تجمع وتجهيزات ورغى حوامل مصر العساسيل لشهر رمضان الكريم

DodyCat;10162949:
رشا انا هعمل قمر الدين عصير ومهلبيه وهعمل تمر هندى طليات جوزى وهعمل ملوخيه وبفكر أعمل كشك ألمظيه والفرخة هحاول أشويها بأى طريقه وعندى رز بالشعريه بقولك انتى بتعملى الكشك أزاى؟

قصة كبيرة;10162955:
ان شاء الله هعمل بسلة ولحمة ورز لو كان فيا نفس على ماوصل البيت

hoba555;10162970:
طيب يا ميرفي لما حماتكقريبه كده منك ما تخليها تكلم ابنها او حتي تصلح بينكم
ماما سلقت اللحموه ومش عارفين نطبخ ايييه حد عنده فكره

بصى مامته كل لما تكلمه يصدها ويقولها مش عايز اتكلم وهى تسكت وتيجى عليا دايما مش عارفه اعمل ايه بجد انا تعبت منه جدا

طبعا ماما اقرب من حماتى بس حماتى متخيله انها بتحبنى اكتر وانها هترعينى انا وبنتى اكتر بتقولى افرض روحتى هناك والبنت تعبت هتعملى ايه هسستنى انى هاقعد فى الشارع

ميرفى50;10163009:
بصى مامته كل لما تكلمه يصدها ويقولها مش عايز اتكلم وهى تسكت وتيجى عليا دايما مش عارفه اعمل ايه بجد انا تعبت منه جدا

ماتدخاليش حد بينكو تانى وروحى أنت صالحيه وبعد ما تتصالحو عاتبيه براحه انه أهملك
انا جوزى طول ما أحنا مش بنكلم بعض بيبقى قاسى جدا بردو لكن لما بنتصالح بيبقى حنين
هم الرجالة كده غالبا مش بيعرفو يصالحو جربى ولو صدك خدى موقف جامد
بس صدقينى هو مستنى تمديله أيدك هم الرجالة كده والله

كنت عايزة اسالكم هل حسيتو بفرق في حركة البيبي في الصيام عن قبل الصيام؟ اصل انا حساها قليلة وضعيفة وله ده تهيات

ميرفى50;10163020:
طبعا ماما اقرب من حماتى بس حماتى متخيله انها بتحبنى اكتر وانها هترعينى انا وبنتى اكتر بتقولى افرض روحتى هناك والبنت تعبت هتعملى ايه هسستنى انى هاقعد فى الشارع

يا بنتى مامتك هتهتم بيكى فى الحاجات الخاصه يعنى هتشطفك مثلا أكيد انت مش هترضى ان حماتك تعمل كده فاهمانى وكمان مامتك هتزعل اكيد لو ماروحتيش عندها

البرج اليسر;10163030:
كنت عايزة اسالكم هل حسيتو بفرق في حركة البيبي في الصيام عن قبل الصيام؟ اصل انا حساها قليلة وضعيفة وله ده تهيات

انا لما بجوع بحس بضرب بس انا اصلا لسه مش عارفه حركة البيبى

السلااااااااااااااااااااام عليييييكم

صبااااح الخير يا معلمين(f)(f)(f)(f):D

قصة كبيرة;10162226:
صباح الخير يا بنات ازيكم عاملين ايه؟

ازيك يا هدى عاملة ايه وحشتينا قوووووى
مشمشة حمدالله على سلامتك..يارب تبقى كويسة على طووووول ان شاء الله

انا صومت أول يوم بس تعبت جدا بعد الفطار
امبارح برضه صومت بس رجعت الصبح وبصراحة كملت اليوم صيام برضه
بس بنام بشكل مهووووووووووول
وبصلى وانا قاعدة

انا مش عارفة ايه اللى احس بيه وساعتها اعرف انى لازم افطر


اه وعندى سؤال محرج شوية معلش :o انا لاحظت انى من ساعة ما بدأت الحمل وانا شعر جسمى زاد قوووووى :confused: انا بقيت بعمل كل 4-5 ايام :confused::confused::confused::confused: فى حد تانى كده؟؟؟:confused::confused: وهل كده معناه انى حامل فى ولد ولا ايه؟؟؟؟؟

وانا كمااااااااااااااااااااان وخصوصا عند البطن:confused::confused:

