مرحبااا عرايس
عندي سؤال للي حاطين التقويم واخلعو اربع اسنان قبل التقويم ..
اناا الحين صار لي حاطه التقويم من 5 اشهر وخالعه اربع اسنان بس الين الحين حاسه ان مكان الاسنان اللي انخلو مفتوح يعني الاسنان ما انرصو ولا اتسكرت الفتحات وخاااااااايفه اتم اسناني جيه .. ما ادري انتو بعد كم شهر اتسكرت الفتحات عندكم ..
..
حبيت اعرف بعد كم شهر تتسكر فتحات الاسنان .. والله احس عمري بتعقد .. اول اسناني اوكي بس قلت بعدلهم اكثر ,, وابتلشت ..
هلا الغاليه
أنا كنت حاطه تقويم من 5 سنين تقريبا ... وأنا بس شليت سن واحد ...
وتقريبا اسبوع أو عشر أيام واتسكرت الفتحه ...
أعتقد مب زين يتم مكان السن مفتوح ....
لازم تسيرين عند الدكتور وتقوليله لان خمس شهور وايد ...
والله يعافيج ان شاء الله ...
°
°•♥ Teacher ♥•°
عروس رائعة
30-08-2009 | 07:04 AM
أختي هالشي طبيعي .. أي تقويم مثالي ويجيب نتيجة كاملة وابتسامة مثالية يتطلب بالعادة خلع 4 اسنان وبعد سنة بتلاحظين مكان الاسنان يبتدي يقل ... حرام عليك 5 شهور شوي !
حتى لو تقولين اسنانك اول زينة وبس بتعدليهم لازم هالشي يصير .. لا تحاتين ولا تتعقدين اسم الله عليك :) انتظري كم شهر وشوفي كيف تبدا تقل الفراغات
عزيزتي الفترة هذي بسيطة مقارنة باربع اسنان مخلوعة
انا خلعت بس واحد وقعدت 3شهور لما تسكرت الفتحة وصار شكله تمام مع اللي حوله
فمابالك باربع اكيد بتاخذ وقت
شوفي هالرابط راح تلاقين فيه اجابة لكل استفساراتك حتى اللي مو ببالك هالحين:)
تجمع لبنات التقويم (اللي حاطين تقوووووويم اسنان)
لاحرمك الاجر
عادي حبوبة,,,
انا خلعت 4 من 6 سنوات تقريبا وياخذ فترة,,,
تدرين ان كل اسنانك يتحركون بفترة التقويم بس شوي شوي لين يكون عندك ابتسامة حلوة
وانتي كل شهر لازم تروحين للطبيب صح؟
اسأليه المرة الجاية اذا كان طبيعي علشان تتطمنين
الغالية لا تحاتين ترى من شخص للشخص يختلف في ناس عشان تصكر الفتحان ما يمر شهرين او ثلاث الا وتصكرت وفي ناس من شهر لان عندهم مثلا ليونه في اللثه وفي ناس لا ... الا تستعجلين والله بيكتب لج الخيرة
العتب
°•♥ Teacher ♥•°;10193419:
أختي هالشي طبيعي .. أي تقويم مثالي ويجيب نتيجة كاملة وابتسامة مثالية يتطلب بالعادة خلع 4 اسنان وبعد سنة بتلاحظين مكان الاسنان يبتدي يقل ... حرام عليك 5 شهور شوي !
حتى لو تقولين اسنانك اول زينة وبس بتعدليهم لازم هالشي يصير .. لا تحاتين ولا تتعقدين اسم الله عليك :) انتظري كم شهر وشوفي كيف تبدا تقل الفراغات
وربي ان كلامج ريح قلبي ,, اهنيج ع هذا الاسلوب ..
ربي يوفقج دنيا واخره
العائدات;10193930:
عزيزتي الفترة هذي بسيطة مقارنة باربع اسنان مخلوعة
انا خلعت بس واحد وقعدت 3شهور لما تسكرت الفتحة وصار شكله تمام مع اللي حوله
فمابالك باربع اكيد بتاخذ وقت
شوفي هالرابط راح تلاقين فيه اجابة لكل استفساراتك حتى اللي مو ببالك هالحين:)
تجمع لبنات التقويم (اللي حاطين تقوووووويم اسنان)
لاحرمك الاجر
تسليمن الغاليه ماقصرتي .. ان شاء الله بجوف الموضوع بس عشان اطمن اكثر .. صج مرات اشك في الدكتور انه مب زين مع انه وايد ناس يتعالجون عنده . مشكوره ربي يوفقج دنيا واخره
..لمعة عين..;10202273:
عادي حبوبة,,,
انا خلعت 4 من 6 سنوات تقريبا وياخذ فترة,,,
تدرين ان كل اسنانك يتحركون بفترة التقويم بس شوي شوي لين يكون عندك ابتسامة حلوة
وانتي كل شهر لازم تروحين للطبيب صح؟
اسأليه المرة الجاية اذا كان طبيعي علشان تتطمنين
انا كل شهر اروح ..
واخر مره سالته كم محتاجه الين ما اخلص قال لي سنه مب اكثر والين الحين ما اجوف الفتحات تسكرن ..
موعدي بعد يومين وبروح وبسأله مره ثانيه
تسلمين العتب ..
والله انكم طمنتو قلبي شوي ..