شخباركم ياعرايس..ومبارك عليكم الشهر
اليوم جبت لكم طريقة سحورنا امس
والله يعوده علينا وعليكم بالخير والبركه
4 صدور دجاج منزوعة العظم مسلوقه ومقطعه صغار
1 بصله مفرومه
1 جزرة مبشورة
1 بطاطا مقطعه مكعبات ومقليه
1/2 حبة فلفل بارد مقطعه صغار
1 طماطم مقطعه صغار
3 م معجون طماطم
3 م كتشب
1 م صلصلة صويا حلوة
1 فنجان ماي
ملح/ فلفل اسود/ بابريكا/ بهار حسب الرغبه
كيسة توست مقطعه اطرافه
جبنة سائله
جبنة تشيدر مبشور
((اسمحولي في اشياء نسيت اصورها))
نحمس البصل لين مايذبل ويصير شفاف تقريباً
ونضيف عليه الفلفل البارد ونقلبه
ونضيف الطماطم ونحمسه لين مايذوب الطماط
واخر شي الجزر المبشور
بعد ذلك..نضع الدجاج المسلوق والبطاطا المقليه والملح والفلفل والبهارات
وتقلب جيدا
وفي هذا الوقت نخلط معجون الطماطم والكتشب وصلصلة الصويا والماء ونضيفها على الحمسه و نتركها على نار هاديه
وفي هالوقت
نقطع التوست ونصفه في البايركس وندهنه بالجبنة السائله
وبعد ماتجهز خلطة الدجاج بهالطريقه
نحطها كلها فوق الطبقه الاولى من التوست << نسيت اصورها لكم بس صورتها من على الجنب
وبعدين نغطيها بالتوست والجبن السائل بهالطريقة
واخر شي نرش جبنة مبشورة
وفي الفرن لمدة 10-15 دقيقه لين مايتحمر الجبن ويصير ذهبي
وهاي صحني
وهالصحن حق اول رد
وفيه الف عافيه
ومابي منكم الا دعواتكم لي بظهر الغيب بالولاده السهله والطلق الهين
واني اشوف جنيني بصحه وعافيه
والله الله بالتقييمات الحلوه