DodyCat;10162258:
صباح الفل يا قمر انا زيك بردو الشعر بقى يطلع بسرعه
واليومين دول عندى حبوب زى حبوب الشباب يلى خير
أنا أسمع ان اللى فى أول 3 شهور ملهومش صيام والله أعلم أرجعى للدكتور بتاعك

وانا كماااااااااااااااااان خصوصا الايام دى:confused::confused:

قصة كبيرة;10162276:
دودى ازيك
الدكتورة قالتلى طول مانتى قادرة على الصيام صومى ولو تعبتى افطرى .. أهم حاجة انى اكل كويس من الفطار للسحور وعصاير وفاكهة وكده

ميرفى50;10162620:
الف سلامه عليكى يا روشا ربنا يعفو عنكى اللهم امين
يا امهات المستقبل مى بقلها كتير ما دخلتيش

ازيك يا ميرفى يا قمر؟؟؟
كنت لسة حسال علي مى .... يا رب تكون مشغولة بطاعة ربنا فى رمضان

ميرفى50;10162750:
تعبانه الحمدلله عل كل حال وامبارح بعد الفطار بساعتين رجعت وبعد صلاه الفجر رجعت ربنا يستر
ده بقى بخلاف ان حالتى النفسيه زفت متخانقه مع ابو العيال ومش بكلم بعض عير فى اضيق الحدود متغاظه منه جدا ربنا يهديه وحياه ربنا بلاش حد يقولى تعالى على نفسك وكلميه انت

ربنا يفك كربك يا قمر... ونفسيتك اهم من اى حد عشان انتو اتنييين غيرك واحد بس:wink:
دلعى نفسك يا بنتتى وتزعليهاش ....
ودة ميمنعش انك ممكن تصالحى مصالحة مجاملة كدة عشان ربنا بسسسسسسسسسسسسسسسسسسسسس

roshy&hany;10162764:
ازيكم يا بنات عاملين ايه وحشتونى اوى اوى .. شكرا للى سالوا عنى ماتحرمش منكم ابدا

انا فعلا نزلت امبارح الساعة 1 بليل رحت المستشفى اخدت محلول تانى وابرة مسكنة للألم والدكتورة قالتلى استمرى على الانتينال والفلاجيل وقالتلى ريحى على السرير وخلى جمبك اربع خمس ازايز ماية وعصاير كتير وطول ما انتى قاعدة اشربى فى عصاير مش مهم الاكل المهم الماية والعصاير

والحمد لله دلوقتى المغص بيروح ويجى بس احسن بكتير من الاول الحمد لله ..

شافاكى الله وعافاكى يا ام العيااال:):tongue:

roshy&hany;10162779:
ميرفى سلامتك يا قمر معلش مافيش حد مرتاح والله هى الدنيا كدة .. ومش تزعلى منى لو بجد متغاظة منه ومش طايقاه وعايزة تنتقمى منه اشد انتقام يبقى صالحيه وكلميه احنا فى ايام مفترجة شوفى بقى كمية الثواب اللى حتاخديها ومرتبتك حتبقى فين وهو فين هههههههههههههه انا بعمل كدة مع جوزى والله واحيانا مش كتير يعنى ههههه بصالحة انا الاول بس بنية ارضاء ربنا وانى باجى على نفسى وبحتسب عشان خاطر ربنا ولما بتخانق معاه بتمكيج والبس احسن حاجة عندى هو بيستغرب وبيقولى اشمعنى بتعملى كدة واحنا متخانقين باقوله عشان مايبقالكش حجة ومابقاش مقصرة معاك ويوم لما ادعى عليك ربنا يستجيب بيفضل يضحك هههههههههههههههههههه

هما كله يومين يا مرفى عايشينهم بالطول ولا بالعرض والدنيا دى لعبة كبيرة واحنا بنجمع فيها بونص على قد مانقدر معلش تعالى على نفسك عشان نفسك والنونو مش عشانه هو

ربنا يهديلك الحال يارب ويسخرلك جوزك ويقومك انتى والنونو بالف سلامة باذن الله

عسل والله يا رشا (يا ام العيال برضه):tongue:

ميرفى50;10162847:
والله يا روشا انت زى العسل ربنا يرزقك بالبنوته الصالحه اللهم امين بس فعلا مش قادره اروح اكلمه خالص ده مافش تقدير خالص يالله الحمدلله
والله يا هبه الدكتورة قالتى صيام لا بس ما قلتيش السبب انا ان شاء الله رايحلها يوم الاربعاء وهسالها اما بقى بالنسبه لجوزى ماعندوش مشاكل خالص بيضحك وبياكل وعايش حياته وانا مش فى دماغه خالص علشان كده انا مش قادره اكلمه خالص لانه المفروض اليومين دول الاقيه جنبى عارفه انا بفكر اعمل ايه انى بعد الولاده اطلع من المستشفى على ماما اصل احنا قاعدين عند مامته ولما قولت لمامته كده قالتى لا انت كده بتعقبينى انا وهتحرمينى من البنت

