هلا حبيباتي بقولكم سالفتي

عزتي في شموخ ذاتي;10171739:
حبيبتي , انا اسمع كثير على الميرميه والبردقوش , مره ممتازه لضعف المبايض , واسمع اللي بتجيب توام تكثر من الميرميه , انا كان معاي ضعف في التبويض وتاخر الدوره تجيني كل شهرين ونص , والشعر في جسمي كاني خروووف , من بعد ماخذت كلوميد من اول شهر حملت الحمد لله ,

اما بالنسبه لزوجك لالالالالالازم يغذي نفسه , اسمع عن خلطة العسل اللي فيها غذاء ملكات النحل ,’ واشئياء ثانيه , الخلطة مشهوره بالنت كثير , وناس مجربينها , وانتو الحمد له مافيكم شئ يصعب علاجه ,. الحمد لله كل حال ,

واخيرا احمدي لله , انا مافيكم عقم , او شئ يصعب علاجه , العلاجات في هذا الوقت متوفره ومضمونه باذن الله , وقبل هذا كله , اطلبي من الله العلاج , وان شاء الله تحملين وتولدين وتجيبين 5 اولاد و5 بناااااات , وش رايك

أم حسوون;10171777:
أختي لا تيآسين... وان شاء الله الله بيرزقج بالذرية الصالحة قولي آمين..
أما ضعف البويضات عندج فهناك عدة حلول وأدوية تقدرين تسألين عنها الدكتور نفسه..
والصراحة من المفروض ما يقول لج انج تقدرين تحملين بثلاث طرق.. أستغفر الله من كلامه..
أما بخصوص زوجش فان شاء الله راح يتحسن حاله... والله كريم

صدقيني أختي بنات وااايد في هذا المنتدى بالذات ازواجهم عانوا من ضعف حركة الحيوانات المنوية..
ولكن الله سبحانه وتعالى انعم عليهم بالذرية..
لا تيآسين أبدا... أبدا
والله يرزقنا جميعا بالذرية الصالحة يا رب...

بحرينيه ودلوعه;10171804:
هلا حبوبه يعني يلي فيني ضعف مبايض ولاشنو انا يقول لي مبايضج اوكي بس صغار يعني اسمه ضعف مبايض؟؟؟؟
انه قالي بعطيج حبوب بس عقب التحاليل مال هرمونات انشالله يوم الخميس بروح
المشكله زوجي يدخن واكيد ياثر عليه بس مادري شسوي واهوا بعد ياكل عسل وجوز وهالسوالف بس مادري ليش جذي يالله الله كريم كل شي بيد رب العالمين
وعلى 5 اولاد و5 بنات انشالله وياج يارب
ومشكوره حبيبتي على ردج

زهرة الجنه;10171837:
هلا حبيبتي
احمدي ربج على كل حال ,, اللهم لا اعتراض ,, ومابعد الضيج الا الفرج ان شاء الله
الحمد لله يارب
وليش ماتجربين منشطات مثل كلوميد ,, او منشطات طبيعيه والله لايقوله لو مافادت ذيك الحزه يكون فيه كلام ثاني
بس لاتسرعين وتسوين انابيب او تلقيح صناعي وانتي تووج عرووووس ماخذ لج شي من تزوجتي

وانه سمعت ان الدكتور بركات ان مايروحون له الا الي ميؤوس من علاجهم بسم الله عليج ولي يبون يسوون انابيب او تلقيح صناعي لان فيهم خلل كبير
فأنصحج غيري الدكتور يكوون افضل
هذا من بدايته يخووف يمه

والله يشافيج ويشافي زوجج ياااااااارب ويشافينا آمين

عزتي في شموخ ذاتي;10171838:
يوه ياقلبي ضعف مبايض , تجي البويضات صغار وماتكون بالحجم الناسب علشان تتلقح , وان شاء الله بعد التحليل الدكتور يعطيك العلاج المناسب لك , ولاتخافين هذا الشئ مره بسيط , ممكن تتعالجي من اول شهر ,

بالنسبه لزوجك التدخين اكيد له اثر عتليه , والله يشافيه يارب


وعلى 5 بنات و5 اولاد , الله يرزقني فيهم ويرزقني برهم يااااااااااارب :D


والعفو يالغلا

بعيده عن اهلها;10171958:
اسمه تكيس المبايض وهذا التكيس يضعف التبويض صح فيه بويضات كثيرة لكن صغيرة وماتوصل للحجم المطلوب للحمل