وين بيتكم او عطيني رقم الوالد ع الاقل ... قتله يصير خير بس رمضان ع الابواب والناس تنشغل هالشهر وعندها ضغوطات اجلها لين بعد العيد ... قال مايصير الا اللي ف خاطرج

يابنات والله هالانسان محترم ومؤدب وياني بالطريقة الصح وعمري ماحسيت انه بيفاتحني بهالموضوع لانه عمري ماتم ينظرلي بنظرات اعجاب او شي ... انا قتله خلي الموضوع لبعد العيد عسب يكون عندي مهله افكر فيها ... ومثل ماقال الرسول " لافرق بين عربي او اعجمي الا بالتقوى" انا مابعارض لان جنسيته غير عن جنسيتي لكن انا ماعرف شو بيكون رده فعل اهلي انا هالانسان ماضرني ولااريد اجرحه .. ولااعرف كيف افاتح اهلي انا مرتاحه ف دوامي حتى هالايام بعد مافتحلي الموضوع ماشفته ابداااا لين مايصير اجتماع او شي ماييني ويقولي شو صار فكرتي او خبرتي هلج لا ابددد ... محتارة ودوم ادعي ربي اذا كان لي نصيب مع هالانسان سهل امورنا

رايكم يهمني يابنات لو كنتوا مكاني كيف بتتصرفون ؟؟؟

R

ROSE3ROOS

مشرفة سابقة

28-08-2009 | 12:45 PM

حبيبتي مثل ما قلتيها لافرق بين عربي ولا اعجمي الى بتقوى وانتي لاتسوين شي لاتمدحين ولاتذمين خلي يتقدم واخوانك والوالد اهم الي عندهم الرد والجواب لان اهم الي بيدورون ويبحثون ورااه ان كان مناسب او لا
واذا في نصيب ماراح يوقفه اي شي لان كل شي باذن الله تعالى

وربي يكتب الك الي فيه الخير يارب

ومبارك عليك الشهر

i

ihaveadream

عروس مشاركة

28-08-2009 | 01:12 PM

هييه انا اقول اتوكلي على الله وخلييه ايي عند اهلج ويشوفونه وانا اعرف مواطناات واايد اتزوجومن غير جنسيتهم وعايشين ف استقرار وسعادة والله رزقهم ذرية ولله الحمد

واقول بعد استغلي هالشهر تفكرين وتدعين ربج الكريم انه يسر لج اللي فيه الخير

وكل عام وانتي بخير

m

men_gady

عروس مبدعة

28-08-2009 | 01:25 PM

استخيري ربج وخليه يتقدم رسمي وربي يكتب اللي فيه الخير ان شاء الله

موفقه

ن

نور النجوم 888

عروس مبدعة

28-08-2009 | 01:59 PM

اختي استخيري ..
و خليه يتقدم ..

بس خبري بيتكم قبل ليجي بانه مو مواطن ..
عشان مايصير اي احراج و يكون عندهم خلفيه عدله بالموضوع ..

و الله يكتب لج اللي فيه الخير ..

u

umjana79

عروس ركن قضايا و حلول

28-08-2009 | 03:34 PM

عزيزتي ...

اشكرك احترامك لعائلتك ونفسك واسمك ومحافظتك على تعاليم دينك .. وسمعتك ..

ثانياً

اختي كل الي قلتيه صح .. بس انا بقولج شغله .. بما ان الموضوع .. دخل في طول تفكيرك .. حاولي تشوفين بنات تزوجو من ناس غير مواطنين .. وخصوصا اختي بدوله الامارات .. اول شي هالشخص مقيم .. لو فرضنا يا سمح الله اختي صاده شي بالديره .... اقولج ترى على طول يترحل حتى لو انتي كفلتيه..

ثالثا اولادج.. ما بتعاملون على اساس انتي امهم يالمواطنه . لا بعاملونهم على انهم وافدين.. ومب من اهل الديره حتى لو كانو مولودين فيها..

رابعاً اختي جس النبض.. وقعدي مع امج .. واخواتج واهلج قولي لهم .. سمعتي وحده تتكلم عن بنت .. تقدم لها واحد مثلا وافد .. .. واخلاق ومادري ايش .. بس ..اهلها مارضو مع ان ريال زين ..وما ينعاب .. ..وشوفي رده فعلهم .ز

خامسا..الغاليه .. اجيبها لج من الاخر ..انتي اكثر وحده تعرفين اهلج اختي .. يعني شوفي عايلتج .. هل من النوع الي تواخذون من بعضكم بعض ولا عادي تاخذون من برع ..
واحساسي يقولي ان اهلج ما بيرضون... انتي بالنسبه لج عادي.. لكن .. اهلج لهم منظور ثاني وهي الاسباب الي ذكرتها مسبقا .. ويمكن يزيدون عليها..

