رابطة امهات واطفال مصر لشهر رمضان المعظم"كل عام وانتم الى الله اقرب وعلى طاعته ادوم"

خلاص بلاش اجيب ببرونة الاكل انا ماشية سنة سنة بالمعلقة اينعم بتطلع عينى وتف وتغرق الدنيا بس مش بطاله وخسارة انها مش هتعرف تاخد الكوباية يلا مش مشكلة هانت الايام بتعدى بسرعة بئةة
هو صحيح النيلز الصفرا بتكون اوسع من الشفافة ببرونة مايا طارت من ايدى اتفشفشت ستلاف حتة جبت واحدة جديدة بس دوخت بجد انا بجبلها الشيكو علشان النيلز بتاعتها كبيرة ااباقيين النيلز طويلة رفيعة كنت بلاقي الشيكو بلاستك وكنت دايخة على البايركس زى اللى اتكسرت المهم لاقتها بس النيبلز الصفرا وحسة ان مايا بتاخد الاعشاب فيها اسرع بكتييييييييييييير دة صحح ولا اية

فعلا ياسال ويف فيية لبس اطفال انا كنت فية انهاردة بس ملاقتش مقاس مايا اول سن عندو مقاس سنة مثلا وكونكريت مقاس سنتين اول سن

toty858;10277682:
خلاص بلاش اجيب ببرونة الاكل انا ماشية سنة سنة بالمعلقة اينعم بتطلع عينى وتف وتغرق الدنيا بس مش بطاله وخسارة انها مش هتعرف تاخد الكوباية يلا مش مشكلة هانت الايام بتعدى بسرعة بئةة
هو صحيح النيلز الصفرا بتكون اوسع من الشفافة ببرونة مايا طارت من ايدى اتفشفشت ستلاف حتة جبت واحدة جديدة بس دوخت بجد انا بجبلها الشيكو علشان النيلز بتاعتها كبيرة ااباقيين النيلز طويلة رفيعة كنت بلاقي الشيكو بلاستك وكنت دايخة على البايركس زى اللى اتكسرت المهم لاقتها بس النيبلز الصفرا وحسة ان مايا بتاخد الاعشاب فيها اسرع بكتييييييييييييير دة صحح ولا اية

فعلا ياسال ويف فيية لبس اطفال انا كنت فية انهاردة بس ملاقتش مقاس مايا اول سن عندو مقاس سنة مثلا وكونكريت مقاس سنتين اول سن

لأ مش أكبر هي أطرى فممكن تبقى أسهل في الشفط

ما شاء الله يا مي لبس لولي شيك اوي
يتهني بيه ان شا ءلله ياقمر
مونيتا متقصيش شعر بيرو ليه يا بنتي ده هيطلع اخشن
انا مقصيتش شعر ندي ولا هقصه ان شاء الله اللي يقلك يطلع اقوي وبتاع سيبك
لو طلع هيطلع خشن اوعي اوعي تقصيه هتندمي
ولو خشن ادهنهولها كل لما تلاقيه ناشف ادهنيه عشان يطلع متغدي وقوي

انا مش عايزة اقصه احلقه خالص يعني لا بس انا حاسه انا تقيل من النص وخفيف من الجناب ناحية قدام كده فكنت عاوزة ازبطه لكن كله فعلا قالي بلاش فخلاص شلت الفكرة من دماغي خالص طب لو عايزة ادهنه يدهن ايه زيت وكريم وكده ولا في حاجه مخصوص للاطفال

على فكرة يا مونيا أنا كنت قريت قبل كده إن بلاش نلعب في شعر الأطفال بالزيوت والكلام ده لأن شعرهم ما يستحملش ده غير إن شكل شعرها دلوقتي مش معناه إنه هيفضل خفيف علطول

شعر الطفل بيكتمل على سن 4 أو 5 سنين

انا صورت لبس مايا بتاع العيد :) طبعا سنها معظمو سالوبيتات بس انا اية دورت لما جبت دول الحمد لله انا صورتهم بالشراب او الشوز والاكسسوار كمان :) ناقص التووك بس ان شاء الله اجبهم بكرة كان نفسي احطهم مع الطقم علشان تتخيلوة على بعضو:)








