نونه الشعنونة;10146984:
اول ما عرفت اني حامل كنت بمشغل اختي يعني صالون التجميل
جابت لي تحليل الحمل المنزلي وسويته وطلع على طول خطين
بغيت انهبل
لأني تأخر 8 شهور وما حملت وقالوا ان عندي تكيس
رحت البيت وقلت لزوجي لازم بكرة نروح المستشفى قالي ليش قلت له تعبانه شوي
ودخلت على الدكتورة وهو جلس برى وطلبت تحليل حمل بالدم وعطتني ورقه ورحت المختبر
وسويت التحليل وانا ماسكة نفسي بالغصب عشان ما اقول قبل ما اتأكد من تحليل الدم
ورحنا البيت وبعد ساعه الا ربع كلموني المختبر وقالولي احلى خبر ورحت لزوجي وهو كان جالس مع ابوه وامه بالصاله ورسلت له رساله بالجوال وقلت له مبروك يا بابا انا جاي بعد تسعه شهور وراح ينقز من الفرحه لدرجة امه قامت تسمي عليه وخواته بكوا من الفرح
واول مره حسيته يتحرك حطيت يد زوجي على بطني وحس الحركه معاي
وبالنسبه للولادة ما كانت ابد ذكريات سعيده ولا حتى حلوة لأني صابني تسمم غذائي وانا بالاسبوع 39 وبغيت اموت من الترجيع والمغص ودخلوني مستشفى الولادة والاطفال بدل ما كنت باولد بمستشفى خاص ولدت عندهم والله قراده بس عدت على خير
يالله كل وحده تقول ذكرياتها
موضوع راااااااائع ...
بالنسبه لي يوم دريت اني حامل ماصددقت احد ولا حتى زوجي ولاحتى تحليل الدم ..ماصدقت غير يوم شفته بالسونار شعور عجييييييييييييب :adore:
وانا صارلي نفسك تسمم غذائي ..كنت في المستشفى ..تعرفون المستشفى الالماني داخله اسوي قيصري بشهري السابع وكان الطلق ذاااااابحني ونبض البيبي ضعيف كان هذا الكلام برمضان ..تحسن نبض البيبي لكن بديت احس بمغص مو طبيعي اقول للدكتوره المغص ذااااابحني تقولي من الطلق وانا والله مو قادره اصلي ولا اصوم من الالم جالسه افرفر وادوور واقول لامي امكن تسمم غذائي تقولي فين يجيك التسمم في الالماني بعد كم يوم خرجت على مسوليتي ورحت مستشفى حكومي وقالولي تسمم والله جلست لين العيد وانا تعبانه من اثار التسمم ....:sick:
وبعدها بشهر ولدت بنفس هذا المستشفى اللي كنت متفنعصه عليه وتعبت في الطلق كثيرررر لكن يوم شفت ولدي نسيت الدنيا ومافيها :biggrin:
الله يرزق المتاخرات بالحمل عااااااجلا غير اجل ولايحرمهم هالشعور يارب ..