والقرار في يد اهلج قبل لا يكون بيدج.. عزيزتي

تحياتي

ام جنى

[

مشرفة سابقة

28-08-2009 | 04:53 PM

أم جنى كفت ووفت

i

israe

عروس ماسية

28-08-2009 | 05:06 PM

اختي استخيري ..
و خليه يتقدم ..

بس خبري بيتكم قبل ليجي بانه مو مواطن ..
عشان مايصير اي احراج و يكون عندهم خلفيه عدله بالموضوع ..

و الله يكتب لج اللي فيه الخير ..

أ

أم سلمى2007

مشرفة سابقة

28-08-2009 | 11:11 PM

بصراحة ماشاء الله أم جنى جمعت لك كل الجوانب اللى ممكن تفكرى فيها وتسألى عنها وربنا يكتب لك الخير إن شاء الله

&

✿.زهور الريف✿.

عروس ذهبية

28-08-2009 | 11:39 PM

اولا ذكرتيني بدوامي ^^

الي تعيشي انا اعيشه بعده نفس شي الحمد الله

انا موظفة من سنه تقريبا (بس انا من 4 شهور ).. والحمد الله مرتاحة في وظيفتي والموظفين كلهم محترمين كلهم يعملوني بالمثل ولا حسيت حد منهم يهتم فيني اكثر ولا شي ... كلنا اخوان ونحترم بعض..

بيئة الداوم عندنا مختلطة وكل الجنسيات فيها مواطنين ووفداين

الحين بموضوع

اختي

صحيح لا فرق بين عربي والاعجمي الا بالتقوى

بس اختي هل تعتقدين بيرضون اهلج ؟؟؟انتي من بيئة امارات وهو مصري؟؟

لو ابوج بيرضى واج صدقيني اعموومج واخواالج بيرفضون

تعرفين ليه سبب

اختي فكري زيييييين موضوع مو سهل ع اخر

فكري شو راح يصير بعد زواج وغيره

اشوف موضوعج في صعوبه وانتي تدرين شو اقصد

كافي احترامه وادبه ويااج في دوام وخبري انج تعتبري زي اخوووج

بس زوج ما اعتقد .موضوع مو سهل انتي عااااارفه ليه لان في قواانين وانتي ادرى

الله يكتب لج كل خير

و

وجوه الخير

عروس مبدعة

28-08-2009 | 11:44 PM

غاليتي ابيج انصحج نصيحة من اخت الى اختها فكري في كلام ام جنى وايد وايد وايد فكري فيه عدل ترى هاي مستقبل صح زمليج انسان محترم وغيره بس بعد فكري للمستقبل بالنسبة الى اهلج جسي نبضهم انا لو مكانج اقول الى امي اذا مستحية من ابوي اقولها الموضوع كامل ومثل ماصار واطلب منها انها تشاور ابوي وترد عليي عشان اعرف اشلون ادر على صاحب الطلب غاليتي كلمة اخير بقولها لج تخيل لو الوضع بالعكس ماعليه الام اجنبية ومع ذلك صعوبات وغيره الرغم من ان الطلفل يكون اماراتي غاليتي فكري في كلام ام جنى حطي هالسؤال في بالج وهاي اهم سؤال هل راح اتحمل كل هالعواقب ؟؟ هل لو طفلي سألني سؤال فيه كلمة ليش هل راح اقدر اجاوبه؟؟

ن

نور سوريا

عروس مبدعة

29-08-2009 | 01:03 AM

اول شي لازم تخبري امك او حدا من اخواتك وتشوفي شو ردة فعل اهلك بالموضوع

وخليه يجي وتعرفيه عليه انتي واهلك عن قرب

وصلي استخاره اهم شي وربي يسرلك إلي فيه الخير

ا

العتب

مشرفة سابقة

30-08-2009 | 11:24 AM

Noor1979;10184134:
عزيزتي ...

اشكرك احترامك لعائلتك ونفسك واسمك ومحافظتك على تعاليم دينك .. وسمعتك ..

ثانياً

اختي كل الي قلتيه صح .. بس انا بقولج شغله .. بما ان الموضوع .. دخل في طول تفكيرك .. حاولي تشوفين بنات تزوجو من ناس غير مواطنين .. وخصوصا اختي بدوله الامارات .. اول شي هالشخص مقيم .. لو فرضنا يا سمح الله اختي صاده شي بالديره .... اقولج ترى على طول يترحل حتى لو انتي كفلتيه..

