افرح ام ابكي انجدوني

أختي لازم تقولي لأهلك مفيش حل تاني غير كده
وهما أكيد هيعرفوا الحل الصح
ومتتأخريش في انك تقوليلهم لأن التأخير ده مش في صالحك أبداً
وبعدين يا اختي انتي بتقولي مينفعش نتزوج ؟؟؟؟
طيب ما انتي كده بقيتي زوجة فعلاً
مينفعش أختي تخبي عليهم حاجه زي دي
انتي الآن مدخول بكِ ولو قدر الله وحصل اي شئ
هتعملي ايه ساعتها ؟؟؟
اسكني مع أهله مؤقتاً

لابد لكى من محادثة خطيبك بصراحة بضرورة الإسراع فى الزواج ولو حتى فى بيت اهله أو بيت بالإيجار لأن الأيام ستمر وسيظهر حملك وإن سامحك اهلك فإنك أنتى ستخجلين من أهل خطيبك وأهلك وكل من يعرفك وستشعرين وكانك حامل حاشا لله من الحرام
لذا عليكى الموافقة على الزواج بأى طريقة الآنوالبحث عن حل لمشكلة السكن وربنا يتم لك على خير عاجلا غير آجل.

الله ايكون فعونك
اختي صارحي اهلج مافيها شي وانتي فعداد المتزوجين قولي حق زوجج ايسرع او اتروحين بيت اهله ريثما ايصيرلكم شقة

الله يهديج الصراحه استعجلتي وايد ...
وما في حل غير انج دكولين حق اهلج وترى حتى لو عجلتي بزواجكم راح يعرفون اهلج بالموضوع
فدكولين الهم احسن والله يكون بعونج ...
تقبلي مروري ....

وضعك صعب مره

يوم قرأت قصتك لطمت على وجهي

لأن وضعك صعب مره امام اهلك و اهل زوجك


وانتي استعجلتي كثيييييييييييييييييييير كثييييييييييييييير

الشي صار و انتهى لكن لازم اهلك يعرفو با السالفه

نادي امك وروحي معها في غرفتك وكلميها

قولي لها بقول لك شي و خجلانه منك بس اتمنى ماتزعلي مني

وقولي لها

انا عارفه ان الكلام سهل لكن الفعل صعب عليك جدا شنو راح يكون

موقفك جنب اهلك و اهله اذا تكلمتي لكن لازم تتكلمي لأن اعراض الحمل

راح تبين عليك


جد جد انتي في موقف لاتحسدي عليه


او انك تكلمي زوجك وتقولي له انك في موقف صعب

و ان هو الي راح يطلعك منها بطريقته و بتقديم الزواج

حتى لو كان الزواج بحفله صغيره جدا يعني عائليه بس

لو تسكني في غرفه وحده مع اهله بس اهم شي يخلصك من ها الموقف

لا حول ولا قوة إلا بالله..... اختي لازم تكلمين خطيبك و يستعجل بالزواج هو الي حطك بهالموقف هو يخلصك منه

عزيزتي...لازم تقولي لأمك...وتصارحيها...وياليت تعجلوا بالزواج...

ولاتخافي انتي ماسويتي شيء غلط...بس كلام الناس مايرحم

والله يوفقك ويكتب لك الخير حيث كان

بصراحه ربي يسهلك امورك انا مع البنات لازم تعجلي الزواج صارحيه وفهميه ولازم تلاقوا حل للسكن ومصارحه الطرفين

لا حبيبتي لا تكبرين الامور

يمكن انتي مفتشلة لان بيئتكم فيها خجل لما حمل من الخطوبة

بس احنه مثلا اغلب الفتيات من الملجة يحملون ترى

بات شي متعارف عليه

الا اللهم في بعض دول الخليج متشددين وحسب الاهل وعائلات النسب

يعني بالسعودية مثلا وايد يكبرون الامور من هالناحية

كانه نازلة صاعقة عالارض و لا الارض بتنشق

انتي حملتي بالحلال ما سويتي شي غلط و السكن و الحفلة هذا شي ضاهري للناس ان تفهمنينهم انج استقريتي بس محد له حق عليج دامج بعصمة زوجج و بينكم عقد ابدا

لان حلال امام الله و سنة الرسول فلا يهمج الناس من ناحيت خجلج صارحيها و هيئي نفسج بس بدون ما تحسسينها كانج سويتي شي غلط بعدين اهم اهلج لا بينغثون منج ولا من حملج ابدا

خلج ريلاكس ولا احد يخوفج بتاتا لان بالضبط صار لوحدة من صديقاتي و من قرايبنه مجرد انها خجلت بس