ميرفى50;10163020:
طبعا ماما اقرب من حماتى بس حماتى متخيله انها بتحبنى اكتر وانها هترعينى انا وبنتى اكتر بتقولى افرض روحتى هناك والبنت تعبت هتعملى ايه هسستنى انى هاقعد فى الشارع

ربنا يخليلك حماتك ويديم الود والمعروف مبينكم على طول ان شاء الله يا ميرفى يا حبيبتى (f)(f)

خلاص هنعمل صينيه بطاطس وشوربه وكرنب

بصى يا دودى قبل الخناقه هو رافض انى اروح بعد الولاده عند ماما وطبعا مامته هى كمان رافضت بس انا فكرت وفعلا كلامك صح ان ماما هترعينى احسن وبعدين امى ستر وغطاء عليا مهما كان مين بيحبنى بس بقى انا لو روحت بعد الولاده لماما هتتفهم غلط فانا بقى مش عارفه اعمل ايه حماتى حجتها ان شقه ماما صغيره وانى مش هبقى مرتاحه هناك هى بتحاول تقنعنى بكده وانا بقولها لا ومش عارفه اتكلم معاه والطبيعى انى لما اروح اكلمه هيصدنى لانى دى مش اول مرة اروح واكلمه علشان كده انا قولت اسيبه المرة دى بس شكلها مطول لانه مكبر ع الاخر

ازيك يا ندى عامله ايه وجودى اخباره ايه فى الصيام

هاللو يابنات
روشا الف سلامه عليكى

ميرفى حاولى تصالحى جوزك حتى هاتيها من ناحية ان دى ايام مفترجه ومينفعش الناس تتخاصم فيها

ميرفى50;10163095:
بصى يا دودى قبل الخناقه هو رافض انى اروح بعد الولاده عند ماما وطبعا مامته هى كمان رافضت بس انا فكرت وفعلا كلامك صح ان ماما هترعينى احسن وبعدين امى ستر وغطاء عليا مهما كان مين بيحبنى بس بقى انا لو روحت بعد الولاده لماما هتتفهم غلط فانا بقى مش عارفه اعمل ايه حماتى حجتها ان شقه ماما صغيره وانى مش هبقى مرتاحه هناك هى بتحاول تقنعنى بكده وانا بقولها لا ومش عارفه اتكلم معاه والطبيعى انى لما اروح اكلمه هيصدنى لانى دى مش اول مرة اروح واكلمه علشان كده انا قولت اسيبه المرة دى بس شكلها مطول لانه مكبر ع الاخر

أنا بردو جوزى كان رافض انى أروح عند ماما وبيقولى ان أخته هتيجى تخدمنى هى اخته كويسه وبتحبنى بس بردو مش هينفع حاولت اقنعه باى حاجه ما نفعش قلتله بصراحة ماما
هتشطفنى ولو فى جرح هتغيرلى عليه وهتدخلنى الحمام وانا مش هقبل ان اخته تعمل كده مهما كان هى غريبه عليا وافق على طول جبيها وش بس بعد ما تتصالحو عشان مش تتفهمى غلط
أقولك روحى كلميه قوليلى انا داخله ولاده وهبقى بين ايد ربنا لغاية ما أولد وهدعيلك وعايزاك جنبى كده ربنا يصلحلك الحال

DodyCat;10162305:
انا صومت امبارح كمان بس دوخت قبل الفطار ب 5 دقايق لأنى كنت واقفه فى المطبخ من ساعة ما روحت
وضهرى بيوجعنى قوى لما بقف كتير ده طبيعى ولا ايه
وبعدين فطرت ومكنش ليا نفس كنت حاسه انى هرجع بس طبعا جوزى قاعد مراقبنى فأكلت بسيط على قد ما أقدر وعملت كيكة باباز بسرعه وقلت اسيبها تخمر ساعه وانام وجوزى قال هيريح لغاية أدان العشا ويقوم ينزل عشان صلاة التراويح وانا قلتله انا مش هقدر انزل
المهم نمنا بنفتح عنينا لقينا الساعه 11 بالليل روحنا كملنا نوم ل 3 ومش قادرين نقوم أصلا وحضرت سحور بالعافيه