ثالثا اولادج.. ما بتعاملون على اساس انتي امهم يالمواطنه . لا بعاملونهم على انهم وافدين.. ومب من اهل الديره حتى لو كانو مولودين فيها..

رابعاً اختي جس النبض.. وقعدي مع امج .. واخواتج واهلج قولي لهم .. سمعتي وحده تتكلم عن بنت .. تقدم لها واحد مثلا وافد .. .. واخلاق ومادري ايش .. بس ..اهلها مارضو مع ان ريال زين ..وما ينعاب .. ..وشوفي رده فعلهم .ز

خامسا..الغاليه .. اجيبها لج من الاخر ..انتي اكثر وحده تعرفين اهلج اختي .. يعني شوفي عايلتج .. هل من النوع الي تواخذون من بعضكم بعض ولا عادي تاخذون من برع ..
واحساسي يقولي ان اهلج ما بيرضون... انتي بالنسبه لج عادي.. لكن .. اهلج لهم منظور ثاني وهي الاسباب الي ذكرتها مسبقا .. ويمكن يزيدون عليها..

والقرار في يد اهلج قبل لا يكون بيدج.. عزيزتي

تحياتي

ام جنى

كلام ذهب ... الغالية هي مب مشكلة الاهل يوافقون او لا المشكلة اكبر يا الغالية مشكلة قوانين وراح يتبهذلون عيالج وايد من ناحية المعاملة وبكره لو صار بينكم شيء لا سمح الله لا تعدينهم عيالج لان جنسيتهم راح تكون غير وراح يكونون خارج الدولة بتبعية ابوهم ...

الغالية الثوب حلاته رقعته منه وفيه ... وايد اعرفهم تزوجوا من جنسيات اخرى اللي توفق واللي تبهذل وذاق المر ... نحن ما نقول ان في شيء او نتحامل على جنسية معينة لا لا لا والله العظيم بس صعب التفكير ولو لحظة انج تتخلين عن عيالج ... إذا صار ما صار على الاقل إذا مواطن ترومين تاخذين عيالج ... بس إذا هم جنسيتهم مختلفة راح تطالب فيهم بلادهم برغبة الاب طبعاً ومالج حق فيهم الحق لبلادهم فيهم مب لج انتي اللي جبتيهم وربيتيهم وكبرتيهم .......
بس بعد استخيري الله يمكن الخير فيه الله العالم بالغيب

بس الغالية فكري عدل عدل قبل ما تتخذين هذي الخطوة لان في أخوات بيردون عليج يمكن يشجعونج بس انا اعذرهم لانهم مب عارفين نحن كيف عايشين ... الغالية نحن أهل البلاد ومثل ما يقولون أهل مكة أدرى بشعابه وبقوانينها ....

الله يرزقج الجنة ويسر امورج

العتب

E

Em Dima

عروس مشرقة

30-08-2009 | 11:50 AM

انا برأي ما في مشكلة انا زوجي غير جنسيتي بعدين من شان قصة الولاد اذا كان الرجل بخاف الله ما بينخاف منو لانو مش رح يعذبك في حال صار طلاق لا قدر الله و ع كل حال ستخيري الله....
والله يخترلك الخير.....

*

*دانه الشوق*

عروس ماسية

30-08-2009 | 12:35 PM

Noor1979;10184134:
عزيزتي ...

اشكرك احترامك لعائلتك ونفسك واسمك ومحافظتك على تعاليم دينك .. وسمعتك ..

ثانياً

اختي كل الي قلتيه صح .. بس انا بقولج شغله .. بما ان الموضوع .. دخل في طول تفكيرك .. حاولي تشوفين بنات تزوجو من ناس غير مواطنين .. وخصوصا اختي بدوله الامارات .. اول شي هالشخص مقيم .. لو فرضنا يا سمح الله اختي صاده شي بالديره .... اقولج ترى على طول يترحل حتى لو انتي كفلتيه..

ثالثا اولادج.. ما بتعاملون على اساس انتي امهم يالمواطنه . لا بعاملونهم على انهم وافدين.. ومب من اهل الديره حتى لو كانو مولودين فيها..