لكن الكل بارك لها و بات شي متعارف عليه

و الاخت مرجانة البحار يمكن اهي لطمت على ويهها لان بيئتهم جدي اصلا

فما له داعي اخت مرجانة تلطمين على ويهج اختي ولا تنزهقين ولا تقولين لها انها بموقف لا يحسد عليه لان بيئتهم غير و كل انسان وبيئته

و اهي ما سوت جريمة و لا قاعدة ببيبئة وحوش لا سمح الله

هذا شي عادي وانتهى زمن التخلف و التخرع من هالشي


و خلج عااااااااادية اخت "سمكة مشوية" ولا تعورين قلبج
اللي صار ما فيه اي شي اصلا و السكن هذا شي يخصج
و الحفلة هذا فرحة بين الناس و مضاهرة و ابداء فرحة بس

و اتمنى الله يوفقج يا رب

لا تقجعون البنت ماسار الا كل خير حبيبتي انتي والله الحمد ماحملتي حرام لاقدر الله مافيها شي زوجك وحملتي منه لاهو عيب ولاهو حرام يعني لاتخافين من الردود انا خفت فما بالك انتي بس قولي لامك وهو كمان خليه يسويها مفاجاه لاهله وحتى هو لاتبينين له انكم سويتو شي غلط بالعكس دخل بك وانتي زوجته وهذا حلااااااااااااااااااااااااااااااااااااال لاتخافين حبيبتي وبعدين افرحي واضحكي وسوي حفل لاهي مشكله ولاشي الله معاك

لله يساعدك حبيبتي

أختي .. اللي صار لك مو حرام ! هذا زوجك بالحلال وبالشرع من بعد عقد القران تصيرون متزوجين خلاص والعرس مجرد إشهار ..
أمك مالها دخل .. حلي الموضوع مع زوجك أول
أحسن لك لا من أول شي تحملين أهلك المسؤولية وتخلينهم يحاتون ويخافون عليك أو يمكن ردة فعلهم ما تعرفيها ... موقفك بيكون صعب مو مع أهلك ، بيكون صعب وايد قدام أهل زوجك .. هم اللي ممكن ياخذون منك موقف أو شي ! فأحسن شي رتبوا أموركم وحالوا تتزوجون خلال هالثلاث شهور أو بالكثير أربعه .. ونعرف وايد بنات يعرسون وهم حوامل من أزواجهم وعادي جدا وواضح بطنهم مع فستان العرس ... عشان تتفادي كل شي ناقشي الموضوع بهدوء مع زوجك وحاولي قد ما تقدرين تخليه يرتب أموره بس لا تبينين له إنك وايد خايفه ومستعجلة عشان لا تنقلب السالفه ضدك ، بالعكس حسسيه ان هو المسؤول الأول ...
اذا ما قدر يستعجل العرس خلال هالفترة ويحدد فذيك الحين خبري أمك واخواتك ...
الله يستر عليك أختي وان شاااااااااء الله يصير الموضوع مثل ما تبين وتفرحين بحملك وزواجك ولا تحرمين نفسك من هالفرحة .. الله يتمم لك على خير

