:X_hell1: :X_hell1:
ياااااااااااااي لكم وحشة بجد بجد بجد وااااااااااااااااااااااااايد :8875:
خخخ تعودتوا اطول الموضوع وهو قصير خخخخ
الله يسلمكم اليوم بحكي لكم قصة ولادتي <<كاني جالسة اقول قصة قبل نوم :sm179:
اول شي حملي وايد تعبت والوحام بهدلني زين مازين بس حمدلله ربي هونها علي
وطبعا شفت اختلاف 100% عن حملي بشهودة الي كان مريح وحلو وسهل
وكل شي طلع فيني هالمرة من نقص دم ونقص حديد ونقص فيتامين
وصرت تعبانة كله ادوخ وارجع ومالي نفس اكل شي
وصابني جفاف وكل 4 ايام اروح يحطولي مغذي وارجع :(
واضطريت استقيل من دوام
وصرت ماحب طلعات ونفسيتي تعبت بس هم ما اقول الا الحمدلله :)
ووصلت بحمدلله للشهر السادس وبعدها السابع وبعدها الثامن واخيرا التاسع<<خلصينا انزين :21_131:
ودخلت التاسع وتعبت من الالم الظهر وصار كل شي يالمني بجسمي بسبب نقص الحديد والفيتامين الي عندي
وكنت اتمنى اولد اليوم قبل بكرة بس تمر الايان وانا بعدني انتظر ونفسيتي صارت شينة :(
كله ابكي واصيح وحبيبتي شهودة تبكي معاي :sad:
مهم قبل موعد الولادة ب9 ايام رحت المستشفى وقالت لي دكتورة عندي التهاب لازم تعطيني طلق وتولدني لانه مب زين للبيبي
واختربت نفسيتي اكثر وقلت ما ابي اولد كذا بس هم توكلت وقلت لها بجي بيوم الي تحددلي وحددتلي يوم الثلاثاء
وقبله كله اصيح وكاني عندي احساس فظيع ان ولادتي بتكون صعبة وخطرة لان حملي كان نوعا ما صعب ومتعب
وجلست اخوف واوسوس نفسي وماعندي غير الصياح وادعي يجيلي طلق طبيعي بس مافي اي بوادر للالم وزوجي يضحك يقول اول مرة اشوف وحدة تدعي حال عمرها بالالم خخخ (r)
مهم دشيت المستشفى ساعة 11 وحطوني على الطلق وطبعا مافي ولا شي
قالت لي دكتورة بتجي تعطيج الطلق الصناعي ساعة 3
طول ذاك الوقت وانا ما مخبرة حد بس انا وزوجي هناك وقبل ماتجي الدكتورة حسيت بالالام وطلع عن عندي طلق خفيف :D
جت دكتورة ولما شافت قالت ما بعطيج طلق الحين لانه عندج بس خفيف وايد ..عندي عملية قيصيرية بعد ساعة اخلص وبجي عندج وبقرر في وقتها ونصحتني اروح امشي
مهم حسيت بالالم بس هم خفيفة وعرفوا اهلي وجاوا كلهم وجلسوا يضحكوني ويريحوني وانا اصيح واقراء القران ما اكلم اي حد
ونزلت امشي مع اختي وكله اقراء قران واسبح واستغفر ربي والالم يزيد شوي شوي
وجت دكتورة على ساعة 7 وطلبت تسويلي فحص وطلعوا اهلي كلهم وراحوا بالصالة وفجاءة سمعوا صراااااااااااااخ قوووووووووووي مني هع هع :tongue:
وامي تبي تفتح باب وممرضة مانعتنها وانا اصرخ من قوة الفحص.. ودخلوا اهلي وشافوني مغطية نفسي وما ابي اشوف حد واصيح وشافوا الدكتورة توديني سالتها امي وين قالت لها ولادة بنتج مفتوحة 6 وانا فتحت الماي وخلال ساعتين او 3 بتولد :eek:
كلهم صاروا كذا :eek: كيف وليش وتوها تضجك ومافي الم وماعرف شو وانا ماراضية افتح الغطاء من وجهي واصييييييييح واستغفر ربي بس
ودخلوني غرفة الولادة ودخل زوجي معاي
ماما يخووووووووووووووف كل شي فيها :21_218:
واشتد الالم فيني فجاءة وجلست اصارخ من قوة الالم وطلبت اكسجين وجابولي بدون غاز وجلست اصيح واتوسل عطوني غاز عطوني كمام عطوني ابرة مخففة وايد يالمني :confused:
قالت بنروح نجيب واحد جديد وقالت لي ممرضة بروح اجيب ابرة مهدئة عشان يخفف عليج وقت الولادة وقبل ماتروح صرخت قلت لها ابي اولد قالت لي تو الناس ولما شافت قالت 9 سم مفتوحة ودكتورة تركض وانا ابي ادفع وهي بعدها ما لابسة الكفوف ولا شي وانا اتالم اقول عطوني ابرة او اي شي ما يصير اولد وانا قايمة وحاسة بكل شي
طلق حار وايد قوي وحار وانا تعبت بس ماشي فايدة
لما شافتني الدكتورة كذا حضنتني ودمعت عيونها وقالت حبيبتي يا تستحملي لان ماشي وقت نجيب الكمام او نعطيج ابرة اتوكلي على ربج وساعدينا
جلست ابكي وقلت لزوجي عطيني السبحة ابي اسبح واستغفر ربي
وسكت وحبست دموعي واستنجدت بربي وتوكلت عليه
والله يابنات طول الوقت وانا اسبح واستغفر وبوش وبعدها الثاني وفي ثالث طلع حبيبي :21_95:
وحطوا بحضني وانا ادعي ربي اسئلك بحسن الخلق يالله اسئلك بحسن الخلق والخلقة يارب وشفته مثل القمر.. وحضنته وبكييييييييت وجلس يبكي معاي وسمعت اهلي برع الغرفة يصيحوا ويصرخوا من الفرحة
وتخيلوا حسيت بكل شي بالطلق الحار القوي السريع.ابرة الي يعطونها بالاسفل ..قوة الدفع و خروج الجنين وبعدها المشيمة والخياطة يااااااااااااربي حسيت كاني ولدت من جديد وهاي حياة ثانية ربي عطاني :)
وطلع زوجي برع وصرخ مهند وصلللللللللللللل :clap:
وبحمدلله كان يوم الثلاثاء 11\8\2009 الساعة 8 مساء احلى يوم بحياتي
وبفضل الاستغفار ودعوات الاهل والاحباب ربي يسر علي ورزقني ربي بفرحة مالها حدود .. وكان اغلى هدية من رب العالمين بعد شهد
عسى ربي يحفظلي عيالي
والسموحة لو طولت عليكم (f)
ولا تنسوني من دعواتكم لي ولعيالي
سانثر الورد كالجزر والمد .. وساستقبل تهاني مالها حد
واقول جبت احلى بشر .. " مهند " مثل القمر
سبحان ربي الذي امر.. وعطاني ثاني هدية بالعمر
بالامس انظر بعيوني "شهد"
واليوم بعيوني "مهند "
وانتظروني بموضوعي عن تجهيزات وتوزيعات وغرفة مهند
واقول جبت احلى بشر .. " مهند " مثل القمر
سبحان ربي الذي امر.. وعطاني ثاني هدية بالعمر
بالامس انظر بعيوني "شهد"
واليوم بعيوني "مهند "
وانتظروني بموضوعي عن تجهيزات وتوزيعات وغرفة مهند