أبي شوركم .. ابي اهدي صديقتي المربي ساعة ماركة شنو رايكم ؟ عادي ولا Over ؟؟

مجنونه نت;10171964:

السلام عليكم ورحمه الله وبركاته

بنات انا جيت هذا المنتدي العزيز لاني ابي اشاوركم واخذ رايكم .. وانا من متابعات هذا المنتدي ولكن هذا اول موضوع اطرحه .. وانا صراحه وايد محتاره وايد

صديقتي توها متزوجه من فترة واللحين حامل في الثامن ... وقريب بتربي ان شاء الله وانا بصراحه ما ابي اجيب لها اي شي عادي ابي اجيب لها شي مميز ... وافكر اشتري لها ساعة من مجوهرات الماجد ( اكيد بنات الدوحه يعرفونه ) واغلفها بتغليفها واحط العلبه في نص باقه ورد مع شوكليت من la vandom اللي بشارع سلوي

بنات ابي رايكم بصراحه انا وايد محتاره وخاطري اهديها هذي الساعة لانها تحبها وخاطرها فيها
الساعة بحوالي 10 الف فيها الماس وحلوه وايد

عادي اهديها هذي الهدية ولا ما يناسب اهديها ساعة وهي مربيه .. اقصد مش مناسبه او Over !!؟؟

ما ادري وابي رايكم ... بليز بنات

امممم
انا من رايي اذا المبلغ متوفر عندج يعني تقدرين تدفعين هالمبلغ بدون ماتقصرين على نفسج اشتري الساعة اما اذا مب قادرة تشترين اخذي حق البيبي اغراااض بألف ريال مع باقة ورد وبس

أذا صديقتج كانت تقدرج قدريها بنفس مستوى تقديرها لج ..عن تجربه كلامي وأشوف 10000 واايد .. شوفي ملابس للبيبي من بربريز أو من ديور بتغليفة المحل ..

اختي غلاة الصديقة مو بغلاة الهدية
اذا فعلا تحبينها وتقدرينها وتبين تفرحينها
هي الحين بالثامن صح
يعني محتاجة منج كل الدعم
ومثل ما قالوا البنات
اي تقدير لطفلها القادم بيكون تقدير لها
فما انها بتكون تعبت فيه وايد اكيد اي شي علشانه بيكون فرحها الاكبر
هو بيكون الشي الجديد في حياتها اللي بتصب عليه اهتمامها كله اكثر من الساعة اللي ممكن تكون عاجبتها وبتركنها في الدرج علشان تلتفت للبيبي اللي بيكون بين ايدينها وبيشغل كل اهتمامها
فممكن بنفس المبلغ تشترين هدية كبيرة للبيبي مثلا سرير او طاولة تبديل او ذهب اذا كانت بنت
صديقتج اذا شافت هالاشياء على بيبيها ما راح تنساج ابد بتكونين حاضرة جدامها بهالهدية

واسفة طولت عليج
تحياتي..

عجبني رد محتاره وش اسميه
ما شاء الله نعم الراي ...

الله يسهل على صديقتج وتقوم بالسلامة ..

محتارة ش أسميه;10173599:
اختي غلاة الصديقة مو بغلاة الهدية
اذا فعلا تحبينها وتقدرينها وتبين تفرحينها
هي الحين بالثامن صح
يعني محتاجة منج كل الدعم
ومثل ما قالوا البنات
اي تقدير لطفلها القادم بيكون تقدير لها
فما انها بتكون تعبت فيه وايد اكيد اي شي علشانه بيكون فرحها الاكبر
هو بيكون الشي الجديد في حياتها اللي بتصب عليه اهتمامها كله اكثر من الساعة اللي ممكن تكون عاجبتها وبتركنها في الدرج علشان تلتفت للبيبي اللي بيكون بين ايدينها وبيشغل كل اهتمامها
فممكن بنفس المبلغ تشترين هدية كبيرة للبيبي مثلا سرير او طاولة تبديل او ذهب اذا كانت بنت
صديقتج اذا شافت هالاشياء على بيبيها ما راح تنساج ابد بتكونين حاضرة جدامها بهالهدية

واسفة طولت عليج
تحياتي..

(y)(y)
رايي من راي الاخت
الله يقومها بسلامة:)

محتارة ش أسميه;10173599:
اختي غلاة الصديقة مو بغلاة الهدية
اذا فعلا تحبينها وتقدرينها وتبين تفرحينها
هي الحين بالثامن صح
يعني محتاجة منج كل الدعم
ومثل ما قالوا البنات
اي تقدير لطفلها القادم بيكون تقدير لها
فما انها بتكون تعبت فيه وايد اكيد اي شي علشانه بيكون فرحها الاكبر
هو بيكون الشي الجديد في حياتها اللي بتصب عليه اهتمامها كله اكثر من الساعة اللي ممكن تكون عاجبتها وبتركنها في الدرج علشان تلتفت للبيبي اللي بيكون بين ايدينها وبيشغل كل اهتمامها
فممكن بنفس المبلغ تشترين هدية كبيرة للبيبي مثلا سرير او طاولة تبديل او ذهب اذا كانت بنت
صديقتج اذا شافت هالاشياء على بيبيها ما راح تنساج ابد بتكونين حاضرة جدامها بهالهدية

واسفة طولت عليج
تحياتي..

:wink: نفس راي الاخت محتاره,,

ما ادري يا اختي
بس تبين الصح
انا توني ربيت من شهرين
وصديقاتي سوو لي نفس الشي...
جابو هديتين الكبيرة طبعا صارت من نصيب البيبي والصغيرة صارت من نصيبي
بس بما اني شفت في الدنيا كثير اشياء تمسكت اكثر بالهدية اللي صارت حق ولدي
وعرفت قيمة غلاتي عند ربعي من خلالها


مو ضروري تعرفين جنس المولود علشان تشترين السرير مثلا او طاولة تغيير الحفاظ
ومو ضروري تعرفين جنس المولود علشان تشترين باقة من الاشياء الرئيسية مثل سلة فيها شامبو،حفاظات، ادوات تنظيف الطفل، سماعة، البوم صور، كرسي هزاز، مشاية، العاب اطفال.. الخ

في شغلة حلوة بعد ممكن تسوينها لصاحبتج..
في ماذركير في ملابس تجي مطقمة للام والبيبي..
اعتقد هذي هدية حلوة وماكو مثلها..
ولون ملابس البيبي عادة حيادية ابيض، اصفر، بيج..


وهذي من شغل ايدي اذا حبيتي تاخذين فكرة عن طريقة التقديم..
ترى هم الشكل يلعب دور...
http://www.forums.3roos.com/t457597.html


اما بالنسبة للسبب بانج تبين تهدينها شي لانج ما اهديتيها من قبل لما تزوجت
فالبنت بتعذرج وبتنسى بالذات لما ع الاقل تذكرتي اهم مخلوق بينوجد عندها بين ايديها
بتنسى اي عتب او تاخير من صوبج...

^_^
اب لعيونك