ودول الشورتات اللى بقول عليهم


دة بقة حطلتة البدى بتاع الطقم الاولانى لاقيتة لايق جدا :)

موني كمان مى كانت قالت على شامبو سانوسان بجد بيفرق كتتتتتتتتتتتتيير مايا كنت بغسلها بجونسون نشف اوى اوى اوى جبت سانوسان اتغير بجد خالص جربية هو غالى شوية بس يستاهل

توتي لبس مايا حلو أوي ما شاء الله

عقبال فستان الفرح

بس خدي بالك من الغويشة أحسن تعورها

toty858;10278168:
موني كمان مى كانت قالت على شامبو سانوسان بجد بيفرق كتتتتتتتتتتتتيير مايا كنت بغسلها بجونسون نشف اوى اوى اوى جبت سانوسان اتغير بجد خالص جربية هو غالى شوية بس يستاهل

شفتي ... علشان تصدقوني ... كل ما اقول لحد حاجة جونسون زبالة ميصدقنيش :ss::ss:

ماشاء الله لاقوة الا بالله لبسها زي العسل يا توتي تدوبهم بالعافية يارب عقبال فستان الفرح يااااااااااااااارب

انا فعلا يامي مش حابه احط في شعرها لا زيت ولا كريم بس قولت اعرف لو في حاجه مخصوصه للاطفال هو انا هسيبها كده وخلاص وان شاء الله تتزبط لوحدها

طب والله اجربلها سانوسان دا لو فعلا عن تجربة حلو انا بصراحه بستخدم جونسون ومش مهم غالي ولا رخيص سبحان الله ولادنا مش بنستخسر فيهم حاجه خالص

بيرو بتاكل في الاسورة بتاعتها مش تخربشها وقطعت السنسلة بتاعتها وضيعت الحلق بتاعها بنت قتوة مخلصه على حاجتها اول باول

ههههههههههه
العيال دول مشكلة يامونى
انا عندى مايا قطعتلى سلسلتى انا مش سلسلتها :) انا بلبسلها دهبها في المناسبات علشان عارفة مصيرو :) ولسة ملبساها الحلق الدهب اول امبارح بس قبل كدة كانت بالحلق الطبي كنت خايفة اقلعولها لا ودنها تتخلع في ايدى بعد الشر بس اخدت القرار بئة :)

بس يامونى هيا في الصورة باين شعرها نايم اهوة مش وحش يعنى بس اعتقد قصير مش كدة ؟؟ وليةة مش بتحطلها توك

بنات لبس العيد بتاع ولادكو جميل اوي ما شاء الله
انا مش هصور لبس معاذ لانه مش كامل لسة وشكلي كده مش هكمله له بجد ومخنوقة جدا والله لدرجة اني بعيط من كتر الخنقة
هو فيه طقم بس اللي كامل بالكوتشي والشراب وكله والطقم التاني مش لاقية التيشيرت اللي انا عاوزاه وجبت له كوتشي عليه ولسة الشراب والتيشيرت ادعولي بقى انهرده بعد الضهر كده فيه مول في توريل كان فيه محل لبس اطفال السنة اللي فاتت مش عارفة بقى هروح الاقي المحلات بتتاجر فكل شوية تروحي تلاقي المحل بقى حاجة تانية ربنا ييسر لان دي اخر فرصة ليا في الخروج
والطقم التالت كنت جايباه اول الصيف وكان كبير عليه ومش لبسه ولا مرة جيت البسه له من كام يوم لقيته كبير اوي وشكله وحش فمش هيلبسه هشيله للسنة الجاية ان شاء الله وطبعا خلاص مافييش دماغ انزل اجيب طقم جديد
ادعولي بقى اخلص انهرده والا هيلبس طقم واحد طول العيد :(

بصو بقى دي فكرة شهيدة العيد اللي فات عملنا كده
كلنا نصور ولادنا بلبس العيد ونبقى ننزل الصور بعد العيد نتفق على ميعاد ونتجمع ونشوف صور الولاد
انتو صورتو اللبس وهو فاضي عاوزين نشوفه بقى وهو مليان فيه العيال هههههههههههههه