الف سلامة عليكى يا دودى ... وجع الضهر ده عاااااااااااااااادى

انا بقى ضهرى يوجعنى لو وقفت اكتر من خمس دقايق جدااااااااااااااااااااااااااااا

بس لازم تفطر يا حبيبتى طالما بتدوخى :)

ميرفى50;10162615:

صباح الخير

صباح الفل يا قمرة

ميرفى50;10162620:
الف سلامه عليكى يا روشا ربنا يعفو عنكى اللهم امين
يا امهات المستقبل مى بقلها كتير ما دخلتيش

مى تلاقيها مشغولة فى رمضان بس انا شفتها فى تجمع الامهات قريب و هى كويسة الحمد لله :)

hoba555;10162621:
ازيكم يا بنات اخبار نونهاتكم ايه؟

ازيك انتى يا هوبا و ازاى ندى ...؟؟

ميرفى50;10162750:
تعبانه الحمدلله عل كل حال وامبارح بعد الفطار بساعتين رجعت وبعد صلاه الفجر رجعت ربنا يستر
ده بقى بخلاف ان حالتى النفسيه زفت متخانقه مع ابو العيال ومش بكلم بعض عير فى اضيق الحدود متغاظه منه جدا ربنا يهديه وحياه ربنا بلاش حد يقولى تعالى على نفسك وكلميه انت

:D ماهو انتى هتكلميه هتكلميه

مفيش حل تانى

للاسف هم كل الرجالة كلللللهم صنف واحد

ربنا يهديهم يارب

roshy&hany;10162764:
ازيكم يا بنات عاملين ايه وحشتونى اوى اوى .. شكرا للى سالوا عنى ماتحرمش منكم ابدا

انا فعلا نزلت امبارح الساعة 1 بليل رحت المستشفى اخدت محلول تانى وابرة مسكنة للألم والدكتورة قالتلى استمرى على الانتينال والفلاجيل وقالتلى ريحى على السرير وخلى جمبك اربع خمس ازايز ماية وعصاير كتير وطول ما انتى قاعدة اشربى فى عصاير مش مهم الاكل المهم الماية والعصاير

والحمد لله دلوقتى المغص بيروح ويجى بس احسن بكتير من الاول الحمد لله ..

الحمد لله يا روشى

خللى بالك من نفسك و كترى من الوسايل و اسمعى كلام الدكتورة

DodyCat;10162824:
جوزى بيتخانق معايه وعايزنى أفطر وانا مش هاين عليا بس عطشانه قوى

لازم تفطرى يا دودى

الدكتور قاللى العطش مش حلو فى الحمل

ولازم تشربى3 لتر مية فى اليوم

ضروررررررررررررررررررررررى

DodyCat;10162828:
طب أعملها ايه ما هو أستحالة تفضل مسلوقه

حمريها :D

roshy&hany;10162919:
حتفطروا ايه النهاردة انا فاطرة عشان باخد الدوا بس عندى فراخ مشوية حعمل جمبها رقاق بالحمة المعصجة وحعمل رز بالسعرية وبطاطس صينية وسلطة خضرا .. والخشاف ومش عارفة حلحق ابل كركدية او عرقسوس ولا مش حيلحق يسقع

يالا قولوا حتفطروا ايه عشان لو عشنا وكان لينا عمر اخاد افكار لبكرة

احنا هنفر ان شاء الله رز و ملوخية و حمام و طاجن فريك فى الفرن و سلطة خضرا و شوربة لسان عصفور

و كنافة و قطايف

و تمر هندى و قمر الدين

عمايل ماما طبعا ربنا يخليهالى و يديها الصحة يارب

ميرفى50;10162988:
هدى يا حببتى عامله ايه انا نفسي اديلك رقمى بس المشكله بقى انى بدخل المنتدى من وراء جوزى الغالى اوى لانه محرج عليا انى اشترك فى اى منتدى خالص فالو عرف هتبقى الحياه بمبى ع الاخر مامش عارفه اعمل ايه

معللش يا ميرفى انا كمان جوزى صعب قوى فى موضوع الرقم ده

طيب وصى حد من اصحابك القريبين يدخل يبلغنا لو ولدتى و يطمننا عليكى لان كدة هنبقى قلقانين قووووووووووووووى