انتبهي يا الغالية لازم تعجلون العرس ترى الناس ما ترحم والرجال مابهم امان

خبري والدتج لانها اقرب واحدة لكِ او حليها فيما بينج وبينهم

العتب

حبيبتي الغاليه
ليه حياتي تساهلتي لهذه الدرجه مع زوجك وسلمتيه نفسك وزياده اعطيتي نفسك راحتها للحمل
مافكرتي قبل لا تسلمين نفسك وتحملين كيف بتتزوجون ووين؟؟؟
انتي قلتيها ظروف السكن صعبه شوي ويبغالها وقت .
انتي للأسف احرجتي نفسك واحرجتي اهلك وقللتي من قيمتك .
ما علي من الي يقولون عادي .
لا طبعا مو عادي ابدااااااااااا البنت تحمل في فترة الخطوبه وهي مملوكه .
المفروض زوجها ما يمارس معها الجنس الا بعد حفلة الزواج والدخول بها امام الله وخلقه.
حنا مانقول حرام والله ادري انه مو حرام.
لكن اعتبره استعجال من ناحية البنت وعدم حفظ الامانه الي اعطوها هلها .
لان الصراحه فشله ان الوحده تقول لامها او ابوها انا حملت وانا في بيتكم وللحين عرسي ما تحدد..
ولو انه عادي ما كان انتي او غيرك كتبتي موضوع ونزلتيه تسألين كيف اقول لاهلي.
انصح كل البنات ما يتساهلون هالموضوع ابدا ويخربون على نفسهم فرحة الدخله
وفرحة الحمل وكل شئ بوقته حلووووو.
تخيلي لو ماصار الي صار وبعدك عذراء بتكوني مرتاحه نفسيا مهما تأجل العرس لكن انتي وهقتي نفسك
الصراحه واحرجتي اهلك كثيرررررررررر.
هالحين امك بتسلمك لزوجك بعباتك بس وبدون عرس ولا شئ اذا رفضوا يسوون حفله.
هالحين زوجك واهلك يتأمرون ويكنسلون اغلب المتفق عليه بحجة يبغون يطمطمون الموضوع
بسرعه وحقوقك كلها بتضيع.
انا الصراحه غاضبة جدااااااااااا من الي جالس يصير الاصول اصول والعادات مستحيل تتغير.
حتى لو كان فئه من الناس الغير قبليين يسمحون بهالشئ حنا القبايل ما نسمح ابدااابهذا الشئ.
واتمنى هالعاده الغريبه تتلاشى من مجتمعنا المحافظ .
بالنسبه لك اختي خلاص وقع الفأس بالرأس.
الافضل تروحي وتكلمي امك تكلم ام المعرس بالموضوع وتسوي حفله سريعه او عرس بس بسرعه فوريه
قبل لا يظهر بطنك .
حتى لو ماحصل سكن حاليا اهم شئ تحفظي ماء وجهك ووجه اهلك وتسوي عرس والسكن
محلول امره .ومحدن بيدري عنه من الناس والعموم لكن الحمل الكل بيتكلم فيه .هذا من ناحيتك وبالنسبه لزوجك المفروض يكلم ابوك بالموضوع ويصارحه ويحدد معه العرس او الحفله بسرعه
علشان على الاقل يدري ابوك من الرجل نفسه مو منك او امك لان صعبه شويه.
والله يستر عليك وعلى كل بنات المسلمين.
تحياتي

الله يهدييييج

وليش استعجلتي ولمتي روحج له

مالج الاتقولين الاهلج او خطيبج

لانى بالنهاية الاكل بعرف من كرشتج بتطلع

الله المعيييييييين

بحرينيه كيوت

الي قلتيه صح هي ماسوت شي حرام لأن زوجها

لكن مجتمعنا مايرحم اذا طلع الخبر

وانا لطمت على وجهي لأني حسيت انها راح تلاقي كثير من المجتمع ومن اهلها ولأني

خفت مايتم الزواج لو سمح الله وش بيصير موقفها لو اخفت الخبر !!!!

ومن يقول لاتهتم لأحد ولا ولا ليش ماتهتم هي ماكتبت الموضوع الا لأنها عارفه المجتمع الي عايشه فيه

ولو ان الامر طبيعي كان قالت لأمها بدون ماتاخذ شور اي احد وبدون خوف

وبا النسبه لبيئتكم ان عادي البنت تحمل وتباركو لها بعد عادي عندكم مع ان عندنا لاااااااا كيف ماتخجل

تتكلم وتقول انا حامل وفي ايام الملكه !!! و الا كان اغلب البنات يملكون ويطولون في الملكه ويأخرو الزواج

و ينجبو 3 و 4 اطفال وهي بيت اهلها على اساس ان وضعهم المادي مايسمح لهم با الزواج


و مثل ماقلتي كل وحده و البيئه الي عايشتها

وشكرا

بصراحه فعلا موقف محرج بكل الحالات

الله يستر عليك

تمموا العرس لو حتى أهلك وأهله وتعذروا للناس بأي عذر

فعلا الرياييل مالهم أمان والدنيا مالها أمان

وانا مع كل لبنات اللي قالوا ان هالشيء مب عدل

والله يبيض ويهك جدام الناس وجدام زوجك

وعلى فكره الزواج اشهار مب بس ملكه

لأن الرسول صلى الله عليه وسلم قال (( أشهروا الزواج وأعلنوا عليه بالدف))

وكل بيئة ولها تفكيرها - احنا حتى الطلعه ماتطلع معاه

الله يستر عليج يا رب .. اللي صار من ناحية الشرع حلال ... فلا تخافي

الله يجعل لج مخرج وتنحل السالفه
يا رب سهل عليهاااا واجعل لها مخرج يالله .... الله لا يضيق عليج حال يا اختي وصلي وادعي ربج ينحل الموضوع بدون ما احد يعرف ويتعجل زواجج