رابعاً اختي جس النبض.. وقعدي مع امج .. واخواتج واهلج قولي لهم .. سمعتي وحده تتكلم عن بنت .. تقدم لها واحد مثلا وافد .. .. واخلاق ومادري ايش .. بس ..اهلها مارضو مع ان ريال زين ..وما ينعاب .. ..وشوفي رده فعلهم .ز

خامسا..الغاليه .. اجيبها لج من الاخر ..انتي اكثر وحده تعرفين اهلج اختي .. يعني شوفي عايلتج .. هل من النوع الي تواخذون من بعضكم بعض ولا عادي تاخذون من برع ..
واحساسي يقولي ان اهلج ما بيرضون... انتي بالنسبه لج عادي.. لكن .. اهلج لهم منظور ثاني وهي الاسباب الي ذكرتها مسبقا .. ويمكن يزيدون عليها..

والقرار في يد اهلج قبل لا يكون بيدج.. عزيزتي

تحياتي

ام جنى

(y)(y)(y)

h

hibi

عروس مبدعة

30-08-2009 | 12:59 PM

استخيري بالله
والي بغا الله مرحبا بيه
موفقة

أ

أحاسيس الورد

عروس مشرقة

30-08-2009 | 03:36 PM

العتب;10194088:
كلام ذهب ... الغالية هي مب مشكلة الاهل يوافقون او لا المشكلة اكبر يا الغالية مشكلة قوانين وراح يتبهذلون عيالج وايد من ناحية المعاملة وبكره لو صار بينكم شيء لا سمح الله لا تعدينهم عيالج لان جنسيتهم راح تكون غير وراح يكونون خارج الدولة بتبعية ابوهم ...

الغالية الثوب حلاته رقعته منه وفيه ... وايد اعرفهم تزوجوا من جنسيات اخرى اللي توفق واللي تبهذل وذاق المر ... نحن ما نقول ان في شيء او نتحامل على جنسية معينة لا لا لا والله العظيم بس صعب التفكير ولو لحظة انج تتخلين عن عيالج ... إذا صار ما صار على الاقل إذا مواطن ترومين تاخذين عيالج ... بس إذا هم جنسيتهم مختلفة راح تطالب فيهم بلادهم برغبة الاب طبعاً ومالج حق فيهم الحق لبلادهم فيهم مب لج انتي اللي جبتيهم وربيتيهم وكبرتيهم .......
بس بعد استخيري الله يمكن الخير فيه الله العالم بالغيب

بس الغالية فكري عدل عدل قبل ما تتخذين هذي الخطوة لان في أخوات بيردون عليج يمكن يشجعونج بس انا اعذرهم لانهم مب عارفين نحن كيف عايشين ... الغالية نحن أهل البلاد ومثل ما يقولون أهل مكة أدرى بشعابه وبقوانينها ....

الله يرزقج الجنة ويسر امورج

العتب

انه مع كلام الأخت العتب بصراحه كلام منطقي وااايد(y)

الله يوفقج حبيبتي و يسهل لج امورج

h

hana_misr

عروس جديدة

30-08-2009 | 04:34 PM

أستخيري ربنا قبل أي حد
لأنه الله وحده بس يعلم الخير فين

رأيي أن الأضمن أن كل واحد يتجوز من نفس بلده
أفضل من نواحي كتير
وحتى كمان لو من نفس المحافظة أو الولاية يكون أحسن أكتر

حاجة كمان
لما بيكون في فصل بين البيت و العمل يكون أفضل
و بيكونوا الأتنيين مستريحين أكتر
لأنه لو ماتمش الموضوع لأي سبب
البنت مش هتكون مستريحة في مكان العمل زي الأول , حتى لو كان عدم الأستمرار تم بالتراضي بينهم هما الأتنيين و بشكل ودي , و فضل بينهم الاحترام والتقدير , بس هي مش هتفضل قدام زملائها بنفس الراحة اللي كانت عليها في الأول , وحتى لو تم الزواج و كانوا سعداء , من الأفضل أن الحياة الزوجية تكون مفصولة و بعيدة عن مكان العمل

كلامي مش تعميم طبعا
في ناس أتجوزوا من جنسيات مختلفة أو من العمل بتاعهم
و عايشين سعداء جدا ومبسوطين
زي ما قالت beautyrose
لكن أنا بأقولك رأيي كما لو كنتي أختي و أتقدملها واحد من غير جنسيتها أو معاها في العمل و بتسأليني أحساسي

لكن أولا ً و أخيرا الخير علمه عند الله وحده
أستخيري و ربنا يكتب لك اللي فيه الخير إن شاء الله

b

baby smiile

عروس ماسية

31-08-2009 | 05:15 PM

خليه يتقدم والا فيه الخير الله بسويه...

أ

أميرة في قلب حبيبي

مشرفة سابقة

03-09-2009 | 01:17 AM

الله يوفقك