DodyCat;10163025:
ماتدخاليش حد بينكو تانى وروحى أنت صالحيه وبعد ما تتصالحو عاتبيه براحه انه أهملك
انا جوزى طول ما أحنا مش بنكلم بعض بيبقى قاسى جدا بردو لكن لما بنتصالح بيبقى حنين
هم الرجالة كده غالبا مش بيعرفو يصالحو جربى ولو صدك خدى موقف جامد
بس صدقينى هو مستنى تمديله أيدك هم الرجالة كده والله

(y) (y) (y)

البرج اليسر;10163030:
كنت عايزة اسالكم هل حسيتو بفرق في حركة البيبي في الصيام عن قبل الصيام؟ اصل انا حساها قليلة وضعيفة وله ده تهيات

انا لما اقعد فترة طويلة ماكلش الحركة بتقل جدا و بحس انها مش موجودة اصلا

بس اول ما آكل حاجة مسكرة او تمر الاقى الحركة رجعت تانى بس مش قوى

هو اخو جوزى دكتور و قاللى حركة البيبى بتقل مع الوقت من اخر الشهر السادس عشان الكان بيضيق على البيبى و مش بيكون واخد حريته





هقوم نص ساعة كدة اشوف ماما و المطبخ و ارجع ان شاء الله:D

ماميهات شهر5:
1/5/2009 نوران20105 ( أم ملك)
marwete 10/5/2009 ( أم رفيدة )
22/5/2009 kataketo
bandon 24/5/2009 ( أم ياسين )
maha211 25/5/2009 ( أم علي)
26/5/2009 فراشة فى بيتها ( أم ريم )




ماميهات شهر6:
danosha 6/6/2009 ( أم آدم )
laly_3mr 9/6/2009 ( أم ضى )
toty858 20/6/2009 ( أم مايا )
salad 23/6/2009 ( أم زياد )




ماميهات شهر 7:
6/7/2009 ريم الصحراء ( أم علا)
23/7/2009 اينا ( ولد باذن الله )
fazloka 25/7/2009 ( أم عبد الرحمن )


ماميهات شهر 8:
ranonte 8/2009
11/8/2009 مشامى ( أم يوسف و دانا )
15/8/2009 نوناس ( أم حلا )
16/8/2009 little cat ( ولدت و جابت بنوتة )
17/8/2009 عروووس جديد ( أم سلمى )
23/8/2009 ryad666 ( أم يوسف و عبد الرحمن )


ماميهات شهر 9:
11/9/2009 لمبادا ( ولد باذن الله )
15/9/2009 ميرفى50 ( بنوتة باذن الله )
14/9/ 2009 فراشة الإيمان ( ولد باذن الله )
27/9/2009 manoooooo
31/9/2009 mermera

ماميهات شهر 10:
11/10/2009 Umm Moaz ( ولد باذن الله )
12/10/2009 yomizo ( بنوتة باذن الله )
lifedrop 13 /10/2009 ( بنوتة باذن الله )
23/10/2009 crazy ananas ( بنوتة باذن الله )



ماميهات شهر 11:
16/11/2009 طالبة الجنة ( بنوتة باذن الله )
18/11/2009 jumanaa ( ولد باذن الله )
24/11/2009 أجمل ايام العمر ( بنوتة باذن الله )


ماميهات شهر 12:
1/12/2009 garfield ( بنوتة باذن الله )
10/12/2009 جنة الحياة ( بنوت باذن الله )
14/12/2009 meshmesh_romio ( بنوتة باذن الله )
20/12/2009 البرج اليسر ( ولد باذن الله )
24/12/2009 دارين ( ولد باذن الله )



ماميهات شهر 1:
19/1/2010 DodyCat


ماميهات شهر 2:
25/2/2010 katkoot48
28/2/2010 om_tota ( بنوتة باذن الله )




ماميهات شهر 3:

26/3/2010 قصة كبيرة





ياريت اللى مش فى اللسته تقولى تاريخ ولادتها عشان اضيفها

ساكتين ليه

حاسه بحاجه بتتحرك والم بسيط تحت السرة تفتكرو دى حركه؟
انا دايخة ومش عارفه هاروح ازاى

دودى ..انتى لسة بتروحى الشغل؟؟؟
ماتاخدى اجازة الشهر دة؟؟؟
الف سلامة عليكى يا قمر

دى حركة البيبى يادودى

ندى الله يسلمك ماينفعش أخد اجازة شهر هخلص شغل فى ايدى وهاخد أسبوع
مشمش بجد دى حركة البيبى ؟