O?°· ( مع رمضان ركننا احلى - -·°TAG1 ) ·°?O

واوووووووووول [BLINK]TAG[/BLINK]

راح يكووون مع.....


مشتاقة اليك

بانتظارها

:D

مبروك عليكم الشهر

حلو وايد الموضوع

اشكر المشرفات الرائعات اللي دوم يبدعون في الافكار و المواضيع

السلام عليكم و رحمة الله و بركاته

مبارك عليكم الشهر و تقبل الله منا و منكم صالح الأعمال و ينعاد عليكم إن شاء الله

أشكر مشرفات الركن على الموضوع و أشكر مس براقة على اختياري

طبعاً في أشياء كثير ما أستغنى عنها و حاولت أحصرها لعشرة بصعوبة و هذا اللي طلعت به
مع العلم إن بشرتي مختلطة و جافة بالشتاء و لوني بشرتي حنطي و الأسعار اللي أذكرها بالريال العماني.





غسول للوجه من كانيبو صار لي 3 سنوات أستخدمه و ناسبني جداً و دائماً آخذ منه كمية، هذا أخذته من أريج ب 22 ريال و 800 بيسة مع العلم إن سعره قبل أقل من 3 سنوات كان 14 ريال بس من نفس المحل.



منظف لمكياج العين و الفم من كانيبو أهم شيء فيه إنه ما يحرق عيوني لما أنظف فيه، أخذته من مجمع تجاري بإيطاليا ما أتذكر السعر.



هذا غرامي رقم 1 من لوريال، ما أقدر أقول لكم كم واحد للحين خلصت منه إمكن مقارب للعشر حبات إذا مو أكثر :D و دايم أشتري منه كمية يناسبني بدرجة شديدة حتى بدون ما أحط أي شيء على وجهي و ترطيبه روعة آخر مجموعة أخذتها من سنتر بوينت و سعرها ما بين 4 ريالات و نصف و 5 ريالات ما أتذكر بالضبط (في روجين من ماك نفس الشيء ناسبوني بس كانوا ليمتد و ما في منهم الحين).



كريم الترطيب النهاري لازم منه كنت أستخدم كانيبو و الحين هذا أخذته من مشاريع العوادي أعتقد ب 60 ريال.



كونسيلر ماك التيوب ما أتذكر السعر بس تغطيته روعة و مرات أستخدمه لكامل الوجه بدل كريم الأساس.



البودرة الحرة من جيرلاين روعة ما أستغنى عنها عند وضع المكياج بس أحطها بفرشاة 187 من ماك و ريحتها حلوة بعد أخذتها من فترة من مخزن العاصمة ب 15 ريال.



الكريمات المرطبة لازم منها موزعتها في الغرفة و في البيت و حتى في مكتبي و لازم للشنطة، هذول اللي أستخدمهم الحين أخذتهم من السوبر ماركت.



مقشر الشفاه من بنفت أحط شوي على شفايفي و أفركه بعدين أمسح شفايفي بورقة كلينكس و بعدها أحط أي مرطب شفايف بس من جد يقشر الشفايف.



مرطب الشفايف لازم منه ضروري هذا اللي استخدمه الحين و نفس الشيء موزعتهم في البيت و حتى على مكاتب زميلاتي في الدوام :tongue: حتى إذا كنت عندهم و احتجت أحط منه، من السوبر ماركت أعتقد 570 بيسة.



لازم المسكرا عند وضع المكياج الحين أستخدم هذي من لانكوم أحسها تكثف لي رموشي أخذتها من سيفورا ما أتذكر بكم.




بالنسبة للسؤال الثاني
أهم شيء عندي في الشنطة إنها تعجبني و تدخل مزاجي و إنها تكون عملية و تشيل أغراض كثير مش شرط تكون ليمتد أو كلاسيك.

و أحس إني أميل لجوتشي و لوي فيتون و ديور في الشنط لأن عندهم موديلات متنوعة و خيارات أكثر.



و تقبلوا تحياتي

السلام عليكم و رحمة الله و بركاته


coffeerose
شكراً و الله يسلمك إن شاء الله
و إن شاء الله تكوني استفدت منها


مسزز غموضة
شكراً و الله يسلمك إن شاء الله
و إن شاء الله تكوني استفدت من المعلومات


عاشقه الدوحه
وي أستحي أنا :o عيونك اللي تشوف كل شيء حلو
شكراً و الله يعافيك إن شاء الله
و إن شاء الله تكوني استفدت من مشاركتي


مس براقة
شكراً مرة ثانية على اختياري
و حبيبتي لازم تهتمين ببشرتك زين
و إن شاء الله تكوني استفدت من مشاركتي