أهلا بالعرايس الحلوين
عاملين ايه في رمضان ؟؟
ان شاء الله بخير يارب
عملت لكم أكلتين خفاف ولذاذ <<< وجهة نظر شخصية هههههه :tongue:
أولا :: الاسكالوب ..
المقادير :::
شرائح لحم ( بفتيك أو ستيك ) ايا كان الاسم اللي بتقولوه عليها هي واحد
حبة بصل كبيرة
2 حبة طماطم
3 بيضات
بقسماط
م ص زيت زيتون
م ك خل
ملح وفلفل وكمون وبابريكا او شطة زي ماتحبي
2 م ك صويا صوص
[BLINK]
ملحوظة
[/BLINK]:: ( المقادير دي لنصف كيلو لحم )
الطريقة :::
ندق شرائح اللحم عشان نخلي سمكها رقيق
بنحط الشريحة في كيس وندقها بالدقاق بتاع اللحوم
لحد مانخلص الكمية كلها ::
نضع في الكبة .. ( البصلة والطماطم والصويا صوص والخل والملح والتوابل ) ونفرمهم كويس
ونضع في الخلطة اللحم ونتركها في الثلاجة وطبعا الافضل تكون من قبلها بيوم
تاني يوم نستخدمها .. نصفيها كويس من التتبيلة ونعصرها عشان ننزل كل المية اللي فيها
ونضرب البيض في طبق مع قليل من الملح والفلفل ونضع زيت الزيتون لانه هو اللي هيخلي البقسماط يعمل طبقة متماسكة على اللحم
ونحط فيه اللحم ونتركه من 10 دقائق لربع ساعة ..
وبعدين نغمسه في البقسماط ونضغطه كويس جدا من الناحيتين لحد مانخلص الكمية..
وندخلها الثلاجة نصف ساعة عشان تتماسك قبل التحمير وماينزلش في الزيت ..
طبعا الكمية دي كانت كثير علينا واحنا اثنين بسسسس :o فخليت منها شوية بعد تمام تجهيزها ولفيتها في كيس بعد مافردته زي الصورة ..
بحيث الكيس يفصل بين الشرائح ومش يلمسوا بعض ...
ولفيتهم على بعض ...
وبعدين لفيه في الفويل وحطيته في الفريزر لحد مااستخدمه تاني ..
انت ممكن تعملي كده بحيث تخلي عندك كمية تستخدميها وقت ماتحبي بدل ماتتعبي كل مرة وبتكون جاهزة ع التحمير على طول ..
وبعدين طلعتها من الثلاجة وحمرتها في زيت غزير وحار وده شكل الطبق النهائي ... مع سلطة الطحينة والبطاطس المحمرة ..
وكده خلص الاسكالوب ..
دقايق وارجع لكم بالجلاش ..
استنوني .. ماتروحوش بعيد ..
وخدو دول تصبيرة ههه :wink:
