بنات ديرتي البحرين مسااعده طاارئه

انا انصحج للشعر والمكياج عند ابتسام كمال بتطلعين حدج ناعمه وكيوته عندها مكياج للخطوبه وللعرس .

انا اصحج وبقوة صابرين كمال صالون ليلو .. والشعر هناك عند لطيفه بتطلعين قمر ..

ابتسام كمال انصج ولشعر يسرى وثنتينهم من البسيتين وحدودها

عزيزتي .,

الخيارات متنوعة ومفتوحة

بس قولي لنا إنتي من أي منطقة + عادي عندج تتنقلين بين صالونين

وأنا بقترح عليج الاحلى والأفضل والأقرب لج .,

عادي بتنقل
انه من مدينه حمد الخطوبه اوكي اعرف وين بروح
بس الملجه محتااااااااااره

اختي بخصوص الفستان انا عندي فستان وحابة أأجره

الفستان جديد وما انلبس غير مرة وحدة بس وماصار له شهر من فصلته

يلبس سمول الى ميديم والفستان ناعم وفخم بنفس الوقت وطرحته مميزه

اذا لج خاطر تشوفينه راسليني

موفقة

مشكوورة اختي للسؤال عندج صالون ليالي الريم


موفقة اختي

مرحبا ..

اول شي بنصحش و بعدين بعطيش عرضي ..


انا رحت للرونق عند بدريه و المكياج عايشة الريس
و بشهادة الكل طلعة الحمدلله الحمدلله كنت لابسة فستان ابيض
لأن ناوية بسوي جلوة للزواج بس و بعد اول ما شفت الفستان عجبني فرسيت على الابيض على اوف وايت

الملجة رحت لصابرين كمال و كنت لابسة ساري اخضر و ذهبي و اهي تحب هاللون بعد فأبدعت .. انصحش فيهم من تجربتي ..ة
و عن ايلاف اهو حلو بنت خالتي رحت ليهم في الخطوبة بس حسيت ان صابرين كمال احلى
بس في النهاية ذوقش اهو الاهم ..


و اذا تبين تشوفين الساري و الفستان ما عندي مانع انا حابة ااجرهم بعد ..
و اذا تبين اي مساعدة راسليني على الخاص ..

عن الصالون روحي الصالونات الي قالو لج البنات عنهم و جوفيهم احسن
يمكن ما يعجبونج
و الفساتين اذا بتاخذين اجار في البحرين اكيييد
بس اذا بتشترينهم السعودية لان سعرهم نص سعر الي في البحرين
بس انصحج لفستان الخطوبة اخذيه اجار او تفصيل لبسة اولى و بعدين ترجعينة للمحل
اما للملجة تاخذين من السعودية احسن

باتوفيق

اختي مكياج صابرين كمال قمة في الرووووووووووووووعه

والشعر انصحج في الرونق ما عليهم كلام

أختي سألتي عن صآلون ايلآف .. اللي اهيه فردووس ..

انتي جوفي شنو ينآسبج .. من مكيآج ..

يعني إذآ ينآسبج السمووكي روحي لهآ وانتي متطمنه ..

بتطلعج شي خيآآلي ..

أذآ ينآسبج كله الوآن وهالسوآلف أو دمج بين السمووكي والعآدي روحي ابتسآآآم كمآل حق ملجه وآآيد

رآآقي ونآآعم وحلو في نفس الوقت ..

مثل مآقآلت اختي يمامه وحبيبة عزووز روحي ابتسام كمال + يسرى .. حق الملجه وآآيد بيطلعوونج


رووعه ..

وبالمبآرك ..

انا في الملجة رحت الشعر رونق

والمكياج نهلة عشاني كنت ابي اكون سوووو سمبل

لانها ما كانت بعيدة عن حفلة الخطوبة

فحبيت ابين اني متغيرة في الحفلة الكبيرة

انه في ملجتي رحت صالون معصومة في السنابس
يمكن الكل ما يوثق يروح جذي صالونات
بس صرااحة رووعة طلللللللعت والكل عجبته التسرييحة والمكياااج طبعا كنت لابسة احمر
فطلع المكياج واايد زاهي .. عندي صور اذا تبغيين
وفي الخطوبة رحت شعري رونق >> فتحية وتسريحتي رووعة بشهادة الكل
ومكيااجي كانت ابتسام كمال هوو وايد حلو بس حسيته وايد ناعم ما يناسب عروس
شي ثاني ما عجبتني معاملتها كلش كلش
وانتي اختاري الي يناسبج

اول مره أجوف أحد يذم في ابتسآم كمآل .. :eek:

بالعكس أهيه جآده في شغلهآ من جذي يمكن انتي تحسين انهآ معآملتهآ مو شي ..

بالعكس ترى لاتظلمون المآكيررآت في هالسوآلف ..

وآنه زبوونه دآيمآ عندهآ ,, مآجفت منهآ الا كل خير ..

وانتي وعلى رآحتج أختآري اللي تبينه وأهم شي رآآيج .. :)

طبعا انا رحت لابتسام عروس وحاملة معاي فستاني مثل كل العرايس والاغلب يلبسون الفستان عند الماكييرة علشان دايركت بعدين الاستديو
ومن دخلت ما سمعت الا وحدة رافعة صوتها شنو هاي ليش جابة فستانج وياج:rolleyes:وانه اصلا ما اخلي العرايس يبدلون عندي .. جوفي حاطة اغراضج على الكراسي .. الحين بجوني ناس وييني اخليهم يقعدون وانه صار شكلي جذي:eek:

انصدددددددددمت ياربي ما سويت جريمة وجتني الصييييييييحة حددي عرووس واتضايقني والحين طبعا توبة ونوبة اروح لها على هالمعاملة .. جادة ماعندي مشكلة .. بس على الاقل تحترم

أنا زبونة دائمة لخولة بوحجي
بصراحة كل مره أروح عندها أطلع راضية عن نفسي، وأهم شي أطلع من وقت
هي مكياجها ماركة بن ناي، واتحط لبناني وسط وأهم شي البودره ثابته وحلوه ومعاملتهم يحسسونج انج ملكة.

بصراحة كذا مره رحت لماكييرات غير وكانت بعض التجارب ناجحه وبعضها فاشله ومعظمهم ما كنت راضية عن نفسي، بس الواحد شنو يسوي يبي يتغير شويه ويكتشف ناس جدد.:tongue:

والتسريحات عندها يسوونها فلبينيات لكن ممكن يطبقون لج أي صوره تيبينها وأحب أسلوبهم في التساريح يعني ما يبين الشعر تركيب كثر ما يبين طبيعي وناعم.ستايل انجليزي.

من رايي روحي جربيها في الملجة وحطي مكياج عادي هي العادي عندها 25 دينار شامل بودره الجسم والجلتر للجسم.

وفستان العرس أخذيه جاهز من السعودية بصراحة شغلهم حلو وكله كرستال مو مثل شغل البحرين خرز وشك، وأسعارهم حلوه يعني لو تاخذين من هناك فستان ب 400 دينار بيكون إهني ب 1000 دينار، حتى لو كان نفس الشغل بالضبط.

والشعر في العرس محد يختلف على شغل الرونق بس لا تسكتين واتخلينهم يلعبون فيج ترى يحطون لج إضافات مالها داعي بس عشان يرفعون السعر.

والمكياج بالنسبه لي: صفية شويطر، عايشة الريس، إبتسام كمال هذلين بس اللي ممكن أسلمهم ويهي وأتطمن لهم في ليلة العمر.

انتي عروس ملجه فالاختيار المناسب لج والجريب منج صفية شويطر روحي وانتي مطمنه

ايلاف حلو مكياجها فردوس ترسم الملامح

و الشعر صالون باتشي لوتشي اللبنانيه رنا

انه في ملجتي رحت صالون معصومة في السنابس

ممكن التلفون او بضبط وين مكانه في السنابس