ساعدوني كيف أنسى مشكلتي

حلم العذارى;10167864:

بداية .,

هذي مب زواج وعشرة وحياة سوية وليلة دخلة .. وحصل من بعدها الطلاق!..

*

هذي مجرد ( خطبة )

فترة للتعارف

وتم الإنفصال , وماكو نصيب!.

*

عزيزتي .,

إنتي المفترض تكونين أقوى من جذي وعقلج المفترض يكون أكبر من هالتفكير

الشاب يمكن ما أرتاح لج , ولا قدر يواصل !.

جزاه الله آلف خير أنسحب بهدوء وأنفصل عنج وإنتوا على البر

هو ما غلط بحقج أو ظلمج والله

بدل لا يتم زواج , وليلة دخلة , وماكو تفاهم ولا أكو راحة وتصير المشاكل وتكبر .. وتكبر

ويمكن يجون أولاد ضحية زواج غير متكافىء وغير ناجح

ويعلقج معاه

ومن ثم تصير الطامة الكبرى " الطلاق "

*

صدقيني !.

هذي نعمة من رب العالمين مب نقمة

إن الشي صار صلاح لج من البداية .. أحسن من يصير بعدين ( لا طاح الفاس بالراس )

*

إنتي بعدج صغيرة وبنت .. وتوج على البر

ومكملة ما شاء الله تعليمج

*

بيجي لج بدل الواحد .. 10 بداله

مو الحين , مستقبلاً

وبيعوضج وبتعيشن معاه سعيدة مرتاحة ومتهنية

هو يبيج , وإنتي تبينه

وتتزوجون وتبنون بيت الزوجية والأحلام معاً

*

والله لا حزنج , ولا ضيقج بيفيدج

خلج إنسانة متفائلة , وتمسكي بربج

خلي بقلبج قوة إيمان .. بالقضاء والقدر

( الضربة إلي ما تذبح , تقوي ) وخلي هالضربة تقوي أملج بالحياة مو تقتله