هاااااااااااا ايه رايكو

لا ياتوتي هي الحمد لله شعرها ناعم مش وحش انا الي بتكلم فيه ان شعرها تقيل في حتت وخفيف في حتت تانية فكنت عاوزة ازبطهولها لكن مش فكرة ان شعرها وحش فهقصة يطلع احلى امال انا خايفه اقصه من الاساس ليه عشان خايفه يطلع وحش واه هو قصير يادوب على قدها سنة

وطبعا بحطلها توك بس في البيت مش بحطلها لانها مش بتطيقهم فبعافر معاها في الخروج بس لكن في اي خروج بره البيت بحطلها دا انا كل ما ادخل محلات 2.5 والحجات دي افضل انقيلها في توك

فكرة حلوة يا ام معاذ خلاص ان شاء الله نصور ولادنا بلبس العيد وكل سنة وانتوا طيبين مقدما

ازيك انتي بقى وازاي معاذ عامل معاكي ايه

moneta;10278123:
انا مش عايزة اقصه احلقه خالص يعني لا بس انا حاسه انا تقيل من النص وخفيف من الجناب ناحية قدام كده فكنت عاوزة ازبطه لكن كله فعلا قالي بلاش فخلاص شلت الفكرة من دماغي خالص طب لو عايزة ادهنه يدهن ايه زيت وكريم وكده ولا في حاجه مخصوص للاطفال

لا متقلقيش شعرها هيتقل وحده دي لسه سنه
ندي مع ان شعرها يعني ما شاء الله غزير بس برده كان في الجناب تلاقيه خفيف
اما بالنسبه اللزيوت والكريمات
بجد اهتمي بيه م ن دلوقتي عشان متندميش لما تلاقيه بقي خشن انا بدهن شعر ندي من سن شهر تقريبا او اقل والحمدلله دلوقتي شعرها ما اشاء الله الله اكبر كل اللي بيشوفو بيعلق عليه
هو طبعا فيه وراثه بس برده بالاهتمام هتخليه حلو
سلفتي بقا شعر بناتها كان نازل حلووناعم وكان لونه احمر خافت تحط زيت وكريمات لحسن الشعر لون يتغير
دلوقتي بنتها الكبيره شعرها خشن خشن جدا مع انه في الصور زمان كان ناعم وهي عمرها 4ونص
انا جربت كريمات زي بالمرز وجي كازنوافا وبعدين بقا رسيت علي زيت سباركل خفيف او ي اوي مش تقيل خالص

ما شا ء الله يا توتي لبس مايا جميل تتهنيبيه يارب
واخرطقم عجبني اوي ما شاء الله
بس نصيحه يا بنات بلاش دهب للاطفال زمانا بقي وحش اوي

ازيكم يا حلوين ؟
كل ده رغي..
انتو بتيجو امتى؟
ماشاء الله لبس الاطفال كله حلو
بجد انتو عقدتونى ماشاء الله لا قوة الا بالله
انا بقا صورت هدوم عمر طبعا مش باينين اوى بس مش دى المشكله
المشكله ان الكمبيوتر مش بيشتغل وانا بتكلم معاكم من الاب توب بتاع جوزى وطبعا مينفعش انزل عليه صور

ادعولى يشتغل علشان اعرف انزل الصور


مى
السليبر بتاع عبد الله جايباه منين ؟ انا بدور عالاستايل ده ومش لاقياه خالص
لان عمر واخد رجل باباه وجده وش رجله عريض وعالى فعايز حاجات تتوسع واهو حتى يعيش شوية معاه بدل ما كل شهر بجيبله
على فكرة انا جبت زيه بس صندل كده وفيه كل الالوان
بس على فكرة انا بجيب الاحذية دلوقتى مش من محلات الاطفال بتاعت الملابس
في محلات مخصصه لاحذية الاطفال دى اللي بجيب منها والاسعار ارخص كتير
يعنى جبت كتشي عمر ب 70 والصندل اللى قلت عليه كان ب 40
هحاول اشوف كده صورة صندل كنت جايباه لعمر قبل كده بس صغر عليه وكنت حملتها عالمنتدى بس منزلتهاش